लुका 9:20 - पश्‍चिम तामाङ

²⁰ ओसेम् येसुचे थेङ्‌यीमात ङ्‌योत्‍जेत्‍ज्‍यी, “तर एङ्‍यीमाचेमी ङत खल पङ्‌ब?” पत्रुसचे पङ्‌ज्‍यी, “ए पर्‌मेस्‍वर्‌चे पीत्‍युजेत्‍पे मुक्‍ती न्‍हङ्‌बे ख्रीस्‍ट् य्‍हीन्‍ब।”

लुका 9:20 ပူးပေါင်းရင်းမြစ်များ

मत्‍ती 22:42

“एङ्‍यीमाचे मुक्‍ती न्‍हङ्‌बे ख्रीस्‍ट्‍की बारेरी ता म्‍हेन्‍ब? थे खलइ ज य्‍हीन्‍ब?” थेङ्‍यीमाचे थेङ्‌त, “थे दाऊदकी ज य्‍हीन्‍ब” बी पङ्‍ज्‍यी।

मत्‍ती 26:63

तर येसु कुटीले स्‍य्‍हुजेत्‍ज्‍यी। ओसेम् देबेएनो गोदोब्‍न्‍हङ्‍की ङ्‍हच्‍छ्‍यङ् लम्‍बुचे थेङ्‌त पङ्‍ज्‍यी, “ङ एत पङ्‍ब, एचे सोम्‍बो पर्‌मेस्‍वर्‌की छेन्‍री ङ्‍यीमात स्‍येतो, ए मुक्‍ती न्‍हङ्‌बे ख्रीस्‍ट् पर्‌मेस्‍वर्‌की ज य्‍हीन्‍ब?”

मत्‍ती 5:47

एङ्‍यीमाचे र्‌हङ्‌की र्‌होमातकीनो स्‍य्‍हेस लज्‍यी पङ्‌सम् ल्‍हो-ल्‍होमाचे बीमम् ङ्‍हच्‍छ्‍यङ् लक् ता स्‍य्‍हेङ्‌ज्‍यी स्‍यीम्? होतेबे लक्‍मामी पर्‌मेस्‍वर्‌त अस्येबे म्‍हीमाचेएनो स्‍य्‍हेङ्‌ब।

मर्‌कुस् 14:61

तर येसु कुटीले स्‍य्‍हुज्‍यीम् तेएनो असुङ्। देबेएनो गोदोब्‍न्‍हङ्‍की ङ्‍हच्‍छ्‍यङ् लम्‍बुचे, “ए मुक्‍ती न्‍हङ्‌बे ख्रीस्‍ट्, पर्‌मेस्‍वर्‌की ज य्‍हीन्‍ब?” बी ङ्‌योत्‍ज्‍यी।

मर्‌कुस् 8:29

ओसेम् येसुचे, “तर एङ्‍यीमाचेम् ङत खल पङ्‍ब स्‍यीम्?” बी थेङ्‌यीमात ङ्‌योत्‍जेत्‍ज्‍यी। पत्रुसचे, “थेङ् मुक्‍ती न्‍हङ्‍हबे ख्रीस्‍ट् य्‍हीन्‍ब” बी पङ्‍ज्‍यी।

लुका 22:67

ओसेम् थेङ्‍यीमाचे, “ङ्‌यीमात पङो, ए मुक्‍ती न्‍हङ्‌बे ख्रीस्‍ट् य्‍हीन्‍ब?” बी पङ्‌ज्‍यी। ओसेम् थेङ्‌चे सुङ्‌ज्‍यी, “ङचे एङ्‌यीमात पङ्‌लेनो एङ्‍यीमाचे ङत बीस्‍वास् स्‍य्‍हेङ्‌स्‍ये अरे।

लुका 9:19

थेङ्‍यीमाचे तम् दोःज्‍यीम् पङ्‌ज्‍यी, “कोइ म्‍हीमाचे बप्‍तीस्‍मा पीन्‍बे युहन्‍ना, कोइ्‌चे एलीया, ओसेम् ल्‍हो-ल्‍हो कोइ्-कोइ्‌चे दङ्‌बोइ अगम्‍बक्‍तमा न्‍हङ्‌री गीः सोज्‍यीम् खनेम् पङ्‌ब।”

युहन्‍ना 1:41

ङोन्‍ग्‍यम् आन्‍द्रीयासचे थेइ अज्‍यो सीमोनत खतु लज्‍यीम् पङ्‍ज्‍यी, “ङ्‌यीमाचे मसीहत दोज्‍यी” (हीब्रु ग्‍योत्‍री मसीह पङ्‍बलमी मुक्‍ती न्‍हङ्‌बे ख्रीस्‍ट् य्‍हीन्‍ब।)

युहन्‍ना 1:49

हुजुलीप्‍चे नथानेल्‍चे थेङ्‌त पङ्‍ज्‍यी, “लोप्‍पोन्, थेङ्‍मी पर्‌मेस्‍वर्‌की ज य्‍हीन्‍ब टीम्, थेङ् एस्रएलीमाकी ग्‍यल्‍बो य्‍हीन्‍ब टीम्!”

