लुका 6:42 - पश्‍चिम तामाङ

⁴² र्‌हङ्‌की गोरी मइ् ब्रब अम्रङ्‌ब्‍लचे खले पङ्‌खम्‍ब ‘अले एइ गोरी मुबे स्‍येत् दुत्‍ज्‍यीम् ख्‍लाके।’ ओ न्‍हङ् अज्‍यबे म्‍हीमा! ङोन्‍ग्‍यम् र्‌हङ्‌की गोरी मुबे मइतगीः लब्‍लाको ओसेम् अलेइ गोरी मुबे स्‍येत् दुत्‍ज्‍यीम् ख्‍लाखम्‍ब।”

लुका 6:42 ပူးပေါင်းရင်းမြစ်များ

मत्‍ती 26:75

ओसेम् पत्रुसत येसुचे, “नक व्‍हब ङ्‌य्‍हब बीम ङोन्‍ग्‍यम् सोम्ख्‍यप् सम्‍म एचे ङत अस्‍ये पङ्‌स्‍ये मुब” बी सुङ्‍बे फ्रोइ व्‍हल् खज्‍यी, ओसेम् दोरी ङ्‌यीज्‍यीम् य्‍हक्‍को क्राज्‍यी।

मत्‍ती 7:3

खले एचे ल्‍हो-ल्‍होइ गोरी स्‍येत् ब्रब म्रङ्‌ब, तर र्‌हङ्‌की गोरी मइ ब्रब खले अम्रङ्‍ब?

मत्‍ती 7:4

एचे र्‌हङ्‌की गोरी मइ ब्रब अम्रङ्‍सम् खले पङ्‍खम्‍ब, ‘खइ अले, एइ गोरी ब्रबे स्‍येत् दुत्‍लागे?’

लुका 13:15

प्रभुचे थेत सुङ्‌ज्‍यी, “कपटीमा! दुःब न्‍हबे दीन्‍री एङ्‍यीमाचे एङ्‌यीमाकी ग्‍लब्‍तेङ् बुङ्‌गु खोचे पीत्‍ज्‍यीम् की ख्‍वाबे लागीरी अबोरो स्‍यीम्?

लुका 22:32

तर ङचे एइ बीस्‍वास् य्‍हङ्‌य्‍होङ् अतखइ बी प्रार्‌थना स्‍य्‍हेङ्‌बल मुब। ओसेम् ए ङइज दोःज्‍यीम् खबतेङ् एइ अलेमात बीस्‍वास्‍री कोङ्‌नलोउ।”

लुका 6:41

“र्‌हङ्‌की अलेइ गोरी स्‍येत् ब्रब म्रङ्‌ब्‍लचे र्‌हङ्‌की गोरी मइ ब्रब खले अम्रङ्‌ब?

लुका 6:43

“ज्‍यबे दोङ्‌बोचे अज्‍यबे रोःरो अरो। ओसेम् अज्‍यबे दोङ्‌बोचे ज्‍यबे रोःरो अरो।

प्रेरीत् 13:10

“ए दुस्‍टइ कोल, ओसेम् जम्‍मनो भ्‍युतेङ् छल्‍की तम्‍माचे प्‍लीङ्‍बलतेङ् जम्‍मनो ज्‍यबे तम्‍की सत्‍तुर्! तले एचे पर्‌मेस्‍वर्‌की तङ्‌तङ् ग्‍यम्‍त कोक्‍त स्‍य्‍हेङ्‌ब अपीत्‍पल?

प्रेरीत् 2:38

ओसेम् पत्रुसचे थेङ्‌यीमात पङ्‍ज्‍यी, “देरेम् एङ्‍यीमा जम्‍मचेनो र्‌हङ्-र्‌हङ्‍की पापमाकी क्षमाकी लागीरी पस्‍चताप स्‍य्‍हेङो ओसेम् येसु ख्रीस्‍ट्‍की छेन्‍री बप्‍तीस्‍मा कीनो। ओसेम् एङ्‍यीमाचे पबीत्र आत्‍माइ बक्सीस् यङ्‍स्‍ये मुब।

प्रेरीत् 8:21

एल चु लक्‍री तइ बोएनो अरे। तलेपङ्‍सम् पर्‌मेस्‍वर्‌की ङोन्‍ग्‍यम् एइ सेम् ज्‍यब अरेबल टीम्।

रोमी 2:1

होत्‍तज्‍यीम् र्‌होत दोस् ल्‍हइतीबे म्‍हीमा, एङ्‍यीमा खजु य्‍हीन्‍लेनो तइ ङ्‍युङ्‍एनो लबे ग्‍ला अरे, तलेपङ्‍सम् एङ्‍यीमाचे र्‌होत तइ तम्‍री दोस् ल्‍हइतीब हुजु तम्‍री एङ्‌यीमाएनो दोसी तस्‍ये मुब, तलेपङ्‍सम् एङ्‌यीमाचेएनो होतेबे लक् स्‍य्‍हेङ्‍ब।

२ कोरीन्‍थी 5:18

चु जम्‍मनो पर्‌मेस्‍वर् ग्‍यम्‍से तबल य्‍हीन्‍ब। पर्‌मेस्‍वर्‌चेनो ङ्‍य्‍हङ्‍मात ख्रीस्‍ट् ग्‍यम्‍से र्‌हङ्‍तेङ् थुन्‍न लजेत्‍ज्‍यी, ओसेम् ङ्‍य्‍हङ्‍मात ल्‍हो-ल्‍हो म्‍हीमातएनो थेङ्‍तेङ् थुन्‍नलबे लक् न्‍हङ्‍जेत्‍ज्‍यी।

२ तीमोथी 2:21

खल पङ्‍लेएनो जम्‍मनो अज्‍यबे लक्‍मा ग्‍यम्‍से फेज्‍यीम् टीज्‍यी पङ्‌सम् थे ङ्‍हच्‍छ्‍यङ् स्‍हेस यङ्‌बे लक्‍री कोल्‍बे तङ्‍लो र्‌हङ्‍ब तस्‍ये मुब। तलेपङ्‌सम् थेचे र्‌हङ्‍त अज्‍यबे लक्‍मा ग्‍यम्‍से चोखो थेन्‍बल तज्‍यीम् खजु ज्‍यबे लक्‍री पङ्‌लेनो मालीक्‍चे कोल्‍ब तब।

२ पत्रुस 1:9

तर चोतेबे तम्‍मा अरेबे म्‍हीम् चेक्‍पजकी क्‍योर्‌की स्‍हेएनो अम्रङ्‍बे कन म्‍ही र्‌हङ्‍ब य्‍हीन्‍ब। थेङ्‍यीमाचे र्‌हङ्‍की ङोन्‍ग्‍यम्‍की पाप्‍मा ख्रुबलएनो म्‍लेत्‍ज्‍यीन्‍बल तब।