लुका 6:38 - पश्‍चिम तामाङ

³⁸ र्‌होत पीनो ओसेम् पर्‌मेस्‍वर्‌चे एत पीन्‍स्‍ये मुब। एङ्‍यीमाचेमी छुत्-छुत्‍च्‍यीम् म्‍य्‍हुर् तज्‍यीम् य्‍हर्‌बसम्‍म यङ्‌स्‍ये मुब। एङ्‍यीमाचे र्‌होत खले पीन्‍ज्‍यी होलेनो पर्‌मेस्‍वर् ग्‍यम्‍से यङ्‌स्‍ये मुब।”

लुका 6:38 ပူးပေါင်းရင်းမြစ်များ

मत्‍ती 10:42

खल्‍चे ज्‍यीद बीम ज्‍यीदत ङइ डब पङ्‍ज्‍यीम् बोङ्‍ननङ् स्‍यीम् यी थुङ्‍पुङ्‍ल देमेन्‍नो थेचे बक्सीस् यङ्‍स्‍येनो मुब।”

मत्‍ती 7:2

तलेपङ्‍सम् एङ्‍यीमाचे र्‌होत खले दोस् ल्‍हइतीज्‍यी, होलेनो पर्‌मेस्‍वर्‌चे एङ्‌यीमात दोस् ल्‍हइतीजेत्‍स्‍ये मुब। एङ्‍यीमाचे ताचे दप्‍ज्‍यीम् र्‌होत पीन्‍ब, हुजुचेनो दप्‍ज्‍यीम् एङ्‍यीमाचे यङ्‌स्‍ये मुब।

मर्‌कुस् 4:24

थेङ्‌चे देबेएनो थेङ्‌यीमात सुङ्‌ज्‍यी, “एङ्‍यीमाचे ता थ्‍येःब, हुजु ज्‍यनले ङ्‌येनो! तलेपङ्‍सम् एङ्‍यीमाचे ल्‍हो-ल्‍होत ताचे दब्‍ज्‍यीम् पीन्‍ब, होलेनो एङ्‌यीमाचेएनो हुजुचेनो दब्‍ज्‍यीम् यङ्‍स्‍ये मुब। ओसेम् एङ्‌यीमात झेन् य्‍हक्‍को पीन्‍स्‍ये मुब।

लुका 6:30

एत र्‌हीत्‍पलमात पीनो ओसेम् एइ स्‍हेः बोर्‌बलमात दोःज्‍यीम् थर्‌हीतो।

याकुब 2:13

तलेपङ्‍सम् ल्‍हो-ल्‍होत कृपा अस्‍य्‍हेङ्‌बे म्‍हीमात पर्‌मेस्‍वर्‌चेएनो कृपा अलनले न्‍यय स्‍य्‍हेङ्‌जेत्‍प। तर कृपाचे न्‍ययत डाब।