लुका 7:7 - पश्‍चिम तामाङ

⁷ होलेनो ङ एज खबरीएनो ज्‍योबल अरे। तर एचे फ्रोइकीनो सुङ्‌जेतो, ओसेम् ङइ योक्‍पो फेन्‍स्‍ये मुब।

लुका 7:7 ပူးပေါင်းရင်းမြစ်များ

मर्‌कुस् 1:27

चु म्रङ्‌बे म्‍हीमा जम्‍मनो तेङेन् तज्‍यी। ओसेम् र्‌हङ-र्‌हङन्‍हङ् चोले पङ्‍ब थाल्‍दीज्‍यी, “चु त य्‍हीन्‍ब? थेङ्‌चेमी सक्‍ती मुबे छार् तम्‍क लोप्‍प टीम्, ओसेम् म्‍हङ्‍माचेएनो थेङ्‌चे कुल्‍बे तम्‍मा ङ्‍येन्‍ब टीम्।”

लुका 4:36

ओसेम् जम्‍मनो थोम्‍ज्‍यीम् थेमा न्‍हङ् चोले पङ्‌ज्‍यी, “चु म्‍हीइ बोलीरी खतेबे अधीकारतेङ् सक्‍ती मुबटीम्। थेङ्‌चे हप्‍कइ्‌तीब साच्‍चेनो म्‍हङ्‌मा डोङ्‌ज्‍यीम् य्‍हर्‌बटीम् स्‍यीम्!”

लुका 5:13

येसुचे हुजु म्‍हीत फ्‍याचे छुज्‍यीम् सुङ्‌ज्‍यी, “एत फेन्‍न लबे सेम् ङल मुब, ए फेनो।” ओसेम् येसुचे होले सुङ्‌ब साच्‍चेनो पुन् स्‍यप्‍पे म्‍ही फेन्‍ज्‍यी।

लुका 7:6

हुजु लीप्‍चे येसु थेङ्‌यीमातेङ् स्‍येःजेत्‍ज्‍यी। येसु कप्‍तान्‍की दीम्‍री दोखयम्मम् कप्‍तान्‍चे र्‌हङ्‌की र्‌होमात चोले पङ्‌ज्‍यीम् थेङ्‌ज पीत्‍ज्‍यी, “प्रभु, एचे दुख थस्‍य्‍हेङ्‌जेतो, तलेपङ्‍सम् एत ङइ दीम्‍न्‍हङ् बोर्‌बरी ङ ज्‍योबल अरे।

लुका 7:8

तलेपङ्‍सम् ङएनो ङ्‌हच्‍छ्‌यङ् हाकीम्माकी दुङ्‌री टीबे म्‍ही य्‍हीन्‍ब। ङइ दुङ्‌रीएनो सीपाहीमा मुब। ङचे गीःत ‘य्‍हरो’ पङ्‌सम् थे य्‍हर्‌ब, ल्‍हो-ल्‍हो गीःत ‘खो’ पङ्‌सम् थे खब। ओसेम् ङइ योक्‍पोतएनो ‘चोले स्‍य्‍हेङो’ पङ्‌ब, थेचे होलेनो स्‍य्‍हेङ्‌ब।”