लुका 7:16 - पश्‍चिम तामाङ

¹⁶ होतेब तब म्रङ्‌ज्‍यीम् जम्‍म म्‍हीमा लोङ्‌ज्‍यी। ओसेम् पर्‌मेस्‍वर्‌त तोप्‍ज्‍यीम् चोले पङ्‌ज्‍यी, “ङ्‌हच्‍छ्‌यङ् अगम्‍बक्‍त गीः ङ्‌य्‍हङ्‌माकी गुङ्‌री म्रङ्‌बल मुब। पर्‌मेस्‍वर् र्‌हङ्‌की म्‍हीमात थर्‌नलबरी ब्‍योन्‍युबल मुब।”

लुका 7:16 ပူးပေါင်းရင်းမြစ်များ

मत्‍ती 15:31

लेम्‍बमाचे तम् पङ्‍बल, खोरामा ब्रबल, या-कङ् अचल्‍तीबलमाल चल्‍तीबल ओसेम् कनमाचे मी म्रङ्‌बल म्‍हीमा म्रङ्‌ब बीसेम् जम्‍मनो तेङेन् तज्‍यी। ओसेम् थेङ्‍यीमाचे इस्राएलकी पर्‌मेस्‍वर्‌त तोप्‍ज्‍यी।

मत्‍ती 21:11

य्‍हक्‍को म्‍हीमाचे जोहाप् पीन्‍ज्‍यी, “थेङ् गालीलकी नासरतकी ग्‍यम्‍से खबे अगम्‍बक्‍त येसु य्‍हीन्‍ब।”

मत्‍ती 28:8

होत्‍तज्‍यीम् हुजु अमकोलमा लोङएनो लोङ्‌ज्‍यी, ओसेम् य्‍हक्‍को तङएनो तङ्‌ज्‍यीम् थेङ्‌की डबमात सम्‍तर् स्‍येत्‍परी छ्‍योङ्‍य्‍हर्‌ज्‍यी।

मत्‍ती 9:8

चु तेङेन्‍की लक् म्रङ्‌ज्‍यीम् य्‍हक्‍को म्‍हीमा लोङ्‌ज्‍यी। ओसेम् म्‍हीमात चोतेबे अधीकार् न्‍हङ्‌बे पर्‌मेस्‍वर्‌त थेङ्‍यीमाचे तोप्‍ज्‍यी।

लुका 1:65

चोतेब तब म्रङ्‌ज्‍यीम् खीम्‍चेमा जम्‍मनो लोङ्‌ज्‍यी। ओसेम् चु सम्‍तर् यहुदीया प्रदेस्‍की गङ्‍क्‍योर्‌की खनबीबीनो नम्‍समारी थ्‍येःज्‍यी।

लुका 1:68

“इस्राएलकी परमप्रभु पर्‌मेस्‍वर्‌त तोप्‍के, तलेपङ्‍सम् थेङ् र्‌हङ्‌की म्‍हीमात थर्‌नलबरी ब्‍योन्‍युज्‍यी।

लुका 19:44

ओसेम् थेङ्‍यीमाचे एइ सहर्‌तेङ् एइ कउरु न्‍हङ् मुबे म्‍हीमात नास् लस्‍ये मुब। ओसेम् थेङ्‍यीमाचे युङ्‌ब गीःएनो अस्‍हीनले थेन्‍स्‍ये अरे। तलेपङ्‍सम् पर्‌मेस्‍वर्‌चे एत थर्‌नलबरी ब्‍योन्‍युबे बेलो एचे अस्‍ये।”

लुका 2:20

स्‍वर्‌गदुत्माचे पङ्‌ब र्‌हङ्‌ले थ्‍येःबतेङ् म्रङ्‌ज्‍यीम् गोर्‌तेन्माचे पर्‌मेस्‍वर्‌त महीमा तोप्‍ज्‍यीम् दोःय्‍हर्‌ज्‍यी।

लुका 24:19

थेङ्‌चे थेङ्‍य्‍हीत, “तइ तम्?” बी ङ्‌योत्‍जेत्‍ज्‍यी। ओसेम् थेङय्‍हीचे, “नासरत्‍की येसुइ तम्, थेङ् अगम्‍बक्‍त मुबल। थेङ्‌चे स्‍य्‍हेङ्‌जेत्‍पे लक्‍तेङ् लोप्‍जेत्‍पे फ्रोइ पर्‌मेस्‍वर्‌तेङ् जम्‍मा म्‍हीमाकी ङोन्‍री सक्‍तीसाली मुबल।

लुका 5:26

ओसेम् जम्‍मनो थोम्‍ज्‍यीम् पर्‌मेस्‍वर्‌त तोप्‍ज्‍यी। ओसेम् लोङ् लोङ्‌ज्‍यीम् चोले पङ्‌ज्‍यी, “तीङी ङ्‌य्‍हङ्‌माचे थोम्‍बे लक् म्रङ्‌ज्‍यी!”

लुका 5:8

चु म्रङ्‌ज्‍यीम् सीमोन पत्रुसचे येसुइ स्‍य्‍हब्‍री पब्‍लु लज्‍यीम् पङ्‌ज्‍यी, “ओ प्रभु, ङ पापी म्‍ही य्‍हीन्‍ब, होत्‍तज्‍यीम् ङ ग्‍यम्‍से थारीङ् स्‍येःजेतो!”

