लुका 7:24 - पश्‍चिम तामाङ

²⁴ युहन्‍नाइ डबमा दोय्‍हर्‌ब बीसेम् येसुचे म्‍हीमात युहन्‍नाइ बारेरी चोले सुङ्‌ज्‍यी, “एङ्‌यीमा उजाड-ग्‍लारी त च्‍याबरी ङ्‌यीज्‍यी? लाबचे योङ्‌टीबे म दोङ्‌बो च्‍याबरी ङ्‌यीबल वुइ?

लुका 7:24 ပူးပေါင်းရင်းမြစ်များ

लुका 1:80

युहन्‍ना ल्‍हीरी छर्‌बोर्‌बतेङ् आत्‍मारी बङ्‌ज्‍येन् तबोर्‌ज्‍यी। ओसेम् थे इस्राएलीमाकी गुङ्‌री अम्रङ्‌गदे उजाड-ग्‍लारी टीज्‍यी।

लुका 3:2

गोदोब्‍न्‍हङ्‍की ङ्‌हच्‍छ्‌यङ् लम्‍बुमा हन्‍नासतेङ् कैयाफा मुबल। हुजु बेलोरीनो उजाड-ग्‍लारी पर्‌मेस्‍वर्‌चे जकरीयाकी ज युहन्‍नात फ्रोइ न्‍हङ्‌ज्‍यी।

लुका 7:23

खल म्‍हीचे ङत ख्‍लेथेन्‍ज्‍यीम् अय्‍हर्‌ज्‍यी, हुजु म्‍हीचे मोलम् यङ्‌ब।”

लुका 7:25

एङ्‌यीमा ता च्‍याबरी डोङ्‌ज्‍यी? ज्‍यबे गोइल येन्‍बे म्‍हीत च्‍याबरी य्‍हीन्‍ब? च्‍याको, ज्‍यबे गोइल येन्‍बे म्‍हीमातेङ् सुखले टीज्‍यीम् चबे म्‍हीमाम् दरबार्‌रीकीनो तब।

युहन्‍ना 1:23

युहन्‍नाचे पङ्‍ज्‍यी, “ङ यसैया अगम्‍बक्‍तचे पङ्‍ब र्‌हङ्‌लेनो, ‘परमप्रभुइ लागीरी ग्‍यम् टोप् लउ’ पङ्‍ज्‍यीम् उजाड ग्‍लारी क्रीङ्‍बे केत् य्‍हीन्‍ब।”

एफीसी 4:14

हुजु लीप्‍चे लाबतेङ् छाल्‍चे खन नाबोर्‌ज्‍यी होलेचेनो नाबोर्‌बे ज्‍यीद दोङ्‍ग र्‌हङ्‍बे ज्‍यीद कोलमा र्‌हङ्‌ले ङ्‍य्‍हङ्‍मा भ्‍युकी तम् लोप्‍पे म्‍हीमाकी तम्‍मा ङ्‌येन्‍ज्‍यीम् होलेचेनो य्‍हर्‌स्‍ये अरे। थेङ्‍यीमाचे लोप्‍पे भ्‍यु तम्‍मा ग्‍यम्‍से ल्‍हो-ल्‍होमात अज्‍यबे ग्‍यम्‍री बोर्‌ब म्‍हइब।

२ पत्रुस 2:17

चोतेबे म्‍हीमामी यी खर्‌बे यी म्रुःमातेङ् लापलुङ्‍चे नाबोर्‌बे मुक्‍प र्‌हङ्‍ब य्‍हीन्‍ब। थेङ्‍यीमाकी लागीरी पर्‌मेस्‍वर्‌चे य्‍हक्‍को म्‍हुन्‍दुङ् ग्‍ला थेन्‍जेत्‍पल मुब।

२ पत्रुस 3:17

तर म्‍होइबे र्‌होमा, एङ्‍यीमाचे चु तम् ङोन्‍नो स्‍येःज्‍यीन्‍बल मुब। चोङ्‍ले टीउ, होत्‍तज्‍यीम् पर्‌मेस्‍वर्‌की फ्रोइत अङ्‍येन्‍बे म्‍हीमाचे एङ्‌यीमात थोम्‍न लम्‍यङ्‍स्‍ये अरे, ओसेम् एङ्‍यीमाचे र्‌हङ्‍की कोङ्‌बे बीस्‍वास् पीत्‍स्‍ये अरे।