लुका 6:47 - पश्‍चिम तामाङ

⁴⁷ ङतेङ् खज्‍यीम् ङइ तम् ङ्‌येन्‍ज्‍यीम् ङ्‌चे पङ्‌ब र्‌हङ्‌ले स्‍य्‍हेङ्‌बे म्‍ही खतेब बी, ङ एङ्‌यीमात स्‍येत्‍प।

लुका 6:47 ပူးပေါင်းရင်းမြစ်များ

मत्‍ती 12:50

तलेपङ्‍सम् खल्‍चे ङइ स्‍वर्‌गरी मुबे अपचे पङ्‍बे तम् ङ्‍येन्‍ज्‍यी हुजुनो ङइ अले, अङ ओसेम् अम य्‍हीन्‍ब।”

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

लुका 11:28

तर थेङ्‌चे सुङ्‌ज्‍यी, “बरु खल्‍चे पर्‌मेस्‍वर्‌की फ्रोइ ङ्‌येन्‍ज्‍यीम् ब्रब, हुजुचे य्‍हक्‍को मोलम् यङ्‌ब।”

लुका 14:26

“ङइ लीप्‍चे ब्रइ म्‍हेन्‍बलमाचे र्‌हङ्‌की अप-अम, म्रीङ्, ज-जमे, अज्‍यो-अले, अन-अङ ओसेम् ङत बीमएनो र्‌हङत म्‍होइज्‍यी पङ्‌सम् थे ङइ डब तब अखम्।

लुका 6:48

थे दीम् स्‍य्‍हेङ्‌बे म्‍ही गीः र्‌हङ्‌ब य्‍हीन्‍ब, हुजु म्‍हीचे नुप्‍नले ह्‍वज्‍यीम् दीम्‍की जग ङ्‌हच्‍छ्‌यङ् युङ्‌बजोरी स्‍य्‍हेङ्‌ज्‍यी। नम् युज्‍यीम् भल युलेएनो कोङ्‌नले स्‍य्‍हेङ्‌बल तज्‍यीम् थेइ दीम् अफुप्।

लुका 8:13

युङ्‌ब मुबे सरी दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे पर्‌मेस्‍वर्‌की फ्रोइ् थ्‍येःब बीसेम् तङ्‌ज्‍यीम् बीस्‍वास् स्‍य्‍हेङ्‌ब। तर थेइ बीस्‍वासकी टा अरेबल तज्‍यीम् य्‍हम्‍बगीकीनो बीस्‍वास् स्‍य्‍हेङ्‌ब। ओसेम् दुख खब साच्‍चेनो बीस्‍वास् स्‍य्‍हेङ्‌ब पीत्‍लाब।

लुका 8:8

तर गदे ब्‍लुम् ज्‍यबे स नारी दोःज्‍यी। ओसेम् फीःज्‍यीम् दोङ्‌बो र्‌हङ्‌स्‍यीनो सय गुन अन्‍न रोःज्‍यी।” चु अर्‌थ सुङ्‌ब बीसेम् येसुचे बङ्‌ले सुङ्‌ज्‍यी, “खल्‍ल थ्‍येःबे न्‍हबीङ् मुब, हुजुचे थ्‍येःखइ।”

युहन्‍ना 10:27

ङइ ग्‍युमाचेम् ङइ केत् ङ्‍येन्‍ब, ओसेम् ङचेएनो थेङ्‌यीमात स्‍येब, ओसेम् थेङ्‍यीमा ङइ लीप्‍चे ब्रब।

युहन्‍ना 13:17

एङ्‍यीमाचे चु तम्‍मा गोज्‍यीम् चु तम्‍मा र्‌हङ्‌लेनो स्‍य्‍हेङ्‌ज्‍यी पङ्‌सम् एङ्‍यीमाचे मोलम् यङ्‍स्‍ये मुब।

