मत्‍ती 1:1 - पश्‍चिम तामाङ

¹ अब्रहामतेङ् दाऊदकी छकोन् येसु ख्रीस्‍ट्‍की म्‍हेमेमाकी मीन्‍मा चुमा य्‍हीन्‍ब-

मत्‍ती 1:1 ပူးပေါင်းရင်းမြစ်များ

मत्‍ती 1:18

येसु ख्रीस्‍ट् चोले न्‍हज्‍यी- योसेफचे येसुइ अम मरीयमत भ्‍या स्‍य्‍हेङ्‌बरी र्‌हीत्‍पल मुबल। मरीयमतेङ् योसेफकी भ्‍या तब बीम ङोन्‍ग्‍यम्‍नो मरीयमकी फोरी पबीत्र आत्‍मा ग्‍यम्‍चे कोल खबल मुबल।

मत्‍ती 1:2

अब्रहाम इसहाककी अप, इसहाक याकुबकी अप, ओसेम् याकुब यहुदातेङ् थेइ अज्‍यो-अलेमाकी अप मुबल,

मत्‍ती 15:22

हुजु ग्‍लारी टीबे कनानी अमकोल गी खज्‍यीम् क्रीङ्‌ज्‍यीम् पङ्‍ज्‍यी, “प्रभु, दाऊदकी ज, ङत दय स्‍य्‍हेङ्‌जेतो! ङइ जमेत म्‍हङ् स्‍यप्‍ज्‍यीम् य्‍हक्‍को दुख तटीब मुब।”

मत्‍ती 3:16

ओसेम् बप्‍तीस्‍मा कीन्‍जेत्‍ज्‍यीम् येसु यीन्‍हङ्‍चे डोङ्‍जेत्‍ज्‍यी। हुजु बेलोरीनो स्‍वर्‌ग ठोङ्‌ज्‍यी, ओसेम् थेङ्‌चे पर्‌मेस्‍वर्‌की आत्‍मा ढुकुर र्‌हङ्‌ले र्‌हङ्‌की जोरी ब्‍योन्‍युटीबल म्रङ्‌जेत्‍ज्‍यी,

मत्‍ती 9:27

येसु हुजु ग्‍लाचे स्‍येजेत्‍टीमम् ग्‍यम्‍री कन म्‍ही ङ्‍य्‍ही थेङ्‌की लीप्‍चे खज्‍यीम् क्रीङ्‌ज्‍यीम् पङ्‍ज्‍यी, “ओ दाऊदकी ज, ङ्‍यीमात दय स्‍य्‍हेङ्‌जेतो!”

लुका 1:33

थेङ्‌चे याकुबकी खलक्‍री जुक्-जुक्‍नो राज्‍य स्‍य्‍हेङ्‌जेत्‍स्‍ये मुब। थेङ्‌की य्‍हुल् खेमेएनो बेस्‍ये अरे।”

युहन्‍ना 7:42

मुक्‍ती न्‍हङ्‌बे ख्रीस्‍ट्‍मी दाऊदकी सन्‍तान ग्‍यम्‍से, ओसेम् दाऊदकी नम्‍स बेथलेहेम् ग्‍यम्सेनो व्‍योन्‍खस्‍ये मुब बी धर्‌मइ छ्‍येःरी ब्रीबल अरेओ स्‍यीम्?” बी पङ्‍ज्‍यी।

प्रेरीत् 2:30

तर दाऊद अगम्‍बक्‍त तबल तज्‍यीम् पर्‌मेस्‍वर्‌चे थेइ सन्‍तान न्‍हङ्‍चेनो गीःत थेइ ठीःरी थेन्‍जेत्स्‍ये मुब बी सपथ स्‍य्‍हेङ्‌बल थेत था मुबल।

