लुका 8:53 - पश्‍चिम तामाङ

⁵³ येसुइ तम् थ्‍येःज्‍यीम् पतइ् अतीज्‍यीम् थेङ्‌यीमा ङ्‌येत्‍ज्‍यी, तलेपङ्‍सम् थेङ्‍यीमाचे कोल स्‍यीबलनो बी था मुबल।

लुका 8:53 ပူးပေါင်းရင်းမြစ်များ

मत्‍ती 9:24

ओसेम् येसुचे थेङ्‌यीमात सुङ्‌ज्‍यी, “एङ्‍यीमा जम्‍मनो दोरी य्‍हरो, अमकोल स्‍यीबल अरे, तर म्‍हेर्‌बलकीनो मुब।” चु तम् थ्‍येःज्‍यीम् थेङ्‌त खीसइतीज्‍यीम् थेङ्‌यीमा ङ्‌येत्‍ज्‍यी।

लुका 16:14

येसुचे सुङ्‌बे चु जम्‍मा तम्‍मा थ्‍येःब बीसेम् पतइ अतीज्‍यीम् टङत म्‍होइबे फरीसीमा ङ्‌येत्‍ज्‍यी।

लुका 8:52

हुजुरी मुबे जम्‍म म्‍हीमा कोलइ लागीरी दुख म्‍हन्‍दीज्‍यीम् क्राटीब मुबल। तर येसुचे सुङ्‌ज्‍यी, “थक्राको, कोल स्‍यीबल अरे तर थे म्‍हेर्‌बलकीनो य्‍हीन्‍ब।”

लुका 8:54

तर येसुचे कोलइ यारी चुङ्‌ज्‍यीम् बङ्‌ले सुङ्‌ज्‍यी, “ओ जमे, रेःगो!”

युहन्‍ना 11:39

येसुचे थेङ्‌यीमात, “दुर्‌सइ सुङ्‍री थेन्‍बे युङ्‌ब स्‍यलाको” बी सुङ्‌ज्‍यी। ओसेम् लाजरसकी अन मार्‌थचे, “प्रभु, थेत दुर्‌सरी थेन्‍ज्‍यीम् तीङ्‌यीम् ब्‍लीरेत् तज्‍यी, देरेसम्‍म थे क्रम्‍थङ् खस्‍यील” बी पङ्‍ज्‍यी।