युहन्‍ना 14:15

“एङ्‍यीमाचे ङत म्‍होइसम् ङचे कुल्‍बे अर्‌तीमा ङ्‌येन्‍ज्‍यीम् ब्रस्‍ये मुब।

युहन्‍ना 5:40

तर एङ्‍यीमा खेमेएनो अबेबे जीवन् यङ्‌बरी ङइज खबे सेम् अल।

युहन्‍ना 6:35

हुजु लीप्‍चे येसुचे थेङ्‌यीमात सुङ्‌ज्‍यी, “जीवन पीन्‍बे ग्‍येङ् ङनो य्‍हीन्‍ब। ङइज खबल ख्रेन्‍स्‍ये अरे ओसेम् ङत बीस्‍वास् स्‍य्‍हेङ्‌बल खेमेएनो फीःस्‍ये अरे।

युहन्‍ना 6:37

अपचे ङत न्‍हङ्‍जेत्‍पलमा जम्‍मनो ङइज खस्‍ये मुब, ओसेम् ङइज खबलमात ङचे खेमेएनो ख्‍लास्‍ये अरे।

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’

हीब्रु 5:9

ओसेम् सीद्‍द तजेत्‍प बीसेम् थेङ्‍चे सुङ्‌बल ङ्‍येन्‍बमा जम्‍मइ लागीरी थेङ् खेम पङ्‌लेनो लागीरी मुक्‍तीइ म्रुः तजेत्‍ज्‍यी।

याकुब 4:17

होत्‍तज्‍यीम् खल्‍चे ज्‍यब स्‍य्‍हेङ्‍थो:ब बी स्‍येज्‍यीमएनो अस्‍य्‍हेङ् थेचे पाप स्‍य्‍हेङ्‌ब।

१ पत्रुस 2:4

एङ्‍यीमा प्रभु येसुज खोउ, थेङ् सोम्‍बो युङ्‌ब य्‍हीन्‍ब। म्‍हीमाचे थेङ्‍त लक् अतबल पङ्‍ज्‍यीमा ख्‍लाज्‍यी, तर पर्‌मेस्‍वर्‌चेमी थेङ्‍त दम्‍जेत्‍ज्‍यीम् य्‍हक्‍को सेइकी युङ्‌ब स्‍य्‍हेङ्‍जेत्‍ज्‍यी।

२ पत्रुस 1:10

होत्‍तज्‍यीम् बीस्‍वासी र्‌होमा, पर्‌मेस्‍वर्‌चे एङ्‍यीमात ङ्‍होत्‍जेत्‍पलतेङ् दम्‍जेत्‍पल य्‍हीन्‍ब पङ्‍बे तम् पक्‍कले ङोनो। तलेपङ्‍सम् चु तम्‍मा स्‍य्‍हेङ्‌सम् एङ्‍यीमा बीस्‍वास्‍री खेमेएनो गुर्‌स्‍ये अरे।

१ युहन्‍ना 2:29

तलेपङ्‍सम् ख्रीस्‍ट् धर्‌मी मुब बी एङ्‍यीमाचे स्‍येःबल मुब, ओसेम् ज्‍यबे लक् स्‍य्‍हेङ्‌बलमा जम्‍मनो परमेस्‍वरकी ज जमे य्‍हीन्‍ब बीएनो एङ्‍यीमाचे स्‍येःबल मुब।

१ युहन्‍ना 3:7

म्‍होइबे कोलमा, एङ्‌यीमात खल्‍चेएनो लु अम्‍यङ्‍खइ। ज्‍यबे लक् स्‍य्‍हेङ्‌बे म्‍हीमानो ख्रीस्‍ट् र्‌हङ्‍बे धर्‌मी तब।

प्रकास 22:14

र्‌हङ्‍की येन् ख्रुज्‍यीम् ज्‍यनले थेन्‍बलमा मोलम् यङ्‍बलमा य्‍हीन्‍ब। थेङ्‍यीमाचे हुजु सहर्‌की म्रप् ग्‍यम्‍से न्‍हङ्‍री वङ्‌म्‍यङ्‍स्‍ये मुब ओसेम् जीवन्‍की दोङ्‌बोइ रोःरो ग्‍यम्‍चे चबे हक् यङ्‍स्‍ये मुब।