रोमी 1:3

हुजु ज्‍यबे सम्‍तर्‌मी थेङ्‍की ज ङ्‍य्‍हङ्‍की प्रभु येसु ख्रीस्‍ट्‍की बारेरी य्‍हीन्‍ब। थेङ् म्‍हीइ ल्‍हीरी ग्‍यल्‍बो दाऊदकी खलक्‍रीनो न्‍हजेत्‍ज्‍यी। ओसेम् थेङ् पबीत्र आत्‍माचे ङोन्‍जेत्‍प अनुसार पर्‌मेस्‍वर्‌की सक्‍तीसाली ज य्‍हीन्‍ब। चु तम् थेङ् स्‍यीजेत्‍ज्‍यीम् सोजेत्‍पे तम्‍चेएनो ङोन्‍ब।

रोमी 4:13

पर्‌मेस्‍वर्‌चे अब्रहाम्‍तेङ् थेइ सन्‍तान्‍मात जम्‍बुलीङ्‌की हक् न्‍हङ्‌स्‍ये मुब बी बाचा स्‍य्‍हेङ्‍जेत्‍ज्‍यी। पर्‌मेस्‍वर्‌चे अब्रहाम्‍त मोसाचे ब्रीबे नीयम् ङ्‌येन्‍बल तज्‍यीम् अय्‍हीन् तर थेचे पर्‌मेस्‍वर्‌री स्‍य्‍हेङ्‌बे बीस्‍वास् ग्‍यम्‍से थे धर्‌मी ठार्‌तीबल तज्‍यीम् चु बाचा थेत न्‍हङ्‌जेत्‍पल य्‍हीन्‍ब।

रोमी 9:5

इस्रएलीमा ङ्‍य्‍हङ्‍की म्‍हेम्‍हेमा अब्राहाम, इसहाक्‍तेङ् याकुबकी ज जमेमा य्‍हीन्‍ब। ख्रीस्‍ट्‌एनो चु खलक् न्‍हङ्‍रीनो न्‍हजेत्‍ज्‍यी। थेङ्‍मी जम्‍मइ जोरी सासन् स्‍य्‍हेङ्‍जेत्‍पे पर्‌मेस्‍वर् य्‍हीन्‍ब। थेङ्‍त खेम पङ्‌लेनो तोप्‍प तस्‍यीनोटीखइ! आमेन्।

गलाती 3:16

पर्‌मेस्‍वर्‌चे अब्रहामतेङ् थेइ सन्‍तान्‍त बाचा स्‍य्‍हेङ्‍जेत्‍ज्‍यी। धर्‌म छ्‍येःचे, “सन्‍तान्‍मात” बी अपङ्, चुचेम् य्‍हक्‍को म्‍हीमात सङ्‍केत् लब, तर धर्‌म छ्‍येःचेम्, “सन्‍तान्‍त” बी पङ्‍ब, चुचेम् म्‍ही गीःत सङ्‍केत् लब, हुजुमी ख्रीस्‍ट् य्‍हीन्‍ब।

१ तीमोथी 2:5

तलेपङ्‍सम् पर्‌मेस्‍वर् गीःकीनो मुब। ओसेम् म्‍हीमात पर्‌मेस्‍वर्‌ज ङ्‍यीब खम्‍न लबे म्‍हीएनो गीःकीनो मुब। हुजु लक् स्‍य्‍हेङ्‌बे म्‍ही येसु ख्रीस्‍ट् य्‍हीन्‍ब।

२ तीमोथी 2:8

दाऊद ग्‍यल्‍बोइ छकोन् स्‍यीब ग्‍यम्‍से सोजेत्‍पे येसु ख्रीस्‍ट्त व्‍हल् लो, ङचे प्रचार स्‍य्‍हेङ्‌बे ज्‍यबे सम्‍तर् चुनो य्‍हीन्‍ब।

प्रकास 22:16

“ङ येसुचे मन्‍डलीमारी मुबलमा जम्‍मतनो चु तम्‍माकी गबाही पीन्‍बरी ङइ स्‍वर्‌गदुत्‍त एज पीत्‍खबल मुब। ङ दाऊद ग्‍यल्‍बोइ सन्‍तान् य्‍हीन्‍ब। ङ स्‍य्‍होरी सर्‌बे सार् य्‍हीन्‍ब।”