लुका 9:3 - पश्‍चिम तामाङ

³ पीत्‍जेत्‍प बीमम् ङोन्‍ग्‍यम् थेङ्‌चे थेङ्‌यीमात सुङ्‌ज्‍यी, “ग्‍यम्‍की लागीरी एङ्‍यीमाचे बेर्‌क, झोल, चबे स्‍य्‍हे, टङ, ओसेम् पोबे येनेएनो थनाको।

लुका 9:3 ပူးပေါင်းရင်းမြစ်များ

मर्‌कुस् 6:7

थेङ्‌चे चुङ् ङ्‌ही डबमात ङ्‌होत्‍जेत्‍ज्‍यी। ओसेम् थेङ्‌यीमात म्‍हङ् ल्‍हप्‍पे अधीकार् न्‍हङ्‌ज्‍यीम् ङ्‌य्‍ही-ङ्‌य्‍हीले जुज्‍यीम् पीत्‍जेत्‍ज्‍यी।

लुका 12:22

ओसेम् येसुचे र्‌हङ्‌की डबमात सुङ्‌ज्‍यी, “होत्‍तज्‍यीम् ङ एङ्‌यीमात पङ्‌ब, एङ्‌यीमा सोबे लागीरी ता चल, ल्‍हीकी लागीरी ता येन्‍ल बी थछेरो।

लुका 12:28

तीङ्‌यी सर्‌ज्‍यीम् न्‍हम्‍स्‍हो मेन्‍हङ् ख्‍लाबे म्रात पर्‌मेस्‍वर्‌चे स्‍य्‍हप्‍तो स्‍य्‍हेङ्‌जेत्‍ब पङ्‌सम्, एङ्‌यीमातमी थेङ्‌चे स्‍य्‍हप्‍तो अस्‍य्‍हेङ्‍जेत्‍ल स्‍यीम्? खइ एङ्‌यीमाकी बीस्‍वास्?

लुका 22:35

ओसेम् येसुचे डबमात, “ङचे एङ्‌यीमात टङ ओसेम् झोलतेङ् पनेइ अबोर्‌नले ङ्‌यीउ पङ्‌बे बेलोरी एङ्‌यीमात तेइ तोज्‍यी?” बी ङ्‌योत्‍जेत्‍ज्‍यी। ओसेम् थेङ्‍यीमाचे, “तेएनो अतो” बी पङ्‌ज्‍यी।

लुका 3:11

युहन्‍नाचे थेमात पङ्‌ज्‍यी, “गोइ्‌ल ङ्‌य्‍ही मुबे म्‍हीचे अरेबे म्‍हीत गीः पीनो। ओसेम् चबे स्‍हे मुबे म्‍हीचे अरेबे म्‍हीत जुज्‍यीम् पीनो।”

लुका 5:29

हुजु लीप्‍चे लेबीचे येसुइ लागीरी दीम्‍री ङ्‌हच्‍छ्‌यङ् डोन् स्‍य्‍हेङ्‌ज्‍यी। हुजु डोन् चबरी तीरो दुत्‍पे य्‍हक्‍को म्‍हीमातेङ् ल्‍होल्‍होएनो म्‍हीमा मुबल।

लुका 9:4

खजु दीम्‍री एङ्‌यीमात स्‍वागत स्‍य्‍हेङ्‌ज्‍यी, हुजु ज्‍यीद सहर ख्‍लेथेन्‍ज्‍यीम् अय्‍हर्‌गदे सम्‍मा हुजु दीम्‍रीनो टीउ।

२ तीमोथी 2:4

स्‍यीपाइ ल्‍हो-ल्‍हो लक्‍मारी उन्‍ज्‍यीम् अटी, तलेपङ्‍सम् थेचे र्‌हङ्‌की हाकीम्‍त तङ्न लबकीनो म्‍हइब।