लुका 7:33 - पश्‍चिम तामाङ

³³ “चब थुङ्‌बतेङ् अङ्‌गुर्‌की नीङ्‍गु अथुङ्‌नले बप्‍तीस्‍मा पीन्‍बे युहन्‍ना खज्‍यी। एङ्‍यीमाचेम् थेत म्‍हङ् स्‍यप्‍पे म्‍ही पङ्‌ज्‍यी।

लुका 7:33 ပူးပေါင်းရင်းမြစ်များ

मत्‍ती 10:25

डब र्‌हङ्‌की लोप्‍पोन् गदे ओसेम् बान मालीक् गदे तबरीनो तङ्‍थोब। थेङ्‍यीमाचे दीम्‍की न्‍याबोतनो म्‍हङ्‍की ग्‍यल्‍बो बाल्‍जीबुल पङ्‍ब पङ्‌सम् दीम्‍की म्‍हेम्‍यमात झेन् गदे अज्‍यब पङ्‌ल?

मत्‍ती 3:1

य्‍हक्‍को बर्‌स लीप्‍चे बप्‍तीस्‍मा पीन्‍बे युहन्‍नाचे यहुदीया प्रदेस्‍की उजाड ग्‍लारी खज्‍यीम् चोले प्रचार स्‍य्‍हेङ्‌ब तीप्‍ज्‍यी।

मत्‍ती 3:4

युहन्‍नाचे ऊँटकी पेइचे राबे येन् येन्‍ब मुबल, ओसेम् केप्‍परी डीइ केः खीब मुबल। ओसेम् तीरीतेङ् र्‌हीइ सीङ्‍सुर खुदु चब मुबल।

मर्‌कुस् 1:6

युहन्‍नाचे ऊँटकी पेइचे राबे येन् येन्‍ज्‍यीम् केप्‍परी डीइ पेटी खीःब मुबल। ओसेम् थेचे तीरीतेङ् र्‌हीइ सीङ्‍सुरकी खुदु चब मुबल।

लुका 1:15

तलेपङ्‍सम् युहन्‍ना परमप्रभुइ ङोन्‍ग्‍यम् ङ्‌हच्‍छ्‌यङ् तस्‍ये मुब। थेचे खेमेएनो अङ्‌गुर्‌की नीङ्‍गु थुङ्‌स्‍ये अरे। ओसेम् थे अमइ फोरी खब य्‍हङ्‌स्‍येनो पबीत्र आत्‍माचे प्‍लीङ्‌स्‍ये मुब।

लुका 7:32

थेङ्‌यीमामी बजाररी टीटीबे गीःचे गीःत क्रीङ्‌ज्‍यीम् चोले पङ्‌टीबे कोलमा र्‌हङ्‌ब मुब, ङ्‌यीमाचे एङ्‌यीमाकी लागीरी पुली र्‌हब्‍ज्‍यी तर एङ्‌यीमा अस्‍य, ओसेम् ङ्‌यीमाचे एङ्‌यीमाकी लागीरी दुखइ व्‍हइ कोज्‍यी तर एङ्‌यीमा अक्रा।

लुका 7:34

तर चबथुङ्‌ब स्‍य्‍हेङ्‌बे म्‍हीइ ज खज्‍यी। ओसेम् एङ्‍यीमाचे पङ्‌ज्‍यी, च्‍याको, थे य्‍हक्‍को चबथुङ्‌ब स्‍य्‍हेङ्‌बे, ओसेम् तीरो दुत्‍पे म्‍हीमातेङ् पापीमाकी र्‌हो,

युहन्‍ना 10:20

थेङ्‍यीमा न्‍हङ्‌री य्‍हक्‍को र्‌हङ्‍बचे, “चु म्‍हीत म्‍हङ् स्‍यप्‍पल मुब, थेम् म्‍योब य्‍हीन्‍ब। तले एङ्‌यीमा थेइ तम् ङ्‍येन्‍ब?” बी पङ्‍ज्‍यी।

युहन्‍ना 8:48

ओसेम् यहुदी अगुवामाचे पङ्‍ज्‍यी, “ङ्‌यीमाचे पङ्‍बे तम् ठीक्‍नो य्‍हीन्‍ब, ए सामरी म्‍ही य्‍हीन्‍ब, ओसेम् एत म्‍हङ् स्‍यप्‍पल मुब!”

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’

प्रेरीत् 2:13

तर ल्‍हो-ल्‍होमाचेम् ङ्‍येत्‍ज्‍यीम्, “थेङ्‍यीमा अङ्‍गुर्‌की छार् नीङ्‍गुचे ङ्‍य्‍हेबल मुब” बी पङ्‍ज्‍यी।