मत्‍ती 11:18 - पश्‍चिम तामाङ

¹⁸ “तलेपङ्‍सम् युहन्‍ना चब थुङ्‌ब लज्‍यीम् अख, ओसेम् एङ्‍यीमाचे पङ्‌ब, ‘थेत म्‍हङ् स्‍यप्‍पल मुब।’

मत्‍ती 11:18 ပူးပေါင်းရင်းမြစ်များ

मत्‍ती 10:25

डब र्‌हङ्‌की लोप्‍पोन् गदे ओसेम् बान मालीक् गदे तबरीनो तङ्‍थोब। थेङ्‍यीमाचे दीम्‍की न्‍याबोतनो म्‍हङ्‍की ग्‍यल्‍बो बाल्‍जीबुल पङ्‍ब पङ्‌सम् दीम्‍की म्‍हेम्‍यमात झेन् गदे अज्‍यब पङ्‌ल?

मत्‍ती 11:17

‘ङ्‌यीमाचे एङ्‌यीमाकी लागीरी पुली र्‌हब्‍ज्‍यी, तर एङ्‌यीमा अस्‍य, ओसेम् ङ्‌यीमाचे एङ्‌यीमाकी लागीरी दुखइ व्‍हइ कोज्‍यी, तर एङ्‌यीमा अक्रा।’

मत्‍ती 3:4

युहन्‍नाचे ऊँटकी पेइचे राबे येन् येन्‍ब मुबल, ओसेम् केप्‍परी डीइ केः खीब मुबल। ओसेम् तीरीतेङ् र्‌हीइ सीङ्‍सुर खुदु चब मुबल।

मत्‍ती 9:34

तर फरीसीमाचे पङ्‍ब तीप्‍ज्‍यी, “थेत म्‍हङ्‍माकी ग्‍यल्‍बोचे म्‍हङ् ल्‍हप्‍पे सक्‍ती पीन्‍बल तज्‍यीम् थेचे म्‍हङ्‌मा तेत्‍लाब खम्‍ब।”

मर्‌कुस् 3:22

ओसेम् यरुसलेम ग्‍यम्‍चे खबे धर्‌म लोप्‍पोन्‍माचे पङ्‍ज्‍यी, “चुत म्‍हङ्‍माकी ग्‍यल्‍बो बाल्‍जीबुल म्‍हङ् स्‍यप्‍पल मुब, हुजु म्‍हङ्‍की सक्‍ती ग्‍यम्‍चे म्‍हङ्‌मा ल्‍हब्‍लाबल य्‍हीन्‍ब।”

लुका 1:15

तलेपङ्‍सम् युहन्‍ना परमप्रभुइ ङोन्‍ग्‍यम् ङ्‌हच्‍छ्‌यङ् तस्‍ये मुब। थेचे खेमेएनो अङ्‌गुर्‌की नीङ्‍गु थुङ्‌स्‍ये अरे। ओसेम् थे अमइ फोरी खब य्‍हङ्‌स्‍येनो पबीत्र आत्‍माचे प्‍लीङ्‌स्‍ये मुब।

युहन्‍ना 10:20

थेङ्‍यीमा न्‍हङ्‌री य्‍हक्‍को र्‌हङ्‍बचे, “चु म्‍हीत म्‍हङ् स्‍यप्‍पल मुब, थेम् म्‍योब य्‍हीन्‍ब। तले एङ्‌यीमा थेइ तम् ङ्‍येन्‍ब?” बी पङ्‍ज्‍यी।

युहन्‍ना 7:20

य्‍हक्‍को म्‍हीमाचे पङ्‍ज्‍यी, “एत म्‍हङ् स्‍यप्‍नेम्, एत खल्‍चे सेत्‍प म्‍हइटीब?”

युहन्‍ना 8:48

ओसेम् यहुदी अगुवामाचे पङ्‍ज्‍यी, “ङ्‌यीमाचे पङ्‍बे तम् ठीक्‍नो य्‍हीन्‍ब, ए सामरी म्‍ही य्‍हीन्‍ब, ओसेम् एत म्‍हङ् स्‍यप्‍पल मुब!”

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’

प्रेरीत् 26:24

पावलचे पङ्‍बे चु तम् थ्‍येःज्‍यीम् फेस्‍तसचे क्रीङ्‌ज्‍यीम् पङ्‍ज्‍यी, “पावल ए म्‍योनेम्, य्‍हक्‍को खेत्‍पल तज्‍यीम् ए म्‍योनेम्।”

१ कोरीन्‍थी 9:27

तर ङ र्‌हङ्‍की ल्‍ही:त दुख पीन्‍ज्‍यीम् दुल्‍ब, अय्‍हीन् पङ्‌सम् ल्‍हो-ल्‍होत ज्‍यबे सम्‍तर् प्रचार् स्‍य्‍हेङ्‌ज्‍यीम् इनाम् यङ्‍बे बेलोरी र्‌हङ्‌नो अयोग्‍य तस्‍ये मुब।