लुका 6:49 - पश्‍चिम तामाङ

⁴⁹ तर ङइ तम् ङ्‍येन्‍ज्‍यीमएनो ङचे पङ्‌ब र्‌हङ्‌ले अस्‍य्‍हेङ्‌बलमी जग अयुनले दीम् स्‍य्‍हेङ्‌बे म्‍ही र्‌हङ्‌ब य्‍हीन्‍ब। नम् युज्‍यीम् भल युज्‍यी। ओसेम् थेइ दीम् फुप्‍ज्‍यीम् स्‍हीःय्‍हर्‌ज्‍यी।”

लुका 6:49 ပူးပေါင်းရင်းမြစ်များ

मत्‍ती 23:3

होत्‍तज्‍यीम् थेङ्‍यीमाचे पङ्‍बे तम्‍म एङ्‍यीमाचे जम्‍मनो स्‍य्‍हेङो। तर थेङ्‍यीमाचे स्‍य्‍हेङ्‌ब र्‌हङ्‌ले थस्‍य्‍हेङो। तलेपङ्‍सम् थेङ्‍यीमाचे ल्‍हो-ल्‍होमात लोप्‍प तर थेङ्‍यीमा र्‌हङ्‍चेम् हुजु अनुसार अस्‍य्‍हेङ्।

मत्‍ती 24:10

“हुजु बेलोरी य्‍हक्‍को र्‌हङ्‍बचे बीस्‍वास् स्‍य्‍हेङ्‌ब पीत्‍लास्‍ये मुब। ओसेम् गीःचे गीःत धोका पीन्‍ज्‍यीम् अखोस्‍ये मुब।

मर्‌कुस् 4:17

तर थेङ्‍यीमाल बीस्‍वासकी टा अरेबल तज्‍यीम् य्‍हम्‍बगीकीनो बीस्‍वास् स्‍य्‍हेङ्‌ब। पर्‌मेस्‍वर्‌की फ्रोइत बीस्‍वास् स्‍य्‍हेङ्‌बल तज्‍यीम् म्‍हीमाचे दुख पीन्‍बतेङ् नर्‌ब साच्‍चेनो थेङ्‍यीमाचे बीस्‍वास् स्‍य्‍हेङ्‌ब पीत्‍लाब।

लुका 12:47

“र्‌हङ्‌की मालीक्‍की सेम् गोज्‍यीम्‍एनो, मालीक्‍चे थेचे स्‍य्‍हेङ्‌खइ म्‍हेम्‍ब र्‌हङ्‌ले छ्‌येज्‍यीम् लक् अस्‍य्‍हेङ्‌बे योक्‍पोत य्‍हक्‍को ङ्‌हच्‍छ्‌यङ् सजाय पीन्‍स्‍ये मुब।

लुका 19:14

तर थेइ य्‍हुल्‍की म्‍हीमाचेम् थेत सेम्‍री अङ्‌यीब मुबल। होत्‍तज्‍यीम् थेङ्‍यीमाचे चवमात थेइ लीक्‍क्‍यम् चोले पङ्‌ज्‍यीम् पीत्‍ज्‍यी, ‘चु म्‍ही ङ्‌यीमाइ ग्‍यल्‍बो तखइ बी अम्‍हेन्।’

लुका 19:27

देरेम्, ङचे राज्‍य अस्‍य्‍हेङ्‌खइ म्‍हेन्‍बे ङइ सत्‍तुर्‌मात चुरी बज्‍यीम् ङइ ङ्‌होन्‍सङ्‌रीनो सेतो।’”

लुका 6:46

“ङचे पङ्‌बे तम् अङ्‍येन्‍सम् एङ्‌यीमा ङत तले ‘प्रभु, प्रभु’ पङ्‌ब?

