मत्‍ती 1:22 - पश्‍चिम तामाङ

²² परमप्रभुचे अगम्‍बक्‍त ग्‍यम्‍से सुङ्‍बे तम्‍मा तबरी चु जम्‍मनो तबल य्‍हीन्‍ब,

मत्‍ती 1:22 ပူးပေါင်းရင်းမြစ်များ

मत्‍ती 12:17

चोले पर्‌मेस्‍वर्‌चे अगम्‍बक्‍त यसैया ग्‍यम्‍से सुङ्‍बे फ्रोइ टोप् तखज्‍यी-

मत्‍ती 13:21

तर थेङ्‌यीमाकी सेम्‍री टा अङ्‍यीबल तज्‍यीम् य्‍हम्‍बगीकीनो टीब। ओसेम् पर्‌मेस्‍वर्‌की फ्रोइ ङ्‌येन्‍बल तज्‍यीम् दुख खब साच्‍चेनो थेङ्‍यीमाचे थेङ्‌की फ्रोइत बीस्‍वास् स्‍य्‍हेङ्‌ब पीत्‍लाब।

मत्‍ती 13:35

ओसेम् पर्‌मेस्‍वर्‌चे अगम्‍बक्‍त ग्‍यम्‍से पङ्‍बे तम् टोप् तज्‍यी- “ङ एङ्‌यीमातेङ् अर्‌थमारी तम् लस्‍ये मुब, ओसेम् जम्‍बुलीङ् ठुङ्‍बे बेलो य्‍हङ्‍से छुम्‍बे तम्‍मा स्‍येत्‍स्‍ये मुब।”

मत्‍ती 2:15

ओसेम् हेरोद अस्‍यीगदे थेङ्‍यीमा मीस्र य्‍हुल्‍रीनो टीज्‍यी। परमप्रभुचे अगम्‍बक्‍त ग्‍यम्‍से सुङ्‌बे फ्रोइ चोले टोप तज्‍यी, “ङचे ङइ जत मीस्र य्‍हुल् ग्‍यम्‍से ङ्‌होत्‍ज्‍यी।”

मत्‍ती 2:23

ओसेम् थेङ्‍यीमा हुजुरी नासरत पङ्‍बे ज्‍यीद सहर्‌री टीज्‍यी। चोले अगम्‍बक्‍तमाचे, “थेङ्‌त नासरी पङ्‌स्‍ये मुब” पङ्‍बे तम् टोप तज्‍यी।

मत्‍ती 5:17

“ङ मोसाचे ब्रीबे पर्‌मेस्‍वर्‌की नीयम्तेङ् अगम्‍बक्‍तमाचे लोप्‍पे तम्‍त म्‍हनलबरी युबल एङ्‍यीमाचे थम्‍हेनो। ङ हुजुमा म्‍हनलबरी युबल अय्‍हीन् तर टोप तन लबरी युबल य्‍हीन्‍ब।

मत्‍ती 8:17

चोले यसैया अगम्‍बक्‍तचे पङ्‍बे तम् टोप् तज्‍यी- “थेङ्‌चे ङ्‌य्‍हङ्‌माकी नबमा नोम्‍जेत्‍ज्‍यी, ओसेम् ङ्‌य्‍हङ्‌माकी रोगमात नाजेत्‍ज्‍यी।”

लुका 21:22

तलेपङ्‍सम् हुजु चइ सजाय यङ्‌बे दीन्‍मा य्‍हीन्‍ब। ओसेम् धर्‌मइ छ्‍येःरी ब्रीबे जम्‍मा तम् पुरा तनोतस्‍ये मुब।

लुका 24:44

ओसेम् येसुचे थेङ्‌यीमात, “मोसाचे ब्रीबे पर्‌मेस्‍वर्‌की नीयम्‍री, अगम्‍बक्‍तमाचे ब्रीबे छ्‍येःरी ओसेम् भजनसङ्‌ग्रहरी ङइ बारेरी ब्रीबे जम्‍मा तम्‍मा पुरा तथोब बी ङ एङ्‌यीमातेङ् बक्‍च्‍या मुबे बेलोरी ङचे ङोन्‍ग्‍यम्‍नो स्‍येत्‍पल मुबल” बी सुङ्‌जेत्‍ज्‍यी।

युहन्‍ना 10:35

पर्‌मेस्‍वर्‌की फ्रोइ यङ्‌बलमात पर्‌मेस्‍वर्‌चे ‘ख्‍लमा’ बी सुङ्‌बल मुब, होत्‍तज्‍यीम् धर्‌म छ्‍येः खेमेएनो भ्‍यु अत।

युहन्‍ना 15:25

तर धर्‌म छ्‍येःरी, ‘थेङ्‍यीमाचे ङत ओलेन्‍नो अखो’ बी ब्रीबे तम् टोप तखइ बी चोले तबल य्‍हीन्‍ब।

युहन्‍ना 17:12

ङ थेङ्‍यीमातेङ् मुबे बेलोरी थेङ्‌चे ङत न्‍हङ्‌बे थेङ्‌की छेन्‍की सक्‍ती ग्‍यम्‍से थेङ्‌यीमात जोगइतीज्‍यी। धर्‌म छ्‍येःरी ब्रीबे फ्रोइ टोप् तनोथोब मुबल। होत्‍तज्‍यीम् नास् तथोबे म्‍ही बीम ल्‍हो-ल्‍हो खल्‍तएनो ङचे नास् तअपुङ्।

युहन्‍ना 18:9

चोले येसुचे प्रार्‌थना स्‍य्‍हेङ्‌बे बेलोरी, “अप, थेङ्‌चे ङत न्‍हङ्‍जेत्‍पलमा न्‍हङ्‌री गीःतएनो ङचे म्‍हलाबल अरे” बी सुङ्‍बे फ्रोइ टोप् तज्‍यी।

प्रेरीत् 3:18

तर मुक्‍ती न्‍हङ्‌बे ख्रीस्‍ट्‍चे दुख नाथोब बी य्‍हक्‍को बर्‌स ङोन्‍ग्‍यम् य्‍हङ्‌सेनो पर्‌मेस्‍वर्‌चे जम्‍म अगम्‍बक्‍तमा ग्‍यम्‍से सुङ्‍बे तम् पर्‌मेस्‍वर्‌चे चोले टोप् तनलजेत्‍ज्‍यी।

रोमी 1:2

चु ज्‍यबे सम्‍तर् य्‍हक्‍को बर्‌स ङोन्‍ग्‍यम् पर्‌मेस्‍वर्‌चे अगम्‍बक्‍तमा ग्‍यम्‍से पबीत्र धर्‌म छ्‍येःरी बाचा स्‍य्‍हेङ्‍जेत्‍ज्‍यी।

प्रकास 17:17

तलेपङ्‍सम् पर्‌मेस्‍वर्‌चे थेङ्‍चे थुः लजेत्‍प अनुसार्‌की लक् पुरा स्‍य्‍हेङ्‌बे सेम् थेङ्‌यीमात न्‍हङ्‌जेत्‍पल मुब। ओसेम् पर्‌मेस्‍वर्‌चे सुङ्‍जेत्‍पे फ्रोइ टोप् अतगदेसम्‍म थेङ्‌यीमाचे सेम् गीः तज्‍यीम् सासन् स्‍य्‍हेङ्‌बे र्‌हङ्‍की सक्‍तीतेङ् अधीकार् हुजु दुस्‍ट सेम्‍ज्‍येन्‍त पीन्‍स्‍ये मुब।