मत्‍ती 13:40 - पश्‍चिम तामाङ

⁴⁰ साममा मेरी ख्रङ्‍बरी र्‌हुब् लब र्‌हङ्‌ले जम्‍बुलीङ्‌की ज्‍युकी दीन्‍री होलेनो तस्‍ये मुब।

मत्‍ती 13:40 ပူးပေါင်းရင်းမြစ်များ

मत्‍ती 12:32

म्‍हीइ जइ बीरुद्‍दरी पङ्‌बे पापमा क्षम तस्‍ये मुब, तर पबीत्र आत्‍माइ बीरुद्‍दरी पङ्‍बे पापमी चु बेलोतेङ् खस्‍येकी बेलोरीएनो क्षमा तस्‍ये अरे।

मत्‍ती 13:22

डेत्‍मी पुजुकी जीङ्‍न्‍हङ् दोःबे ब्‍लु र्‌हङ्‍ब तब, थेङ्‍यीमाचे पर्‌मेस्‍वर्‌की फ्रोइत ङ्‍येन्‍ब, तर चु जम्‍बुलीङ्‌की स्‍य्‍हेःमाकी लागीरी छेर्‌बतेङ् बरु तबे सेम्‍चे लज्‍यीम् पर्‌मेस्‍वर्‌की फ्रोइत उप्‍प ओसेम् हुजुचे रोःरो अरो।

मत्‍ती 13:39

सामकी ब्‍लु ब्‍लुत्‍पे सत्‍तुर्‌मी सैतान् य्‍हीन्‍ब, अन्‍न दुत्‍पे बेलोमी जम्‍बुलीङ्‌की ज्‍युकी दीन् य्‍हीन्‍ब, ओसेम् अन्‍न दुत्‍पतेङ् थेन्‍बे लक् स्‍य्‍हेङ्‌बे नङ्‍बोमाम् स्‍वर्‌गदुत्‍मा य्‍हीन्‍ब।

मत्‍ती 13:49

चु जम्‍बुलीङ्‌की ज्‍युकी बेलोरीएनो होलेनो तस्‍ये मुब। स्‍वर्‌गदुत्‍मा खज्‍यीम् धर्‌मीमाकी गुङ्‌से अज्‍यबलमात फेःस्‍ये मुब।

मत्‍ती 24:3

तोव लीप्‍चे येसु जैतुन् पङ्‍बे गङ्‍री स्‍य्‍हुटीबे बेलोरी थेङ्‌की डबमा खुसुक्‍ले थेङ्‌ज खज्‍यीम् ङ्‌योत्‍ज्‍यी, “लोप्‍पोन्, ङ्‍यीमात सुङ्‌जेतो, चु जम्‍मनो तम्‍मा खेम तस्‍ये मुब? ओसेम् थेङ् दोःज्‍यीम् ब्‍योन्‍युटीबलतेङ् चु जम्‍बुलीङ् नास् तयम्‍बल मुब पङ्‍बे चीनो ता तस्‍ये मुब?”

मत्‍ती 28:20

ङचे एङ्‌यीमात कुल्‍बे जम्‍मनो अर्‌तीमा र्‌हङ्‌ले थेङ्‌यीमात ब्रबरी लोपो। देमेन्‍नो, ङ एङ्‌यीमातेङ् खेम पङ्‌लेनो बक्‍च्‍य तस्‍ये मुब, ओसेम् ङ जम्‍बुलीङ्‌की ज्‍युकी दीन्‍सम्‍मनो एङ्‌यीमातेङ् तस्‍ये मुब।”

१ कोरीन्‍थी 10:11

थेङ्‍यीमात तबे चु तम्‍मा ङ्‍य्‍हङ्‍मात नुमनइ लागीरीतेङ् ङ्‍य्‍हङ्‍मात होसीयार् तनलबे लागीरी ब्रीबल य्‍हीन्‍ब। तलेपङ्‍सम् देरेम् चु जम्‍बुलीङ् बेबे बेलो खबल मुब।

हीब्रु 9:26

थेङ् वर्‌सेलेनो र्‌हङ्‌नो ठा तबरी ङ्‍यीथोःबल य्‍हीन्‍सम् जम्‍बुलीङ् स्‍य्‍हेङ्‌ब य्‍हङ्‌सेनो थेङ्‍चे य्‍हक्‍को ख्‍यप् दुख नाथोःस्‍ये मुबल। तर चु ज्‍युकी बेलोरी ख्रीस्‍ट् खेम पङ्‍लेनोइ लागीरी तीख्‍यप्‍कीनो ब्‍योन्‍युजेत्‍ज्‍यी, ओसेम् म्‍हीमाकी पाप्‍त ख्रुबरी र्‌हङ्‌नो ठा तपीन्‍जेत्‍ज्‍यी।