लुका 8:7 - पश्‍चिम तामाङ

⁷ गदे ब्‍लुमाम् पुजुइ जीङ्‌न्‍हङ् दोःज्‍यी। ओसेम् पुजुतेङ् बक्‍च्‍य फीःबल तज्‍यीम् पुजुइ झ्‍याङ्‌चे उप्‍पल तज्‍यीम् जेप्‍प ताअखम्।

लुका 8:7 ပူးပေါင်းရင်းမြစ်များ

मत्‍ती 13:22

डेत्‍मी पुजुकी जीङ्‍न्‍हङ् दोःबे ब्‍लु र्‌हङ्‍ब तब, थेङ्‍यीमाचे पर्‌मेस्‍वर्‌की फ्रोइत ङ्‍येन्‍ब, तर चु जम्‍बुलीङ्‌की स्‍य्‍हेःमाकी लागीरी छेर्‌बतेङ् बरु तबे सेम्‍चे लज्‍यीम् पर्‌मेस्‍वर्‌की फ्रोइत उप्‍प ओसेम् हुजुचे रोःरो अरो।

मत्‍ती 13:7

गदे ब्‍लुम् पुजुइ जीङ्‍न्‍हङ् दोःज्‍यी, ओसेम् पुजुमा नोज्‍यीम् हुजु फीःबे ब्‍लुत उप्‍लाज्‍यी।

मर्‌कुस् 4:7

ओसेम् गदे ब्‍लुम् पुजुइ जीङ्‍न्‍हङ् दोःज्‍यी। ओसेम् पुजुन्‍हङ् फीःबल तज्‍यीम् पुजुइ जीङ्‌चे लाप् तज्‍यीम् थेचे रोःरो रोःअखम्।

लुका 21:34

“होसीयार् तज्‍यीम् टीउ, य्‍हक्‍को चबथुङ्‌ब लज्‍यीम् ङ्‌य्‍हेज्‍यीम् थब्रउ। ओसेम् चु जीवनकी लागीरी थछेरो, अय्‍हीन् पङ्‌सम् एङ्‌यीमाइ सेम् न्‍होङ्‌स्‍ये मुब। ओसेम्, हुजु दीन्‍री एङ्‌यीमा तीक्‍कुरीनो वरी स्‍यप्‍प र्‌हङ्‌ले स्‍यप्‍स्‍ये मुब।

लुका 8:14

पुजुइ जीङ्‌न्‍हङ् दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे पर्‌मेस्‍वर्‌की फ्रोइ्‍मी ङ्‌येन्‍ब तर थेमाइ जीवन्‍री छेर्‌ब, टङतेङ् स्‍हेमाइ लोभ ओसेम् मोज्‍मजमाचे लज्‍यीम् बीस्‍वासत ङ्‌हच्‍छ्‌यङ् ताअबुङ। होत्‍तज्‍यीम् थेमाइ बीस्‍वास्‍री तेएनो अरो।

लुका 8:6

गदे ब्‍लुमाम् युङ्‌ब मुबे सरी दोःज्‍यी। हुजुरी ब्‍लु फीबम् फीःज्‍यी, तर खर्‌ब सेप्‍प्र तज्‍यीम् य्‍हम्‍बगीरीनो खर् य्‍हर्‌ज्‍यी।

लुका 8:8

तर गदे ब्‍लुम् ज्‍यबे स नारी दोःज्‍यी। ओसेम् फीःज्‍यीम् दोङ्‌बो र्‌हङ्‌स्‍यीनो सय गुन अन्‍न रोःज्‍यी।” चु अर्‌थ सुङ्‌ब बीसेम् येसुचे बङ्‌ले सुङ्‌ज्‍यी, “खल्‍ल थ्‍येःबे न्‍हबीङ् मुब, हुजुचे थ्‍येःखइ।”