मत्‍ती 10:4 - पश्‍चिम तामाङ

⁴ र्‌हङ्‌की य्‍हुल्‍त म्‍होइबे सीमोन, ओसेम् येसुत चुङ्‍नलपीन्‍बे यहुदा इस्‍करीयोत।

मत्‍ती 10:4 ပူးပေါင်းရင်းမြစ်များ

मत्‍ती 26:14

हुजु लीप्‍चे चुङ्‍ङ्‍य्‍ही डबमा न्‍हङ्‌की यहुदा इस्‍करीयोत पङ्‍बे डब गीःम् ङ्‍हच्‍छ्‍यङ् लम्‍बुमाज ङ्‌यीज्‍यी,

मत्‍ती 26:15

ओसेम् पङ्‍ज्‍यी, “ङचे येसुत एङ्‌यीमाकी यारी तनले चुङ्‍पीन्‍ज्‍यी पङ्‌सम् ङत एङ्‍यीमाचे ता पीन्‍ब?” ओसेम् थेङ्‍यीमाचे थेत म्‍हुइकी डबल् खल् गीःस्‍यी च्‍यी पीन्‍ज्‍यी।

मत्‍ती 26:2

“एङ्‍यीमाचे स्‍येबःलनो मुब, देरेम् ङ्‍य्‍हीरेत् लीप्‍चे नीस्‍तार् पर्‌ब खस्‍ये मुब, ओसेम् म्‍हीइ ज क्रुस्‍री च्‍योबरी सोप्‍तीस्‍ये मुब।”

मत्‍ती 26:47

येसुचे चु तम् सुङ्‍टीन सुङ्‍टीननो चुङ्‍ङ्‍य्‍ही डबमा न्‍हङ्‌की यहुदा पङ्‍बे डब दोखज्‍यी। थेतेङ् बक्‍च्‍य तर्‌वालमातेङ् रोलेमा नाबे य्‍हक्‍को म्‍हीमा मुबल। थेङ्‍यीमा ङ्‍हच्‍छ्‍यङ् धर्‌म लोप्‍पोन्‍मातेङ् एल्‍डरमाचे पीत्‍खबल मुबल।

मत्‍ती 27:3

ओसेम् येसुत स्‍यीबे सजाय पीन्‍बल थ्‍येःज्‍यीम् थेङ्‌त चुङ्‌पीन्‍बे यहुदात पछुतो तज्‍यी। ओसेम् थेचे म्‍हुइकी डबल् खल् गीः स्‍यी च्‍यी ङ्‍हच्‍छ्‍यङ् लम्‍बुमातेङ् एल्‍डर्‌मात दोःपीन्‍बरी ङ्‍यीज्‍यी।

मर्‌कुस् 14:10

हुजु लीप्‍चे येसुइ चुङ् ङ्‌ही डबमान्‍हङ्‍की यहुदा इस्‍करीयोत ङ्‍हच्‍छ्‍यङ् लम्‍बुमाज ङ्‌यीज्‍यीम् येसुत चुङ्‌पीन्‍ब पङ्‍ज्‍यीम् तम् डीःज्‍यी।

मर्‌कुस् 14:43

येसुचे चु तम् सुङ्‍न-सुङ्‍ननो चुङ् ङ्‌ही डबमान्‍हङ्‍की यहुदा पङ्‍बे डबतेङ् बक्‍च्‍य रोलेतेङ् तर्‌वार्‌मा नाबे म्‍हीमा हुजुरी दोखज्‍यी। थेङ्‌यीमात ङ्‍हच्‍छ्‍यङ् लम्‍बुमा, धर्‌म लोप्‍पोनमातेङ् अगुवामाचे पीत्‍खबल मुबल।

लुका 22:3

हुजु लीप्‍चे चुङ्‌ङ्‌य्‍ही डबमा न्‍हङ्‌की यहुदा इस्‍करीयोतकी सेम् न्‍हङ् सैतान् वङ्‌ज्‍यी।

लुका 22:47

येसुचे चु फ्रोइ सुङ्‌टीबे बेलोरीनो य्‍हक्‍को म्‍हीमा दोखज्‍यी। चुङ्‌ङ्‌य्‍ही डबमा न्‍हङ्‌की यहुदातमी हुजु य्‍हक्‍को म्‍हीमाकी ङोन्-ङोन् ग्‍यम् सीत्‍ज्‍यीम् येसुत च्‍योक्‍परी थेङ्‌की रेइरी खज्‍यी।

युहन्‍ना 13:2

थेङ्‍मा ङ्‌येसेकी स्‍य्हेब सोल्‍टीबे बेलोरी सैतान्‍चे सीमोन्‍की ज यहुदा इस्‍करीयोतकी सेम्‍री थेङ्‌त चुङ्‍न लपीन्‍बे सेम् युपीन्‍ज्‍यीन्‍बल मुबल।

युहन्‍ना 6:64

तर एङ्‍यीमान्‍हङ्‍री गदेचे ङत बीस्‍वास् अस्‍य्‍हेङ्।” (तलेपङ्‍सम् बीस्‍वास् अस्‍य्‍हेङ्‍बलमा खल-खल य्‍हीन्‍ब, ओसेम् थेङ्‌त खल्‍चे चुङ्‍न लपीन्‍स्‍ये मुब पङ्‌बे तम् येसुचे थेङ्‌की लक् चुःब य्‍हङ्‌सेनो खेम्‍जेत्‍पल मुबल।)

युहन्‍ना 6:71

येसुचे चु तम् सीमोन इस्‍करीयोतकी ज यहुदाकी बारेरी सुङ्‌बल मुबल, तलेपङ्‍सम् चुङ्‌ङ्‍य्‍हीन्‍हङ्‍री गीः तज्‍यीमएनो थेचे थेङ्‌त लीक्‍यम् चुङ्‍न लपीन्‍स्‍ये मुबल।

प्रेरीत् 1:13

सहर्‌री दोःब बीसेम् थेङ्‍यीमा टीबे दीम्‍की तलजोइ कोठरी ङ्‍यीज्‍यी। हुजुरी र्‌हुब तबलामा न्‍हङ्‌री पत्रुस, युहन्‍ना, याकुब, आन्‍द्रीयस्, फीलीप, थोमा, बारथोलोमाइ, मत्‍ती, अल्‍फायसकी ज याकुबतेङ् र्‌हङ्‌की य्‍हुल्‍त म्‍होइबे सीमोन ओसेम् याकुबकी ज यहुदा मुबल।