मत्‍ती 10:25 - पश्‍चिम तामाङ

²⁵ डब र्‌हङ्‌की लोप्‍पोन् गदे ओसेम् बान मालीक् गदे तबरीनो तङ्‍थोब। थेङ्‍यीमाचे दीम्‍की न्‍याबोतनो म्‍हङ्‍की ग्‍यल्‍बो बाल्‍जीबुल पङ्‍ब पङ्‌सम् दीम्‍की म्‍हेम्‍यमात झेन् गदे अज्‍यब पङ्‌ल?

मत्‍ती 10:25 ပူးပေါင်းရင်းမြစ်များ

मत्‍ती 12:24

चु थ्‍येःज्‍यीम् फरीसीमाचे पङ्‍ज्‍यी, “चु म्‍हीचे म्‍हङ्‍माकी ग्‍यल्‍बो बाल्‍जीबुलकी सक्‍ती ग्‍यम्‍चे म्‍हङ् तेत्‍प।”

मत्‍ती 12:27

एङयीमाचे ङत बाल्‍जीबुलकी सक्‍ती ग्‍यम्‍से म्‍हङ्‌मा तेत्‍लाब पङ्‍ब पङ्‌सम्, एङ्‌यीमाकी डबमाचे खलइ सक्‍ती ग्‍यम्‍से म्‍हङ्‌मा तेत्‍लाब स्‍यीम्? होत्‍तज्‍यीम् एङ्‌यीमाकी डबमानो एङ्‌यीमाकी न्‍याय स्‍य्‍हेङ्‌बलमा तस्‍ये मुब।

मत्‍ती 9:34

तर फरीसीमाचे पङ्‍ब तीप्‍ज्‍यी, “थेत म्‍हङ्‍माकी ग्‍यल्‍बोचे म्‍हङ् ल्‍हप्‍पे सक्‍ती पीन्‍बल तज्‍यीम् थेचे म्‍हङ्‌मा तेत्‍लाब खम्‍ब।”

मर्‌कुस् 10:39

थेङ्‍यीमाचे “ङ्‌यीमाचे खम्‍ब” पङ्‍ज्‍यी। ओसेम् येसुचे थेङ्‌यीमात सुङ्‌ज्‍यी, “देमेन्‍नो ङ्‍चे नाथोबे दुख एङ्‌यीमाचेएनो नास्‍ये मुब। ओसेम् ङचे कीन्‍थोबे बप्‍तीस्‍मा एङ्‌यीमाचेएनो कीन्‍स्‍ये मुब।

मर्‌कुस् 3:22

ओसेम् यरुसलेम ग्‍यम्‍चे खबे धर्‌म लोप्‍पोन्‍माचे पङ्‍ज्‍यी, “चुत म्‍हङ्‍माकी ग्‍यल्‍बो बाल्‍जीबुल म्‍हङ् स्‍यप्‍पल मुब, हुजु म्‍हङ्‍की सक्‍ती ग्‍यम्‍चे म्‍हङ्‌मा ल्‍हब्‍लाबल य्‍हीन्‍ब।”

लुका 11:15

तर डेत्-डेत् म्‍हीमाचे पङ्‌ज्‍यी, “थेचे म्‍हङ्‌माकी ङ्‌हच्‍छ्‌यङ् बाल्‍जीबुलकी सक्‍ती ग्‍यम्‍से म्‍हङ्‌मा लब्‍लाबल य्‍हीन्‍ब।”

लुका 11:18

ङचे बाल्‍जीबुलकी सक्‍ती ग्‍यम्‍चे म्‍हङ्‌मा ल्‍हप्‍पल य्‍हीन्‍ब पङ्‌ज्‍यीम् एङ्‍यीमाचे पङ्‌ब। तर सैतानमा र्‌हङ्‌न्‍हङ्‌री छेत्‍ज्‍यी पङ्‌सम् थेमाइ य्‍हुल् खले थाम्‍दील?

लुका 11:19

ङचे बाल्‍जीबुल ग्‍यम्‍से म्‍हङ्‌मा ल्‍हब्‍बल य्‍हीन्‍ब पङ्‌सम् एङ्‌यीमाइ डबमाचे खल ग्‍यम्‍से म्‍हङ् ल्‍हप्‍प? एङ्‌यीमाइ गल्‍ती एङ्‌यीमाकी डबमाचेनो ङोन्‍स्‍ये मुब।

युहन्‍ना 10:20

थेङ्‍यीमा न्‍हङ्‌री य्‍हक्‍को र्‌हङ्‍बचे, “चु म्‍हीत म्‍हङ् स्‍यप्‍पल मुब, थेम् म्‍योब य्‍हीन्‍ब। तले एङ्‌यीमा थेइ तम् ङ्‍येन्‍ब?” बी पङ्‍ज्‍यी।

युहन्‍ना 7:20

य्‍हक्‍को म्‍हीमाचे पङ्‍ज्‍यी, “एत म्‍हङ् स्‍यप्‍नेम्, एत खल्‍चे सेत्‍प म्‍हइटीब?”

युहन्‍ना 8:48

ओसेम् यहुदी अगुवामाचे पङ्‍ज्‍यी, “ङ्‌यीमाचे पङ्‍बे तम् ठीक्‍नो य्‍हीन्‍ब, ए सामरी म्‍ही य्‍हीन्‍ब, ओसेम् एत म्‍हङ् स्‍यप्‍पल मुब!”

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’