लुका 8:21 - पश्‍चिम तामाङ

²¹ येसुचे जम्‍म म्‍हीमात सुङ्‌ज्‍यी, “खल्‍चे पर्‌मेस्‍वर्‌की फ्रोइ ङ्‌येन्‍ज्‍यीम् फ्रोइ्‍चे पङ्‌ब र्‌हङ्‌ले ब्रज्‍यी हुजुमानो ङइ अमतेङ् अलेमा य्‍हीन्‍ब।”

लुका 8:21 ပူးပေါင်းရင်းမြစ်များ

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

मत्‍ती 25:40

ओसेम् ग्‍यल्‍बोचे जोहाप् पीन्‍स्‍ये मुब, ‘ङ एङ्‌यीमात देमेन्‍नो पङ्‍ब, एङ्‍यीमाचे ङइ चु अलेमा न्‍हङ्‌री ज्‍यीद बीम ज्‍यीद अले गीःत तता स्‍य्‍हेङ्‌ज्‍यी, हुजु एङ्‍यीमाचे ङतनो स्‍य्‍हेङ्‌ज्‍यी।’

मत्‍ती 25:45

ओसेम् ग्‍यल्‍बोचे जोहाप् पीन्‍स्‍ये मुब, ‘ङ एङ्‌यीमात देमेन्‍नो पङ्‍ब, एङ्‍यीमाचे ङइ चु अलेमा न्‍हङ्‌री ज्‍यीद बीम ज्‍यीद अले गीःत तता अस्‍य्‍हेङ्‌ज्‍यी हुजु एङ्‍यीमाचे ङत अस्‍य्‍हेङ्‌बल य्‍हीन्‍ब।’

मत्‍ती 28:10

हुजु लीप्‍चे येसुचे थेङ्‌यीमात सुङ्‌ज्‍यी, “थलोङो, एङ्‍यीमा ङ्‌यीज्‍यीम् ङइ डबमात गालील्‍री ङ्‍यीउ पङ्‍पीनो। थेङ्‍यीमाचे ङत हुजुरी म्रङ्‌स्‍ये मुब।”

लुका 8:15

ओसेम् स नारी दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे थ्‍येःबे फ्रोइ् ज्‍यनले ज्‍यबे सेम्‍री थेन्‍ब, ओसेम् फ्रोइ्‍त ङ्‌येन्‍ज्‍यीम् ब्रब। ओसेम् खतेबे दुख खलेनो ग्‍यप्‍चे अदोःनले र्‌हङ्‌की बीस्‍वास्‍री रोःरो रोःज्‍यीम् ङोन्‍ग्‍यम् य्‍हर्‌स्‍यीनो टीब।

लुका 8:20

म्‍ही गीःचे येसुत पङ्‌ज्‍यी, “थेङ्‌की अमतेङ् अलेमा थेङ्‌त दोबरी फीर्‌च्‍योर् र्‌प्‍टीबल मुब।”

युहन्‍ना 13:17

एङ्‍यीमाचे चु तम्‍मा गोज्‍यीम् चु तम्‍मा र्‌हङ्‌लेनो स्‍य्‍हेङ्‌ज्‍यी पङ्‌सम् एङ्‍यीमाचे मोलम् यङ्‍स्‍ये मुब।

युहन्‍ना 20:17

येसुचे थेत सुङ्‌ज्‍यी, “ङत थछुउ, तलेपङ्‍सम् दवम् ङ अपज ङ्‌यीबल अरे। ए ङ्‌यीज्‍यीम् ङइ डबमात स्‍येत्‍पीनो, ‘ङ ङइ अपतेङ् एङ्‌यीमाकी अप ओसेम् ङइ पर्‌मेस्‍वर्‌तेङ् एङ्‌यीमाकी पर्‌मेस्‍वर्‌ज ङ्‍यीटीब।’”

२ कोरीन्‍थी 5:16

देरे य्‍हङ्‍से ङ्‌यीमाचे खल्‍तएनो जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् अच्‍या। य्‍हीन्‍बरीम् तीख्‍यप्‍की बेलोरी ङ्‍यीमाचेएनो ख्रीस्‍ट्‍त जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् च्‍याब मुबल, तर देरे य्‍हङ्‍से थेङ्‍त होले म्‍हेन्‍ज्‍यीम् च्‍यास्‍ये अरे।

२ कोरीन्‍थी 6:18

“ङ एङ्‌यीमाकी अप तस्‍ये मुब, ओसेम् एङ्‍यीमा ङइ ज जमेमा तस्‍ये मुब, सक्‍तीसाली परमप्रभुचे सुङ्‍जेत्‍प।”

याकुब 1:22

तर पर्‌मेस्‍वर्‌की फ्रोइ अनुसार ब्रउ, फ्रोइ ङ्‍येन्‍कीनो ङ्‌येन्‍ज्‍यीम् र्‌हङ्‌चे र्‌हङ्‍त धोक थपीनो।

१ युहन्‍ना 2:29

तलेपङ्‍सम् ख्रीस्‍ट् धर्‌मी मुब बी एङ्‍यीमाचे स्‍येःबल मुब, ओसेम् ज्‍यबे लक् स्‍य्‍हेङ्‌बलमा जम्‍मनो परमेस्‍वरकी ज जमे य्‍हीन्‍ब बीएनो एङ्‍यीमाचे स्‍येःबल मुब।

३ युहन्‍ना 1:11

म्‍होइबे र्‌हो, अज्‍यबे लक् खल ग्‍यम्‍सेएनो थलोपो, तर ज्‍यबे लक्‍कीनो लोपो। ज्‍यबे लक् स्‍य्‍हेङ्‍बल पर्‌मेस्‍वर्‌की म्‍ही य्‍हीन्‍ब, अज्‍यबे लक् स्‍य्‍हेङ्‌बलचे पर्‌मेस्‍वर्‌त खेमेएनो म्रङ्‌बलनो अरे।