लुका 9:44 - पश्‍चिम तामाङ

⁴⁴ “ज्‍यनले ङ्‌येनो ङ एङ्‌यीमात ता पङ्‌ब छ्‌यटीब मुब। म्‍हीइ जत थेइ सत्‍तुर्‌माकी यारी पीन्‍स्‍ये मुब।”

लुका 9:44 ပူးပေါင်းရင်းမြစ်များ

मत्‍ती 16:21

हुजु बेलो य्‍हङ्‌सेनो येसुचे थेङ्‌की डबमात सुङ्‌ज्‍यी, “ङ यरुसलेम्‍री ङ्‍यीथोब, ओसेम् अगुवामातेङ् ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍मा ग्‍यम्‍से दुख नाथोब, ओसेम् ङ स्‍यीस्‍ये मुब, तर सोम्‍रेत्कुनो स्‍यीब ग्‍यम्‍से सोस्‍ये मुब।”

मत्‍ती 26:2

“एङ्‍यीमाचे स्‍येबःलनो मुब, देरेम् ङ्‍य्‍हीरेत् लीप्‍चे नीस्‍तार् पर्‌ब खस्‍ये मुब, ओसेम् म्‍हीइ ज क्रुस्‍री च्‍योबरी सोप्‍तीस्‍ये मुब।”

मर्‌कुस् 8:31

हुजु लीप्‍चे येसुचे डबमात र्‌हङ्‌की बारेरी चोले सुङ्‌ज्‍यी, “म्‍हीइ जचे य्‍हक्‍को दुख नाथोस्‍ये मुब। ओसेम् थेत अगुवामा, ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍माचे बीरोद् लज्‍यीम् सेत्‍स्‍ये मुब। तर थे सोम्‍रेत् लीप्‍चे दोज्‍यीम् सोस्‍ये मुब।”

मर्‌कुस् 9:31

तलेपङ्‍सम् थेङ्‌चे र्‌हङ्‌की डबमात लोप्‍जेत्‍टीब मुबल। थेङ्‌चे थेङ्‌यीमात सुङ्‌ज्‍यी, “म्‍हीइ जत म्‍हीमाकी यारी सोप्‍तीस्‍ये मुब, ओसेम् थेङ्‍यीमाचे थेत सेत्‍स्‍ये मुब। तर स्‍यीज्‍यीम् सोम्‍रेत् लीप्‍चे थे सोज्‍यीम् रेःस्‍ये मुब।”

लुका 1:66

चु थ्‍येःबमा जम्‍मचेनो म्‍हेन्‍ज्‍यीम् पङ्‌ज्‍यी, “चु कोल लीप्‍चे ता तल?” तलेपङ्‍सम् परमप्रभुइ सक्‍ती थेतेङ् मुबल।

लुका 18:31

येसुचे चुङ्‌ङ्‌य्‍ही डबमात तीच्‍छङ् नोम्‍ज्‍यीम् थेङ्‌यीमात सुङ्‌ज्‍यी, “ङ्‌येनो, ङ्‌य्‍हङ्‌मा यरुसलेम्‍क्‍योर् य्‍हर्‌टीब। अगम्‍बक्‍तमाचे म्‍हीइ जइ बारेरी ब्रीबे जम्‍मा तम् हुजुरी पुरा तस्‍ये मुब।

लुका 2:19

ओसेम् मरीयमचे चु जम्‍म तम्‍मा र्‌हङ्‌की सेम्‍रीनो म्‍हेन्‍ज्‍यीम् थेन्‍ज्‍यी।

लुका 2:51

हुजु लीप्‍चे येसु अप अमतेङ् नासरत्‍री दोःजेत्‍ज्‍यी। ओसेम् थेमाइ अर्‌ती ङ्‌येन्‍ज्‍यीम् स्‍य्‍हुज्‍यी। येसुइ अम मरीयमचे चु जम्‍म तम्‍मा सेम् न्‍हङ्‌नो थेन्‍ज्‍यी।

लुका 24:44

ओसेम् येसुचे थेङ्‌यीमात, “मोसाचे ब्रीबे पर्‌मेस्‍वर्‌की नीयम्‍री, अगम्‍बक्‍तमाचे ब्रीबे छ्‍येःरी ओसेम् भजनसङ्‌ग्रहरी ङइ बारेरी ब्रीबे जम्‍मा तम्‍मा पुरा तथोब बी ङ एङ्‌यीमातेङ् बक्‍च्‍या मुबे बेलोरी ङचे ङोन्‍ग्‍यम्‍नो स्‍येत्‍पल मुबल” बी सुङ्‌जेत्‍ज्‍यी।

लुका 9:22

थेङ्‌चे डबमात सुङ्‌जेत्‍ज्‍यी, “म्‍हीइ जचे य्‍हक्‍को दुख नास्‍ये मुब। थेङ्‌त अगुवामा, ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍माचे अखोज्‍यीम् सेत्‍लास्‍ये मुब। तर थे सोम्‍रेत्‍की दीन्‍री सोस्‍ये मुब।”

युहन्‍ना 16:31

ओसेम् येसुचे सुङ्‌ज्‍यी, “एङ्‍यीमाचे ङत देरे बीस्‍वास् स्‍य्‍हेङ्‌ब?

युहन्‍ना 16:4

चु तम्‍म ङचे एङ्‌यीमात स्‍येत्‍पीन्‍बल मुब, ङचे पङ्‍बे तम् एङ्‍यीमाचे हुजु बेलो खबतेङ् व्‍हल् लस्‍ये मुब। ङचे एङ्‌यीमात चु तम् ङोन्‍ग्‍यम्‍नो अपङ्, तलेपङ्‍सम् ङ एङ्‌यीमातेङ्नो मुबल।

युहन्‍ना 19:11

ओसेम् येसुचे सुङ्‌जेत्‍ज्‍यी, “पर्‌मेस्‍वर्‌चे अन्‍हङ्‍बल य्‍हीन्‍सम् थेङ्‌ल ङइ जोरी तइ हकएनो अतस्‍येल। होत्‍तज्‍यीम् ङत थेङ्‌की यारी सोप्‍तीपीन्‍बलचे य्‍हक्‍को ङ्‍हच्‍छ्‍यङ् पाप स्‍य्‍हेङ्‌बल मुब।”

प्रेरीत् 2:23

पर्‌मेस्‍वर्‌चे र्‌हङ्‌चे थुः लजेत्‍पतेङ् ङोन्‍ग्‍यम्‍नो खेम्‍जेत्‍प अनुसार् येसुत एङ्‌यीमाकी यारी न्‍हङ्‍जेत्‍ज्‍यी। ओसेम् एङ्‍यीमाचे येसुत यहुदी अय्‍हीन्‍बे म्‍हीमाकी यारी सोप्‍तीज्‍यीम् क्रुस्‍री च्‍योज्‍यीम् सेत्‍पुङ्‌ज्‍यी।”

हीब्रु 2:1

होत्‍तज्‍यीम् ङ्‍य्‍हङ्‍माचे ता थेःबल मुब हुजु तम्‍त झेन् य्‍हक्‍को ज्‍यनले सेम् य्‍हङ्‌सेनो ङ्‍येन्‍थोःब, अय्‍हीन् पङ्‌सम् ङ्‍य्‍हङ्‍मा हुजु तम् ग्‍यम्‍से थारीङ् य्‍हर्‌स्‍ये मुब।