लुका 8:40 - पश्‍चिम तामाङ

⁴⁰ येसु ग्‍येइ क्‍योम्‍सङ् दोःमम् य्‍हक्‍को म्‍हीमाचे थेङ्‌त स्‍वागत स्‍य्‍हेङ्‌ज्‍यी, तलेपङ्‍सम् थेङ्‌यीमा जम्‍मचे थेङ्‌त ब्रेन्‍टीब मुबल।

लुका 8:40 ပူးပေါင်းရင်းမြစ်များ

मत्‍ती 9:1

हुजु लीप्‍चे येसु दोङ्‌गरी क्रेत्‍जेत्‍ज्‍यीम् ग्‍येइ क्‍योम्‍सङ् र्‌हङ्‌की सहर् कफर्‌नहुमरी दोःज्‍यीम् स्‍येज्‍यी।

मर्‌कुस् 12:37

“दाऊदचे थे र्‌हङ्‍चेनो मुक्‍ती न्‍हङ्‌बे ख्रीस्‍ट्त ‘ङइ प्रभु’ पङ्‍ब पङ्‌सम् खले थे दाऊदकी ज तब खम्‍ब?” य्‍हक्‍को म्‍हीमाचे थेङ्‌की फ्रोइ तङ्-तङ्‌ज्‍यीम् ङ्‍येन्‍ज्‍यी।

मर्‌कुस् 5:21

येसु देबेएनो दोङ्‍गरी क्रेत्‍ज्‍यीम् ग्‍येइ क्‍योम्‍सङ् स्‍येजेत्‍ज्‍यी। ओसेम् य्‍हक्‍को म्‍हीमा थेङ् मुबे ग्‍लारी र्‌हुब् तज्‍यी। थेङ्मी ग्‍येइ यरी मुबल।

मर्‌कुस् 6:20

तलेपङ्‍सम् युहन्‍ना धर्‌मीतेङ् पबीत्र म्‍ही य्‍हीन्‍ब पङ्‌बे तम् हेरोदचे स्‍येःब मुबल। होत्‍तज्‍यीम् थेचे युहन्‍नात जोगइतीज्‍यीम् थेन्‍ज्‍यी। युहन्‍नाचे लोप्‍पे तम् थ्‍येःज्‍यीम् हेरोदकी सेम् तलइ-तलइ तब मुबल। होलेतलेनो थेचे युहन्‍नाइ तम् तङ्‌ज्‍यीम् ङ्‌येन्‍ब मुबल।

लुका 19:48

तर थेङ्‍यीमाचे थेङ्‌त सेत्‍परी मौक अयङ्। तलेपङ्‍सम् जम्‍मा म्‍हीमा थेङ्‌की फ्रोइत सेम् य्‍हङ्‌सेनो ङ्‌येन्‍टीब मुबल।

लुका 19:6

जखायस ग्‍योन्-ग्‍योन् दुङ्‌री फब्‍युज्‍यी। ओसेम् तङ्-तङ्‌ज्‍यीम् येसुत थेइ दीम्‍री स्‍वागत स्‍य्‍हेङ्‌ज्‍यी।

लुका 5:1

तीरेत् येसु गनेसरेत पङ्‌बे ग्‍येइ यरी र्‌प्‍जेत्‍टीब मुबल। य्‍हक्‍को म्‍हीमा पर्‌मेस्‍वर्‌की फ्रोइ ङ्‌येम्‍बरी र्‌हुप् तज्‍यीम् तोर् इ मोर् इ तटीब मुबल।

लुका 8:39

“ए दीम्‍री दोःय्‍हरो, ओसेम् पर्‌मेस्‍वर्‌चे एइ लागीरी खतेबे लक् स्‍य्‍हेङ्‌ज्‍यी बी जम्‍मात स्‍येत्‍पीनो।” होत्‍तज्‍यीम् येसुचे थेइ लागीरी खतेबे लक् स्‍य्‍हेङ्‌जेत्‍ज्‍यी बी जम्‍मनो ज्‍यीद सहरमा तज्‍यीम् स्‍येत्‍ज्‍यीम् य्‍हर्‌ज्‍यी।

युहन्‍ना 5:35

युहन्‍ना लुम्‍ज्‍यीम् सर्‌टीबे बत्‍ती र्‌हङ्‌ब मुबल, ओसेम् एङ्‌यीमा थेइ य्‍हल्‍री य्‍हम्‍बगी तङ्‌ज्‍यी।

प्रेरीत् 10:33

हुजु थ्‍येःब साच्‍चेनो ङचे थेङ्‌त कीन्‍बरी म्‍हीमा पीत्‍खज्‍यी। थेङ्‌चे ङ्‌यीमाइ लागीरी दुख स्‍य्‍हेङ्‌ज्‍यीम् चुरी ब्‍योन्‍खजेत्‍ज्‍यी। देरेम् प्रभुचे थेङ्‌त कुल्‍जेत्‍पे जम्‍मनो फ्रोइमा ङ्‍येन्‍बे लागीरी ङ्‌यीमा जम्‍मनो चुरी पर्‌मेस्‍वर्‌की ङोन्‍री र्‌हुब् तबल मुब।”