मत्‍ती 10:41 - पश्‍चिम तामाङ

⁴¹ खल्‍चे अगम्‍बक्‍तत अगम्‍बक्‍तनो पङ्‍ज्‍यीम् ग्रहन् स्‍य्‍हेङ्‌ज्‍यी, थेचे अगम्‍बक्‍तचे यङ्‍ब र्‌हङ्‍बे बक्सीस् यङ्‍स्‍ये मुब। होलेनो धर्‌मीत धर्‌मी पङ्‍ज्‍यीम् ग्रहन् स्‍य्‍हेङ्‌बलचे धर्‌मीचे यङ्‍ब र्‌हङ्‍बे बक्सीस् यङ्‍स्‍ये मुब।

मत्‍ती 10:41 ပူးပေါင်းရင်းမြစ်များ

मत्‍ती 16:27

तलेपङ्‍सम् म्‍हीइ ज र्‌हङ्‌की स्‍वर्‌गदुत्‍मातेङ् बक्‍च्‍य थेइ अपइ महीमारी युस्‍ये मुब। ओसेम् थेचे म्‍ही र्‌हङ्‍स्‍यीनो थेङ्‍यीमाइ लक् अनुसार न्‍याय स्‍य्‍हेङ्‌स्‍ये मुब।

मत्‍ती 25:44

“ओसेम् थेङ्‍यीमाचे जोहाप् पीन्‍स्‍ये मुब, ‘प्रभु, ङ्‌यीमाचे थेङ्‌त खेम ख्रेन्‍जेत्‍पल, फीःजेत्‍पल, ल्‍हो-ल्‍हो य्‍हुल्‍ल तबल, क्‍लीङदो तजेत्‍पल, नबल, वुइ जेल्‍न्‍हङ् म्रङ्‍ज्‍यी, ओसेम् थेङ्‌की स्‍य्‍हप्‍तो अस्‍य्‍हेङ् स्‍यीम्?’

मत्‍ती 25:45

ओसेम् ग्‍यल्‍बोचे जोहाप् पीन्‍स्‍ये मुब, ‘ङ एङ्‌यीमात देमेन्‍नो पङ्‍ब, एङ्‍यीमाचे ङइ चु अलेमा न्‍हङ्‌री ज्‍यीद बीम ज्‍यीद अले गीःत तता अस्‍य्‍हेङ्‌ज्‍यी हुजु एङ्‍यीमाचे ङत अस्‍य्‍हेङ्‌बल य्‍हीन्‍ब।’

मत्‍ती 6:1

ओसेम् येसुचे सुङ्‌ज्‍यी, “होसीयार् तउ, एङ्‍यीमाचे म्‍हीमाकी ङोन्‍री र्‌हङ्‍त धर्‌मी ङोन्‍बे लक् थस्‍य्‍हेङो। अय्‍हीन् पङ्‌सम् स्‍वर्‌गरी स्‍य्‍हुबे पर्‌मेस्‍वर् अप ग्‍यम्‍से एङ्‍यीमाचे तइ बक्‍सीसएनो यङ्‍स्‍ये अरे।

मत्‍ती 6:18

ओसेम् ए ङ्‌यीम्‍बु टीबल म्‍हीमाचे म्रङ्‌स्‍ये अरे, तर अम्रङ्‌नले स्‍य्‍हुबे पर्‌मेस्‍वर् अपचेकीनो म्रङ्‍जेत्‍स्‍ये मुब, ओसेम् एत बक्सीस् न्‍हङ्‌जेत्स्‍ये मुब।

मत्‍ती 6:4

होत्‍तज्‍यीम् खोसोक्‍ले पीनो ओसेम् खोसोक्‍ले पीन्‍बल स्‍हीबे पर्‌मेस्‍वर् अपचे एत बक्सीस् न्‍हङ्‌जेत्स्‍ये मुब।

मत्‍ती 6:6

तर एचे प्रार्‌थना स्‍य्‍हेङ्‌बे बेलोरी र्‌हङ्‌की कोठ न्‍हङ् वङ्‌ज्‍यीम् म्रप् दुङो ओसेम् अम्रङ्‍नले स्‍य्‍हुबे पर्‌मेस्‍वर् अपत प्रार्‌थना स्‍य्‍हेङो। ओसेम् एचे र्‌होचे अम्रङ्‍नले स्‍य्‍हेङ्‌बे लक् स्‍हीबे अपचे एत बक्सीस् न्‍हङ्‌स्‍ये मुब।”

मत्‍ती 7:8

तलेपङ्‍सम् खल्‍चे र्‌हीत्‍ज्‍यी, थेत न्‍हङ्‌स्‍ये मुब, खल्‍चे म्‍हइज्‍यी, थेचे यङ्‍स्‍ये मुब, ओसेम् खल्‍चे डोङ्-डोङ् लज्‍यी, थेइ लागीरी म्रप् ठोङ्‍जेत्‍स्‍ये मुब।

प्रेरीत् 16:15

हुजु लीप्‍चे लीडीयातेङ् थेइ दीम्‍की म्‍हेम्‍यमाचे बप्‍तीस्‍मा कीन्‍ज्‍यी। ओसेम् थेचे फ्‍या लज्‍यीम्, “थेङ्‍माचे ङत प्रभुत बीस्‍वास् स्‍य्‍हेङ्‌बे अङ म्‍हेन्‍सम् ङइ दीम्‍री ब्‍योन्‍खज्‍यीम् स्‍य्‍हुजेतो” बी पङ्‍ज्‍यीम् ङ्‍यीमात थेइ दीम्‍री ङ्‌यीबरी कर् लज्‍यी।

रोमी 16:23

ङ टीबे दीम्‍की न्‍याबो गायसचे एङ्‌यीमात लस्‍सो पङ्‍बल मुब। थेइ दीम्‍री बीस्‍वासीमा र्‌हुब् तब। चु सहर्‌की कोस् अध्‍यक्ष इरास्‍तस् ओसेम् ङ्‍य्‍हङ्‍की अले क्‍वार्‌टस्‍चेएनो एङ्‍यीमात लस्‍सो पङ्‍बल मुब।

१ कोरीन्‍थी 9:17

चु लक् ङचे र्‌हङ्‍की सेम्‍चेनो स्‍य्‍हेङ्‍बल य्‍हीन्‍सम् ङचे म्‍हेला यङ्‍बे आस् थेन्‍स्‍ये मुबल। तर चु लक् ङचे र्‌हङ्‍की सेम्‍चेनो स्‍य्‍हेङ्‍बल अय्‍हीन्। तलेपङ्‍सम् पर्‌मेस्‍वर्‌चेनो ङत चु लक् स्‍य्‍हेङ्‌बे जीम्‍म न्‍हङ्‌जेत्‍पल मुब।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

२ युहन्‍ना 1:8

होत्‍तज्‍यीम् चोङ्‍ले टीउ, एङ्‍यीमाचे ता यङ्‌बे लागीरी लक् स्‍य्‍हेङ्‍टीब हुजु इनाम् म्‍हनले अय्‍हीन् तर जम्‍मनो यङ्‍नले टीउ।