लुका 8:44 - पश्‍चिम तामाङ

⁴⁴ हुजु अमकोल येसुइ ग्‍यप्‍री खज्‍यीम् थेङ्‌की न्‍हम्‍जइ नरी छुब साच्‍चेनो थेइ का य्‍हर्‌ब रोक्‍तीज्‍यी।

लुका 8:44 ပူးပေါင်းရင်းမြစ်များ

मत्‍ती 20:34

येसुचे थेङ्‍य्‍हीत दय स्‍य्‍हेङ्‌जेत्‍ज्‍यीम् थेङ्‌य्‍हीइ मीः छुपीन्‍जेत्‍ज्‍यी। छुपीन्‍जेत्‍प साच्‍चेनो थेङ्‌य्‍हीकी मीः म्रङ्‌ब खम्‍ज्‍यीम् येसुइ लीप्‍चे ब्रज्‍यी।

मत्‍ती 8:3

ओसेम् येसुचे थेङ्‌की फ्‍या स्‍येल् लजेत्‍ज्‍यीम् हुजु म्‍हीत छुजेत्‍ज्‍यी, ओसेम् सुङ्‌जेत्‍ज्‍यी, “ङल ए फेन्‍खइ पङ्‍बे सेम् मुब, ए फेनो!” होले सुङ्‌ब साच्‍चेनो हुजु म्‍ही पुन्‍ग्‍यम्‍चे फेन्‍ज्‍यी।

मत्‍ती 9:20

हुजु बेलोरीनो ल्‍हेगोर् गीः य्‍हङ्‍से का य्‍हर्‌स्‍यीनो टीबे रोग स्‍यप्‍पे अमकोल गीः येसुइ ग्‍यप्‍चे खज्‍यीम् थेङ्‌की न्‍हम्‍जइ न छुज्‍यी।

मर्‌कुस् 6:56

ओसेम् येसु नम्‍समातेङ् सहर्‌री खन-खन स्‍येःजेत्‍ज्‍यी हुजु ग्‍लामाकी बजारमारी म्‍हीमाचे नबे म्‍हीमात बज्‍यी। ओसेम् नबमात येसुइ न्‍हम्‍जइ न छुबुङ्‍जेतो बी नब बबे म्‍हीमाचे थेङ्‌त फ्‍या स्‍य्‍हु लज्‍यी। ओसेम् थेङ्‌त छुबलमा जम्‍मनो फेन्‍ज्‍यी।

लुका 13:13

ओसेम् थेङ्‌चे अमकोलाइ जोरी र्‌हङ्‌की फ्‍या ङ्‌य्‍हीनो थेन्‍जेत्‍ज्‍यी। थेन्‍ब साच्‍चेनो अमकोल फ्‍युत् तज्‍यीम् पर्‌मेस्‍वर्‌त तोप्‍ज्‍यी।

लुका 7:38

थे येसुइ ग्‍यप्‍से खज्‍यीम् थेङ्‌की स्‍य्‍हब्‍की रेइरी रप्‍ज्‍यी। ओसेम् क्राज्‍यीम् मीख्‍लीचे येसुइ स्‍य्‍हब् बप्‍ज्‍यीम् र्‌हङ्‌की क्र बाचे फ्‍यापीन्‍ज्‍यी। ओसेम् येसुइ स्‍य्‍हब्‍री च्‍योक्‍ज्‍यीम् ङोर्‌थङ् खबे छ्‌युकु फोर्‌पीन्‍ज्‍यी।

लुका 8:43

हुजु य्‍हक्‍को म्‍हीमान्‍हङ्‌री ल्‍हेगोर् गीः सम्‍म का य्‍हर्‌स्‍यीनो टीबे अमकोल गीः मुबल, तर थेत खल्‍चेएनो फेन्‍न लअखम्बल मुबल।

लुका 8:45

येसुचे ङ्‌योत्‍जेत्‍ज्‍यी, “ङत खल्‍चे छुज्‍यी?” जम्‍मचेनो अछु पङ्‌ज्‍यी, ओसेम् पत्रुसचे पङ्‌ज्‍यी, “लोप्‍पोन्, एत य्‍हक्‍को म्‍हीमाचे घेर्‌तीबल तज्‍यीम् तोर् इ मोर् इ तटीब मुब।”

युहन्‍ना 5:13

तर हुजु फेन्‍बे म्‍हीचे थेङ् खल मुबल बी स्‍येःबल अरेबल, तलेपङ्‍सम् हुजु ग्‍लारी मुबे य्‍हक्‍को म्‍हीमान्‍हङ्चे येसु स्‍येःज्‍यीन्‍बल मुबल।

प्रेरीत् 19:12

चोदे सम्‍मकी म्‍हीमाचे रुमालमातेङ् य्‍हुर्‌बे येन्‍मा पावलकी ल्‍हीःरी छुज्‍यीम् नबे म्‍हीमाज बोर्‌ब मुबल। ओसेम् नबे म्‍हीमा फेन्‍बतेङ् दुस्‍ट आत्‍मा स्‍यप्‍पलमा ग्‍यम्‍से दुस्‍ट आत्‍मा डोङ्‌य्‍हर्‌ब मुबल।

प्रेरीत् 5:15

ओसेम् प्रेरीतमाचे तेङेन्‍की लक् स्‍य्‍हेङ्‌बल तज्‍यीम् पत्रुस ग्‍यम्‍से ब्रबे बेलोरी थेइ ब्‍लचेकीनो पङ्‍लेएनो छुखइ बी म्‍हीमाचे नबे म्‍हीमात थेमाइ तीस्‍सतेङ्‌नो नाबज्‍यीम् ग्‍यम्‍मारी थेन्‍ब मुबल।