मत्‍ती 11:5 - पश्‍चिम तामाङ

⁵ कनमाचे म्रङ्‌ब, खोरमा ब्रब खम्‍ब, पुन् स्‍यप्‍पलमा फेन्‍बल मुब, न्‍हादीङ्‍माचे थ्‍येःब, स्‍यीबलमा सोब, ओसेम् प्रङ्‌नमात ज्‍यबे सम्‍तर् स्‍येत्‍टीब मुब।

मत्‍ती 11:5 ပူးပေါင်းရင်းမြစ်များ

मत्‍ती 10:8

नबमात फेन्‍नलउ, स्‍यीबलमात सोनलउ, पुन् स्‍यप्‍पलमात फेन्‍नलउ, ओसेम् म्‍हङ्‍मात तेत्‍लाको। एङ्‍यीमाचे चु ओलेन्‍नो यङ्‌ज्‍यी, ओसेम् एङ्‌यीमाचेएनो ओलेनो पीन्‍थोब।

मत्‍ती 11:4

येसुचे थेङ्‌यीमात सुङ्‌ज्‍यी, “एङ्‍यीमाचे थ्‍येःबतेङ् म्रङ्‌बे तम्‍मा ङ्‌यीज्‍यीम् युहन्‍नात स्‍येतो,

मत्‍ती 12:13

हुजु लीप्‍चे येसुचे या खर्‌बे म्‍हीत, “या स्‍येल् लो” बी सुङ्‌ज्‍यी। थेचे या स्‍येल् लज्‍यी ओसेम् थेइ या फेन्‍ज्‍यी।

मत्‍ती 21:14

हुजु लीप्‍चे कनमातेङ् खोरमा थेङ्‌ज पर्‌मेस्‍वर्‌की दीम्‍री खज्‍यी। ओसेम् थेङ्‌चे थेङ्‌यीमात फेन्‍नलजेत्‍ज्‍यी।

मत्‍ती 5:3

“आत्‍मारी प्रङ्‍न म्‍हेन्‍बलम् मोलम् यङ्‍बलमा य्‍हीन्‍ब, तलेपङ्‍सम् स्‍वर्‌गइ य्‍हुल् थेङ्‍यीमाल य्‍हीन्‍ब।

मत्‍ती 9:30

ओसेम् थेङ्‍य्‍हीचे मीः म्रङ्‌ब खम्‍ज्‍यी, येसुचे थेङ्‍य्‍हीत, “चु तम् खल्‍तएनो थस्‍येतो!” बी कुल्‍जेत्‍ज्‍यी।

मर्‌कुस् 7:37

चु तम् थ्‍येःबमा जम्‍मनो तेङेन् तज्‍यीम्, “थेङ्‌चे स्‍य्‍हेङ्‌जेत्‍पे लक्‍मा जम्‍मनो ज्‍यबल मुब। थेङ्‌चे न्‍हादीङ्‍मातएनो थ्‍येःन लजेत्‍पल मुब। ओसेम् लेम्‍बमात तम् पङ्‍ब खम्‍नलजेत्‍प” बी पङ्‍ज्‍यी।

मर्‌कुस् 9:25

य्‍हक्‍को म्‍हीमा र्‌हङ् मुबे ग्‍लारी खटीबल म्रङ्‌ज्‍यीम् येसुचे म्‍हङ्‌त, “ओ लेम्‍बतेङ् न्‍हादीङ् तनलबे म्‍हङ्, चु कोल ग्‍यम्‍से डोङो! ओसेम् दोःज्‍यीम् चु कोलइ ल्‍हीरी खेमेएनो थवङो!” बी बराज्‍यीम् कुल्‍जेत्‍ज्‍यी।

लुका 4:18

“प्रभुकी आत्‍मा ङतेङ् मुब, तलेपङ्‍सम् प्रङ्‌नमात ज्‍यबे सम्‍तर् स्‍येत्‍परी पर्‌मेस्‍वर्‌चे ङत दम्‍जेत्‍ज्‍यीम् पीत्‍युजेत्‍पल मुब। बन्‍दीरी मुबे म्‍हीमात पीत्‍परी, मीः अम्रङ्‌बमात म्रङ्‌न लबरी, ल्‍हो-ल्‍हो म्‍ही ग्‍यम्‍चे दुख यङ्‌बलमात पीत्‍परी,

