मत्‍ती 12:24 - पश्‍चिम तामाङ

²⁴ चु थ्‍येःज्‍यीम् फरीसीमाचे पङ्‍ज्‍यी, “चु म्‍हीचे म्‍हङ्‍माकी ग्‍यल्‍बो बाल्‍जीबुलकी सक्‍ती ग्‍यम्‍चे म्‍हङ् तेत्‍प।”

मत्‍ती 12:24 ပူးပေါင်းရင်းမြစ်များ

मत्‍ती 10:25

डब र्‌हङ्‌की लोप्‍पोन् गदे ओसेम् बान मालीक् गदे तबरीनो तङ्‍थोब। थेङ्‍यीमाचे दीम्‍की न्‍याबोतनो म्‍हङ्‍की ग्‍यल्‍बो बाल्‍जीबुल पङ्‍ब पङ्‌सम् दीम्‍की म्‍हेम्‍यमात झेन् गदे अज्‍यब पङ्‌ल?

मत्‍ती 9:32

थेङ्‍मा हुजु ग्‍लाचे डोङ्‍ज्‍यीम् स्‍येटीबे बेलोरी म्‍हीमाचे म्‍हङ् स्‍यप्‍पे लेम्‍ब म्‍ही गीःत येसुज बज्‍यी।

मत्‍ती 9:34

तर फरीसीमाचे पङ्‍ब तीप्‍ज्‍यी, “थेत म्‍हङ्‍माकी ग्‍यल्‍बोचे म्‍हङ् ल्‍हप्‍पे सक्‍ती पीन्‍बल तज्‍यीम् थेचे म्‍हङ्‌मा तेत्‍लाब खम्‍ब।”

मर्‌कुस् 3:22

ओसेम् यरुसलेम ग्‍यम्‍चे खबे धर्‌म लोप्‍पोन्‍माचे पङ्‍ज्‍यी, “चुत म्‍हङ्‍माकी ग्‍यल्‍बो बाल्‍जीबुल म्‍हङ् स्‍यप्‍पल मुब, हुजु म्‍हङ्‍की सक्‍ती ग्‍यम्‍चे म्‍हङ्‌मा ल्‍हब्‍लाबल य्‍हीन्‍ब।”

लुका 11:14

येसुचे म्‍हङ् स्‍यप्‍ज्‍यीम् लेम्‍ब तबे म्‍ही गीःइ ल्‍ही ग्‍यम्‍चे म्‍हङ् लब्‍लाजेत्‍टीब मुबल। म्‍हङ् डोङ्‌य्‍हर्‌ब बीसेम् हुजु म्‍ही तम् पङ्‌ब थाल्‍दीज्‍यी। ओसेम् य्‍हक्‍को म्‍हीमा थोम्‍ज्‍यी।

लुका 11:15

तर डेत्-डेत् म्‍हीमाचे पङ्‌ज्‍यी, “थेचे म्‍हङ्‌माकी ङ्‌हच्‍छ्‌यङ् बाल्‍जीबुलकी सक्‍ती ग्‍यम्‍से म्‍हङ्‌मा लब्‍लाबल य्‍हीन्‍ब।”