30 ङइ कुम् देबल मुब, ओसेम् ङइ दोत् यङ्ज मुब।”
हुजु बेलोरी येसु दुःब न्हबे दीन्री व्ह म्रङ् ग्यम्से तज्यीम् स्येजेत्टीब मुबल। थेङ्की डबमा ख्रेन्बल तज्यीम् व्हइ नम् टङ्ज्यीम् चज्यी।
“एङ्यीमाचे ङतेङ् सान्ती यङ्खइ पङ्ज्यीम् ङचे एङ्यीमात चु तम्मा पङ्बल य्हीन्ब। जम्बुलीङ्री एङ्यीमात दुख तस्ये मुब, तर आर् लउ, जम्बुलीङ्त ङचे डाबल मुब।”
होत्तज्यीम् तले यहुदी अय्हीन्बे बीस्वासीमात चु दोत् कल्पीन्ज्यीम् पर्मेस्वर्त बोमो रप्न लब? तलेपङ्सम् चु दोत् न्ह ङ्य्हङ्की अखी म्हेमेमाचे नाखम्ज्यी न्ह ङ्य्हङ्माचे।
तलेपङ्सम् ङ्येन्नोथोबे तम्मा बीम् ल्हो-ल्हो तम्मा एङ्यीमात नाअबुङ्ब ज्यब तब बी ङ्यीमातेङ् पबीत्र आत्माचे म्हेन्ज्यी।
तलेपङ्सम् ङ्यीमाचे देरे य्हम्की लागीरी नाबे दुखमी लीक्यम् यङ्स्येकी ङ्य्हक्को ङ्हच्छ्यङ्तेङ् खेमेएनो अबेबे महीमत व्हल् लज्यीम्मी देमेन्नो तेएनो अय्हीन्।
ख्रीस्ट्चे ङ्य्हङ्मात मोसाचे ब्रीबे नीयम् ग्यम्से फेःपीन्जेत्पल मुब, होत्तज्यीम् ङ्य्हङ्मा स्वतन्त्र तबल मुब। होत्तज्यीम् सेम् कोङ्ज्यीम् टीउ, ओसेम् देबेएनो मोसाचे ब्रीबे पर्मेस्वर्की नीयम्की बाना थतउ।
तर एङ्यीमा पबीत्र आत्माचे ङोन्ब र्हङ्ले ब्रज्यी पङ्सम् एङ्यीमा मोसाचे ब्रीबे पर्मेस्वर्की नीयम्की अधीन्री अत।
ख्रीस्ट्चे ङत न्हङ्जेत्पे सक्ती ग्यम्से ङ चु जम्मनो तम् स्य्हेङ्ब खम्ब।
तलेपङ्सम् थेङ्चे कुल्जेत्पे अर्तीमा ङ्येन्ज्यीम् ब्रबनो थेङ्त म्होइब य्हीन्ब। थेङ्चे कुल्जेत्पे अर्तीमा य्हक्को ल्हीबल अरे।
