मत्‍ती 13:44 - पश्‍चिम तामाङ

⁴⁴ “स्‍वर्‌गइ य्‍हुल्मी सन्‍हङ् बुब्‍थेन्‍बे सम्‍पती र्‌हङ्‍ब य्‍हीन्‍ब। म्‍ही गीचे हुजु यङ्‍ब ओसेम् देबेएनो गप्‍थेन्‍ब। ओसेम् थे तङ्‌ज्‍यीम् य्‍हर्‌ज्‍यीम् र्‌हङ्‌की मुब थम्‍चे सम्‍पतीमा चुङ्‍ब, ओसेम् हुजु म्रङ् ग्‍लुब।

मत्‍ती 13:44 ပူးပေါင်းရင်းမြစ်များ

मत्‍ती 13:24

येसुचे देबेनो ल्‍हो-ल्‍हो अर्‌थ गीः सुङ्‌जेत्‍ज्‍यी, “स्‍वर्‌गइ य्‍हुल् चु र्‌हङ्‍ब य्‍हीन्‍ब, म्‍ही गीःचे र्‌हङ्‌की म्रङ्‌री ज्‍यबे ब्‍लु ब्‍लुत्‍ज्‍यी।

मत्‍ती 13:46

थेचे य्‍हक्‍को सेइ फाथोबे मोती यङ्‍ब बीसेम् य्‍हर्‌ज्‍यीम् र्‌हङ्‌की मुब थम्‍चे सम्‍पतीमा चुङ्‍ब ओसेम् हुजु मोती ग्‍लुब।

मत्‍ती 13:47

“स्‍वर्‌गइ य्‍हुल् ग्‍येरी ल्‍हीःबे ग्‍यङ्‍ र्‌हङ्‍बएनो य्‍हीन्‍ब। हुजुरी थोचे थोइ तर्‌ङमा स्‍यप्‍प।

मत्‍ती 19:21

येसुचे थेत सुङ्‌ज्‍यी, “ए देमेन्‍नो पर्‌मेस्‍वर्‌की ङ्‍होन्‍सङ् ज्‍यब तइ म्‍हेन्‍सम् ङ्‌यीज्‍यीम् एतेङ् मुबे जम्‍मनो स्‍य्‍हेमा चुङ्‌ज्‍यीम् प्रङ्‌नमात पीनो, ओसेम् एचे स्‍वर्‌गरी सम्‍पतीमा यङ्‍स्‍ये मुब। हुजु लीप्‍चे खज्‍यीम् ङइ लीक्‍यम् ब्रउ।”

मत्‍ती 19:27

हुजु लीप्‍चे पत्रुसचे पङ्‍ज्‍यी, “स्‍हीःगो, ङ्‍यीमाचेम् जम्‍मनो स्‍य्‍हेमा पीत्‍थेन्‍ज्‍यीम् थेङ्‌की लीप्‍चे ब्रबल मुब। ङ्‌यीमाचे ता यङ्‌स्‍ये मुब?”

मत्‍ती 19:29

ओसेम् ङइ लागीरी दीम्, अज्‍यो-अले, अन-अङ, अप-अम, ज-जमे, म्रङ्-बुम्रङ् पीत्‍थेन्‍बलमा जम्‍माचेनो हुजु बीमएनो सय गुन य्‍हक्‍को ओसेम् खेमेएनो अबेबे जीवनएनो यङ्‍स्‍ये मुब।

मत्‍ती 6:21

तलेपङ्‍सम् खन एइ सम्‍पती तब, हुजुरी एइ सेम्‍एनो तब।

लुका 14:33

होलेनो एङ्‍यीमान्‍हङ्‌री खल्‍चे र्‌हङ्‌तेङ् मुबे जम्‍मा स्‍हेमा अख्‍लाज्‍यी थे ङइ डब तअखम्।

युहन्‍ना 6:35

हुजु लीप्‍चे येसुचे थेङ्‌यीमात सुङ्‌ज्‍यी, “जीवन पीन्‍बे ग्‍येङ् ङनो य्‍हीन्‍ब। ङइज खबल ख्रेन्‍स्‍ये अरे ओसेम् ङत बीस्‍वास् स्‍य्‍हेङ्‌बल खेमेएनो फीःस्‍ये अरे।

रोमी 15:4

तलेपङ्‍सम् धर्‌म छ्‍येरी ङोन्‍ग्‍यम्‍की दीन्‍मारी ब्रीबे तम्‍मा ङ्‌य्‍हङ्‍मात लोप्‍परी ब्रीबल य्‍हीन्‍ब। हुजु तम्‍माचे ङ्‌य्‍हङ्‌मात नाबे सक्‍तीतेङ् आर् पीन्‍ब, होत्‍तज्‍यीम् ङ्‍य्‍हङ्‍माचे आस् यङ्‍स्‍ये मुब।

कलस्‍सी 2:3

ख्रीस्‍ट्‍रीनो पर्‌मेस्‍वर्‌चे जम्‍मनो ज्ञान्‍तेङ् बुद्‍दीइ सम्पत्‍ती छुम्‍जेत्‍पल मुब।

कलस्‍सी 3:16

एङ्‌यीमाकी सेम् ख्रीस्‍ट्‍की फ्रोइचे प्‍लीङ्‍खइ। गीःचे गीःत जम्‍मनो बुद्‍दीचे लोप्‍ज्‍यीम् अर्‌ती पीनो। ओसेम् भजन सङ्‍ग्रहकी व्‍हइमा कोज्‍यीम्, भजनकी व्‍हइमा कोज्‍यीम् ओसेम् आत्‍मीक् व्‍हइमा कोज्‍यीम् पर्‌मेस्‍वर्‌त व्‍होर्‌छ्‌ये पीनो।

हीब्रु 10:34

जेल्‍री च्‍युप्‍पलमात एङ्‍यीमाचे र्‌हो लज्‍यी। र्‌हङ्‍तेङ् मुबे सम्‍पत्‍ती ब्‍येन्‍मेएनो एङ्‍यीमाचे तङ्‌ज्‍यीम् नाज्‍यी, तलेपङ्‍सम् खेम पङ्‌लेनो तस्‍यीनो टीबे झेन् य्‍हक्‍को ङ्‍हच्‍छ्‌यङ् सम्‍पत्‍ती र्‌हङ्‍तेङ् मुब पङ्‌बे तम् एङ्‌यीमाचे स्‍येःब मुबल।

प्रकास 3:18

होत्‍तज्‍यीम् बरु तबरी मेरी ख्रङ्‍ज्‍यीम् खार्‌तीबे म्‍हर् ओसेम् एत पेत्‍नलबे क्‍लीङ्‍दो ल्‍हीः गप्‍परी तर् येन् ओसेम् एइ मीः म्रङ्‌बरी मलम् ङ ग्‍यम्‍से ग्‍लुबरी ङ एत सल्‍लह पीन्‍ब।