लुका 9:52 - पश्‍चिम तामाङ

⁵² ओसेम् थेङ्‌चे ङोन्‍ग्‍यम्‍नो चवमात थेङ्‌की लागीरी जम्‍मा तम्‍मा तयार् स्‍य्‍हेङ्‌बरी सामरीया प्रदेस्‍की नम्‍सरी पीत्‍जेत्‍ज्‍यी।

लुका 9:52 ပူးပေါင်းရင်းမြစ်များ

मत्‍ती 10:5

येसुचे चु चुङ्‍ङ्‍य्‍ही प्रेरीतमात चोले कुल्‍ज्‍यीम् पीत्‍जेत्‍ज्‍यी, “एङ्‍यीमा यहुदी अय्‍हीन्‍बे म्‍हीमाइ गुङ्‍री ओसेम् सामरीमाकी ज्‍यीद सहर्‌मारी थवङो।

लुका 10:1

हुजु लीप्‍चे प्रभुचे खल् सोम् स्‍यी चुङ्‌ङ्‌य्‍ही डबमा दम्‍जेत्‍ज्‍यी। ओसेम् थेङ् स्‍येःब छ्‌यबे जम्‍मा ज्‍यीद सहरमातेङ् ग्‍लामारी ङ्‌य्‍ही-ङ्‌य्‍हीले जुज्‍यीम् ङोन्‍ग्‍यम् पीत्‍जेत्‍ज्‍यी।

लुका 10:33

ओसेम् सामरी म्‍ही गीःएनो हुचु ग्‍यम्सेनो खज्‍यी। थेचे हुचु न्‍हेप्‍प म्‍हीत म्रङ्‌ज्‍यीम् थेइ सेम् छुज्‍यी।

लुका 17:11

येसु गालील् प्रदेस्‍तेङ् सामरीया प्रदेस्‍की सान् ग्‍यम्‍से तज्‍यीम् यरुसलेम्‍क्‍योर् स्‍येःटीब मुबल।

लुका 17:16

ओसेम् येसुइ स्‍य्‍हब्‍री पब्‍लु लज्‍यीम् थेचे ह्‍वोर्‌छ्‌ये पीन्‍ज्‍यी। हुजु म्‍ही सामरी मुबल।

लुका 7:27

तलेपङ्‍सम् युहन्‍नाइ बारेरी पर्‌मेस्‍वर्‌की फ्रोइ्‌री चोले ब्रीबल मुब, ‘च्‍याको, ङ ङइ चवत एइ ङोन्‍ग्‍यम् पीत्‍स्‍ये मुब। थेचे एइ ग्‍यम् तयार् स्‍य्‍हेङ्‌स्‍ये मुब।’”

युहन्‍ना 4:4

थेङ् सामरीया प्रदेस् तज्‍यीम् स्‍येथोब मुबल।

युहन्‍ना 4:5

येसु सामरीयाकी सुखार पङ्‍बे ज्‍यीद लीङ्‍सरी दोखजेत्‍ज्‍यी। हुजु ज्‍यीद लीङ्‍स याकुबचे र्‌हङ्‌की ज योसेफत पीन्‍बे म्रङ्‌की रेइरी मुबल।

युहन्‍ना 4:9

ओसेम् सामरी अमकोलचे पङ्‍ज्‍यी, “थेङ् यहुदी तज्‍यीमएनो ङ सामरी अमकोलइ या ग्‍यम्‍से खले यी सोल्‍ब?” (तलेपङ्‍सम् यहुदीमाचे सामरीमातेङ् तइ सम्‍बन्‍धएनो अथेन्‍ब मुबल।)

युहन्‍ना 8:48

ओसेम् यहुदी अगुवामाचे पङ्‍ज्‍यी, “ङ्‌यीमाचे पङ्‍बे तम् ठीक्‍नो य्‍हीन्‍ब, ए सामरी म्‍ही य्‍हीन्‍ब, ओसेम् एत म्‍हङ् स्‍यप्‍पल मुब!”