युहन्‍ना 10:25

येसुचे थेङ्‌यीमात जोहाप् न्‍हङ्‌ज्‍यी, “ङचे एङ्‌यीमात पङ्‍ज्‍यीन्‍ज्‍यी, तर एङ्‍यीमाचे ङत बीस्‍वास् अस्‍य्‍हेङ्। ङचे अपइ छेन्‍री स्‍य्‍हेङ्‌बे लक्‍मा ग्‍यम्सेनो ङ खल बी ङोन्‍ब।

युहन्‍ना 10:38

तर ङचे स्‍य्‍हेङ्‌बे लक् पर्‌मेस्‍वर् अप ग्‍यम्‍से य्‍हीन्‍सम्, ङत बीस्‍वास् अस्‍य्‍हेङ्‍लेनो, ङचे स्‍य्‍हेङ्‌बे चु लक्‍मात बीस्‍वास् स्‍य्‍हेङो। ओसेम् अप ङतेङ् मुब, ङ अपतेङ् मुब पङ्‍बे तम् एङ्‍यीमाचे स्‍येस्‍ये मुब।”

युहन्‍ना 2:23

नीस्‍तार पर्‌बइ बेलोरी येसु यरुसलेम्‍री मुबल। हुजुरी मुबे बेलोरी थेङ्‌चे स्‍य्‍हेङ्‌बे तेङेन्‍की लक्‍मा म्रङ्‌ज्‍यीम् य्‍हक्‍को म्‍हीमाचे थेङ्‌की छेन्‍री बीस्‍वास् स्‍य्‍हेङ्‌ज्‍यी।

युहन्‍ना 3:2

तीरेत् म्‍हुना नीकोदेमस् येसुइज खज्‍यीम् पङ्‍ज्‍यी, “लोप्‍पोन्, थेङ् ङ्‍यीमात लोप्‍परी पर्‌मेस्‍वर्‌चे पीत्‍युजेत्‍पल य्‍हीन्‍ब बी ङ्‌यीमाचे स्‍येःब। तलेपङ्‍सम् पर्‌मेस्‍वर्‌चे र्‌हो अस्‍य्‍हेङ्‍जेत्‍पल य्‍हीन्‍सम् थेङ्‌चे स्‍य्‍हेङ्‍जेत्‍पे चु अचम्‍मइ लक् खल्‍चेएनो स्‍य्‍हेङ्‍ अखम्।”

युहन्‍ना 5:36

“तर युहन्‍नाल बीमएनो ङ्‌हच्‍छ्‌यङ् गवाही ङतेङ् मुब। ङइ अपचे ङत स्‍य्‍हेङ्‌बरी कुल्‍बे लक्‍मा ङचे स्‍य्‍हेङ्‍टीबल मुब, ओसेम् हुजु लक्‍माचेनो ङत अपचे पीत्‍युजेत्‍पल य्‍हीन्‍ब पङ्‌ज्‍यीम् गवाही पीन्‍ब।

युहन्‍ना 9:7

ओसेम् थेङ्‌चे सुङ्‌ज्‍यी, “ङ्‍यीउ, सीलोआम पङ्‍बे ग्‍येरी ङ्‌यीज्‍यीम् ली ख्रुउ।” (सीलोआम पङ्‍बलम् पीत्‍पल य्‍हीन्‍ब।) हुजु कन म्‍ही ङ्‌यीज्‍यीम् लीः ख्रुज्‍यी, ओसेम् थेइ मीः म्रङ्‌ब खम्‍ज्‍यीम् दोःखज्‍यी।

प्रेरीत् 2:22

“ओ इस्राएलकी म्‍हीमा एङ्‍यीमाचे चु तम्‍एनो ङ्‌येनो। पर्‌मेस्‍वर्‌चे येसु ग्‍यम्‍से एङ्‌यीमाकी गुङ्‍री ङ्‍हच्‍छ्‍यङ्-ङ्‍हच्‍छ्‍यङ् लक्‍माकी तेङेन्‍की चीनोमा ङोन्‍जेत्‍पल एङ्‍यीमाचे स्‍येबलनो मुब। हुजु चीनोमा ग्‍यम्सेनो नासरतकी येसुत पर्‌मेस्‍वर्‌चेनो पीत्‍युजेत्‍पल य्‍हीन्‍ब बी ङोन्‍बल मुब।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?