लुका 6:30 - पश्‍चिम तामाङ

³⁰ एत र्‌हीत्‍पलमात पीनो ओसेम् एइ स्‍हेः बोर्‌बलमात दोःज्‍यीम् थर्‌हीतो।

लुका 6:30 ပူးပေါင်းရင်းမြစ်များ

मत्‍ती 18:35

हुजु लीप्‍चे येसुचे डबमात सुङ्‌ज्‍यी, “एङ्‍यीमाचे जम्‍मतनो सेम् य्‍हङ्‌सेनो माफ् अपीन्‍ज्‍यी पङ्‌सम्, स्‍वर्‌गरी स्‍य्‍हुबे ङइ अपचेएनो एङ्‌यीमात होलेनो स्‍हेङ्‍स्‍ये मुब।”

मत्‍ती 5:39

तर ङ एङ्‌यीमात पङ्‍ब, दुस्‍ट म्‍हीइ बीरोद् थस्‍येङो। खल्‍चे पङ्‌लेनो एइ केत्‍पट्‍टी ग्रम्‍बरी पातल्‍चे ग्‍यङ्‌ज्‍यी पङ्‌सम् थेत एइ गीःब ग्रम्‍बएनो तापीनो।

मत्‍ती 6:12

ओसेम् ङ्‌यीमाचे स्‍य्‍हेङ्‌बे पापमात क्षमा स्‍य्‍हेङ्‌जेतो, खले ङ्‍यीमाचेएनो ङ्‌यीमाइ बीरुद्‍दरी पाप स्‍य्‍हेङ्‍बलमात क्षमा पीन्‍बल मुब।

लुका 11:41

तर तङ्‌लोमाकी न्‍हङ्‌री मुबे स्‍हेमा प्रङ्‌नमात पीनो ओसेम् एङ्‌यीमाइ जम्‍मा स्‍हेमा चोखो तस्‍ये मुब।”

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

लुका 6:29

एङ्‌यीमात ग्रम्‍ब गीःरी पातल्‍चे ग्‍यङ्‌ज्‍यी पङ्‌सम् हुजु म्‍हीत गीःब ग्रम्‍बएनो तापीनो। एइ य्‍हुर्‌बे येन् ब्‍येन्‍बलत लबेदएनो प्‍लोक्‍ज्‍यीम् पीनो।

लुका 6:31

ल्‍हो-ल्‍हो म्‍हीमाचे एङ्‌यीमाकी लागीरी ता स्‍य्‍हेङ्पीन्‍खइ म्‍हेन्‍ज्‍यी, होलेनो एङ्‍यीमाचे ल्‍हो-ल्‍हो म्‍हीमातएनो स्‍य्‍हेङो।

लुका 6:38

र्‌होत पीनो ओसेम् पर्‌मेस्‍वर्‌चे एत पीन्‍स्‍ये मुब। एङ्‍यीमाचेमी छुत्-छुत्‍च्‍यीम् म्‍य्‍हुर् तज्‍यीम् य्‍हर्‌बसम्‍म यङ्‌स्‍ये मुब। एङ्‍यीमाचे र्‌होत खले पीन्‍ज्‍यी होलेनो पर्‌मेस्‍वर् ग्‍यम्‍से यङ्‌स्‍ये मुब।”

प्रेरीत् 20:35

ङचे एङ्‌यीमात जम्‍मनो लक्‍मा स्‍य्‍हेङ्‌ज्‍यीम् ङोन्‍बल मुब, एङ्‌यीमाचेएनो होलेनो य्‍हक्‍को दुख स्‍य्‍हेङ्‌ज्‍यीम् प्रङ्‌नमात र्‌हो स्‍य्‍हेङ्‍थोब। ओसेम् प्रभु येसुचे ‘कीन्‍ब बीमम् पीन्‍ब ज्‍यब’ बी सुङ्‍बे फ्रोइत ह्‍वल् लथोब।”

२ कोरीन्‍थी 8:9

ङ्‍य्‍हङ्‍की प्रभु येसु ख्रीस्‍ट्‍चे स्‍य्‍हेङ्‍जेत्‍पे अनुग्रह एङ्‍यीमाचे स्‍येःबलनो मुब। थेङ् बरु मुबल, होलेतलेनो एङ्‌यीमाकी लागीरी प्रङ्‍न तजेत्‍ज्‍यी। तलेपङ्‍सम् र्‌हङ् प्रङ्‍न तज्‍यीम् एङ्‍यीमात बरु तनलबरी थेङ्‌चे चोले स्‍य्‍हेङ्‌जेत्‍पल य्‍हीन्‍ब।

एफीसी 4:28

खल्‍ल पङ्‌लेनो य्‍हो लबे बानी मुसम् देरेम् य्‍हो लब पीत्‍थोब। तर थेचे र्‌हङ्‍चेनो दुख लज्‍यीम् इमान्‍दार्‌ले लक् स्‍य्‍हेङ्‍थोब, ओसेम् थेचे तोःबे म्‍हीमात ता पङ्‌लेनो पीन्‍ब खम्‍थोब।