लुका 6:48

थे दीम् स्‍य्‍हेङ्‌बे म्‍ही गीः र्‌हङ्‌ब य्‍हीन्‍ब, हुजु म्‍हीचे नुप्‍नले ह्‍वज्‍यीम् दीम्‍की जग ङ्‌हच्‍छ्‌यङ् युङ्‌बजोरी स्‍य्‍हेङ्‌ज्‍यी। नम् युज्‍यीम् भल युलेएनो कोङ्‌नले स्‍य्‍हेङ्‌बल तज्‍यीम् थेइ दीम् अफुप्।

लुका 7:1

म्‍हीमात लोप्‍प बुत्‍ज्‍यीम् येसु कफर्‌नहुम्‍क्‍योर् स्‍येःज्‍यी।

युहन्‍ना 15:2

ङतेङ् मुज्‍यीमएनो रोरो अरोबे जम्‍मनो य्‍हर्‌ङमाम् थाज्‍यीम् ख्‍लाजेत्‍प। ओसेम् रोरो रोःबे जम्‍मनो य्‍हर्‌ङमात झेन् य्‍हक्‍को रोखइ बी छेप्‍लाब।

प्रेरीत् 20:29

ङत था मुब, ङ य्‍हर्‌ब बीसेम् लोङ्‍बे फरमा एङ्‌यीमाइ गुङ्‍री वङ्‌ज्‍यीम् बगेल्‍मात दुख पीन्‍स्‍ये मुब।

प्रेरीत् 26:11

ङचे य्‍हक्‍को खेप् थेङ्‌यीमात यहुदीमा र्‌हुब् तबे जम्‍मनो दीम्‍मारी बोरज्‍यीम् येसुत बीस्‍वास् अलखइ बी सजाय पीन्‍पुङ्‍ज्‍यी। ङ थेङ्‍यीमातेङ् य्‍हक्‍को बुमो रप्‍पल तज्‍यीम् ल्‍हो-ल्‍हो य्‍हुल्‍की सहर्‌मारीएनो ङ्‌यीज्‍यीम् ङचे थेङ्‌यीमात दुख पीन्‍ज्‍यी।

१ थेस्‍लोनीकी 3:5

होत्‍तज्‍यीम् ङचे देरे य्‍हक्‍को नापअखम्‍मम् सैतान्‍चे एङ्‌यीमात परीक्षरी दोनलज्‍यीवा ओसेम् ङ्‌यीमाचे स्‍य्‍हेङ्‌बे दुख खेर य्‍हर्‌नलज्‍यीवा बी लोङ्‍ज्‍यीम् एङ्‌यीमाकी बीस्‍वास् च्‍याबरी ङचे तीमोथीत पीत्‍खबल मुबल।

२ पत्रुस 2:20

तर थेङ्‍यीमाचे ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍त स्‍येःज्‍यीम् जम्‍बुलीङ्‌की अज्‍यबे लक्‍मा स्‍य्‍हेङ्‍ब पीत्‍लाज्‍यीम्‍एनो देबे दोःज्‍यीम् हुजु अज्‍यबे लक्‍मा स्‍य्‍हेङ्‌ज्‍यी पङ्‌सम् थेङ्‍यीमाकी लीक्‍यम्‍की गती ङोन्‍ग्‍यम्‍ल बीमएनो झेन् अज्‍यब तब।

१ युहन्‍ना 2:19

थेङ्‍यीमा ङ्‍य्‍हङ्‍ल अय्‍हीन्‍ब मुबल, होत्‍तज्‍यीम् थेङ्‍यीमा ङ्‌य्‍हङ्‍मात ख्‍लेथेन्‍ज्‍यीम् य्‍हर्‌ज्‍यी। थेङ्‍यीमा ङ्‍य्‍हङ्‍ल य्‍हीन्‍सम् ङ्‍य्‍हङ्‍मातेङ् टीस्‍येल। ङ्‌यीमाचे ङ्‌य्‍हङ्‍मात ख्‍लेथेन्‍ज्‍यी हुजु तम्‍चे थेङ्‍यीमा ङ्‍य्‍हङ्‍ल अय्‍हीन् पङ्‍बे तम् ङोन्‍ब।