लुका 7:15

हुजु लीप्‍चे स्‍यीबे ठीटा रेःज्‍यीम् तम् पङ्‌ब थाल्‍तीज्‍यी। ओसेम् येसुचे हुजु ठीटात थेइ अमत न्‍हङ्‌पीन्‍जेत्‍ज्‍यी।

लुका 7:39

चु म्रङ्‌ज्‍यीम् येसुत ङ्‌होत्‍पे फरीसीचे सेम् न्‍हङ् चोले म्‍हेन्‍ज्‍यी, “येसु देमेन्‍नो अगम्‍बक्‍त य्‍हीन्‍ज्‍यी पङ्‌सम्, थेङ्‌त छुटीबे अमकोल खतेब बी स्‍येःथोस्‍ये मुबल, तलेपङ्‍सम् चु अमकोल पापी य्‍हीन्‍ब।”

लुका 8:37

हुजु लीप्‍चे गेरासेनस् प्रदेस्‍की जम्‍मा म्‍हीमाचे येसुत चु ग्‍ला ग्‍यम्‍चे थारीङ् स्‍येःजेतो बी फ्‍या स्‍य्‍हु लज्‍यी। तलेपङ्‍सम् थेङ्‌यीमा य्‍हक्‍को लोङ्‌बल मुबल। होत्‍तज्‍यीम् हुजु ग्‍ला पीत्‍थेन्‍बरी येसु दोङ्‌गरी क्रेत्‍जेत्‍ज्‍यी।

लुका 9:19

थेङ्‍यीमाचे तम् दोःज्‍यीम् पङ्‌ज्‍यी, “कोइ म्‍हीमाचे बप्‍तीस्‍मा पीन्‍बे युहन्‍ना, कोइ्‌चे एलीया, ओसेम् ल्‍हो-ल्‍हो कोइ्-कोइ्‌चे दङ्‌बोइ अगम्‍बक्‍तमा न्‍हङ्‌री गीः सोज्‍यीम् खनेम् पङ्‌ब।”

युहन्‍ना 1:21

ओसेम् थेङ्‍यीमाचे ङ्‌योत्‍ज्‍यी, “होलेपङ्‌सम् ए खल? ता ए एलीया य्‍हीन्‍ब?” युहन्‍नाचे, “ङ अय्‍हीन्” पङ्‍ज्‍यी। थेङ्‍यीमाचे, “ए ङ्‌यीमाचे ब्रेन्‍टीबे अगम्‍बक्‍त य्‍हीन्‍ब?” बी ङ्‌योत्‍ज्‍यी। युहन्‍नाचे, “अय्‍हीन्” पङ्‍ज्‍यीम् जोहाप् पीन्‍ज्‍यी।

युहन्‍ना 1:25

ओसेम् थेङ्‍यीमाचे युहन्‍नात ङ्‌योत्‍ज्‍यी, “ए मुक्‍ती न्‍हङ्‌बे ख्रीस्‍ट्‍एनो अय्‍हीन्, एलीयाएनो अय्‍हीन्, ओसेम् अगम्‍बक्‍तएनो अय्‍हीन् पङ्‌सम् तले बप्‍तीस्‍मा पीन्‍बल स्‍यीम्?”

युहन्‍ना 4:19

ओसेम् सामरी अमकोलचे पङ्‍ज्‍यी, “लोप्‍पोन्, थेङ्मी अगमबक्‍तक य्‍हीन्‍ब टीम्।

युहन्‍ना 6:14

थेङ्‌चे स्‍य्‍हेङ्‍जेत्‍पे चु अचम्‍मइ लक् म्रङ्‌ब बीसेम् म्‍हीमाचे पङ्‌ज्‍यी, “देमेन्‍नो थेङ्‍नो जम्‍बुलीङ्‌री ब्‍योन्‍युस्‍येकी अगम्‍बक्‍त य्‍हीन्‍ब।”

युहन्‍ना 9:17

थेङ्‍यीमाचे हुजु कन ग्‍यम्‍से फेन्‍बे म्‍हीत देबेएनो ङ्‌योत्‍ज्‍यी, “एइ मीः म्रङ्‌न लपीन्‍बे हुजु म्‍हीइ बारेरी ए ता पङ्‍ब?” थेचे पङ्‍ज्‍यी, “थेङ् अगम्‍बक्‍त य्‍हीन्‍ब।”

प्रेरीत् 5:5

हननीयाचे चु थ्‍येःब साच्‍चेनो थे सरी गुर्‌ज्‍यीम् स्‍यीज्‍यी। चु तम् थ्‍येःबलमा जम्‍मनो य्‍हक्‍को लोङज्‍यी।

प्रेरीत् 7:37

हुजु मोसाचेनो इस्राएलीमात, ‘पर्‌मेस्‍वर्‌चे एङ्‌यीमाकी र्‌हङ्‌की अज्‍यो-अले न्‍हङ्‍चे ङ र्‌हङ्‍बे अगम्‍बक्‍त गीः एङ्‍यीमाज पीत्‍युस्‍ये मुब’ बी पङ्‍बल मुबल।

गलाती 1:24

ओसेम् ङ होले पोबल तज्‍यीम् थेङ्‍यीमाचे पर्‌मेस्‍वर्‌त तोप्‍ज्‍यी।