युहन्‍ना 11:27

मार्‌थचे पङ्‍ज्‍यी, “य्‍हीन्‍ब प्रभु, थेङ् जम्‍बुलीङ्‌री ब्‍योन्‍युबे मुक्‍ती न्‍हङ्‌बे ख्रीस्‍ट् पर्‌मेस्‍वर्‌की ज य्‍हीन्‍ब बी ङ बीस्‍वास् स्‍य्‍हेङ्‌ब।”

युहन्‍ना 20:31

तर चु तम् ब्रीबल मुब, होत्‍तज्‍यीम् एङ्‍यीमाचे येसुत मुक्‍ती न्‍हङ्‌बे ख्रीस्‍ट् पर्‌मेस्‍वर्‌की ज य्‍हीन्‍ब पङ्‍ज्‍यीम् बीस्‍वास् स्‍य्‍हेङ्‌खइ, ओसेम् थेङ्‌त बीस्‍वास् स्‍य्‍हेङ्‌ज्‍यीम् खेमेनो अबेबे जीवन यङ्‍खइ।

युहन्‍ना 4:29

“खोउ, ओसेम् म्‍ही गीःत च्‍याको, थेङ्‌चे ङत ङचे स्‍य्‍हेङ्‌बे जम्‍मनो लक्‍मा सुङ्‍पीन्‍जेत्‍ज्‍यी। थेङ्‍नो मुक्‍ती न्‍हङ्‌बे ख्रीस्‍ट् य्‍हीन्‍ज्‍यी वुइ?”

युहन्‍ना 4:42

थेङ्‍यीमाचे हुजु अमकोलत पङ्‍ज्‍यी, “देरेम् एइ तम्‍कीनो थ्‍येःज्‍यीम् अय्‍हीन्, तर ङ्‌यीमा र्‌हङ्‍चेनो थेङ्‌की फ्रोइ थ्‍येःबल तज्‍यीम् बीस्‍वास् स्‍य्‍हेङ्‌ब। थेङ् देमेन्‍नो जम्‍बुलीङ्‌की मुक्‍ती न्‍हङ्‌बे ख्रीस्‍ट् य्‍हीन्‍ब बी देरेम् ङ्‌यीमाचे स्‍येःब।”

युहन्‍ना 7:41

ओसेम् ल्‍हो-ल्‍होमाचे पङ्‍ज्‍यी, “थेङ् मुक्‍ती न्‍हङ्‌बे ख्रीस्‍ट् य्‍हीन्‍ब टीम्।” तर डेत्-डेत्‍चेम्, “मुक्‍ती न्‍हङ्‌बे ख्रीस्‍ट् गालीलचे खबो स्‍यीम्?

प्रेरीत् 17:3

थेचे थेङ्‌यीमात धर्‌मइ छ्‍येः ग्‍यम्‍से, “मुक्‍ती न्‍हङ्‌बे ग्‍यल्‍बो ख्रीस्‍ट्‍चे दुख नाज्‍यीम् स्‍यीथोबतेङ् स्‍यीब ग्‍यम्‍से सोथोब मुबल, ओसेम् ङचे एङ्‌यीमात प्रचार स्‍य्‍हेङ्‌बे येसुनो हुजु मुक्‍ती न्‍हङ्‌बे ख्रीस्‍ट् य्‍हीन्‍ब” बी पङ्‍ज्‍यीम् प्रमान पीन्‍ज्‍यी,

प्रेरीत् 8:36

“थेङ्‌यीमा ग्‍यम्‍री य्‍हर्‌टीमम् यी मुबे ग्‍लारी दोःज्‍यी। ओसेम् हुजु नपुङ्‍सक्‍चे फीलीप्‍त, ‘चुरी यी टीम्, देरेम् ङचे बप्‍तीस्‍मा कीन्‍बरी ताचे र्‌होद्‍ल?’” बी ङ्‌योत्‍ज्‍यी।

प्रेरीत् 9:22

तर साऊलचे झन् य्‍हक्‍को प्रचार स्‍य्‍हेङ्‌ब खम्‍बोर्‌ज्‍यी। ओसेम् थेचे दमस्‍कस्‍री मुबे यहुदीमात येसुनो मुक्‍ती न्‍हङ्‌बे ख्रीस्‍ट् य्‍हीन्‍ब बी दस्‍यी पीन्‍स्‍यीनो टीबल तज्‍यीम् थेङ्‍यीमाचे तेएनो पङ्‍ब अखम्।

१ युहन्‍ना 5:1

येसुतनो ख्रीस्‍ट् य्‍हीन्‍ब पङ्‍ज्‍यीम् बीस्‍वास् लबलमा जम्‍मनो पर्‌मेस्‍वर्‌की कोलमा य्‍हीन्‍ब। ओसेम् खल्‍चे अपत म्‍होइब थेचे थेङ्‌की कोलमातएनो म्‍होइब।