38 हुजु लीप्चे डेत्-डेत् धर्म लोप्पोन्मातेङ् फरीसीमाचे येसुत पङ्ज्यी, “लोप्पोन्, ङ्यीमात थेङ्चे तेङेन्की चीनो गीः ङोन्जेतो, ङ्यीमाल च्याबे सेम् मुब।”
तलेपङ्सम् एङ्यीमाचे पङ्बे तम्सेनो न्यायकी दीन्री एङ्यीमा दोसी य्हीन्ब वुइ अय्हीन् ङोन्स्ये मुब।”
ल्हो-ल्होमाचेम् येसुत जाच्तीब म्हेन्ज्यीम्, “ङ्यीमात स्वर्गइ तेङेन्की चीनो गीः ङोनो” बी पङ्ज्यी।
य्हक्को म्हीमा र्हुप् तब बीसेम् येसुचे सुङ्ज्यी, “चु पुस्ताइ अज्यबे लक् स्य्हेङ्बे म्हीमाचे ङत तेङेन्की चीनो ङोनो बी पङ्ब। तर ङ योनाइ चीनो गीःकीनो पीन्ब।
हुजु लीप्चे यहुदी अगुवामा खज्यीम् पङ्ज्यी, “थेङ्तेङ् चोतेबे लक् स्य्हेङ्बे अधीकार् मुब बी ङ्यीमात अचम्मइ लक्की चीनो ङोन्जेत्प खम्ब?”
येसुचे थेत सुङ्ज्यी, “एङ्यीमाचे अचम्मइ लक्तेङ् चीन्हमा अम्रङ्गदे ङत खेमेएनो बीस्वास् स्य्हेङ्स्ये अरे।”
थेङ्यीमाचे थेङ्त पङ्ज्यी, “थेङ्चे ङ्यीमात खतेबे अचम्मइ चीनोमा ङोन्जेत्प, ओसेम् हुजु च्याज्यीम् थेङ्त बीस्वास् स्य्हेङ्ब? थेङ्चे ता स्य्हेङ्जेत्प?
तलेपङ्सम् यहुदीमाचे तेङेन्की चीनो र्हीत्प ओसेम् ग्रीक् म्हीमाचे बुद्दी म्हइब।