लुका 6:29 - पश्‍चिम तामाङ

²⁹ एङ्‌यीमात ग्रम्‍ब गीःरी पातल्‍चे ग्‍यङ्‌ज्‍यी पङ्‌सम् हुजु म्‍हीत गीःब ग्रम्‍बएनो तापीनो। एइ य्‍हुर्‌बे येन् ब्‍येन्‍बलत लबेदएनो प्‍लोक्‍ज्‍यीम् पीनो।

लुका 6:29 ပူးပေါင်းရင်းမြစ်များ

मत्‍ती 26:67

हुजुलीप्‍चे थेङ्‍यीमाचे येसुइ स्‍य्‍हल्‍री थो साज्‍यीम् थेङ्‌त दोक्‍ज्‍यी। ओसेम् डेत् डेत्‍चेम् पातल्‍चे ग्‍यङ्‌ज्‍यी,

लुका 22:64

थेङ्‌की मीः गप्‍पीन्‍ज्‍यीम् ग्‍यङ्‌ज्‍यीम् ङ्‌योत्‍ज्‍यी, “लो अगम्बानी पङो, एत खल्‍चे ग्‍यङ्‌ज्‍यी?”

लुका 6:30

एत र्‌हीत्‍पलमात पीनो ओसेम् एइ स्‍हेः बोर्‌बलमात दोःज्‍यीम् थर्‌हीतो।

युहन्‍ना 18:22

येसुचे चोले सुङ्‌बल थ्‍येःब बीसेम् पर्‌मेस्‍वर्‌की दीम् रुङ्‍बे म्‍ही गीःचे येसुत पातल्‍चे ग्‍यङ्‌ज्‍यीम्, “गोदोब्‍न्‍हङ्‍की ङ्‍हच्‍छ्‍यङ् लम्‍बुत सुङ् ताज्‍यीम् जोहप् पीन्‍ब?” बी पङ्‍ज्‍यी।

प्रेरीत् 23:2

पावलचे चोले पङ्‍बल थ्‍येःज्‍यीम् जम्‍मा न्‍हङ्‌की ङ्‍हच्‍छ्‍यङ् लम्‍बु हननीयाचे पावलकी रेइरी रप्‍टीबे म्‍हीमात थेइ सुङ्‍री ग्‍यङो पङ्‍ज्‍यीम् कुल्‍ज्‍यी।

१ कोरीन्‍थी 4:11

देरे सम्‍मनो ङ्‌यीमा ख्रेन्‍बलतेङ् फीःबल मुब, ओसेम् डोनले येन्‍बरी गोइल अरे। म्‍हीमाचे ङ्‍यीमात तोब, ङ्‍यीमाल दीम् नम् तएनो अरे।

१ कोरीन्‍थी 6:7

एङ्‌यीमा र्‌हङ्‌न्‍हङ्‌रीनो गीःचे गीःकी बीरुद्‍दरी अदालत्‍री मुद्‍द युःबनो एङ्‍यीमा ब्रेःब य्‍हीन्‍ब। बरु एङ्‍यीमाचे अन्‍याय नापनो ज्‍यब य्‍हीन्‍ब। बरु ल्‍होल्‍होचे एङ्‍यीमात ठक्‍तीबनो ज्‍यब य्‍हीन्‍ब।

२ कोरीन्‍थी 11:20

तलेपङ्‍सम् म्‍हीमाचे एङ्‍यीमात बान स्‍य्‍हेङ्लेनो, ठग्‍तीलेनो, एङ्‍यीमा ग्‍यम्‍से फाइद कीन्‍लेनो, एङ्‌यीमात धम्‍की पीन्‍लेनो ओसेम् एङ्‌यीमाकी ग्रम्‍बरी पातल्‍चे ग्‍यङ्‍लेनो एङ्‍यीमाचेम नाप टीम्।

हीब्रु 10:34

जेल्‍री च्‍युप्‍पलमात एङ्‍यीमाचे र्‌हो लज्‍यी। र्‌हङ्‍तेङ् मुबे सम्‍पत्‍ती ब्‍येन्‍मेएनो एङ्‍यीमाचे तङ्‌ज्‍यीम् नाज्‍यी, तलेपङ्‍सम् खेम पङ्‌लेनो तस्‍यीनो टीबे झेन् य्‍हक्‍को ङ्‍हच्‍छ्‌यङ् सम्‍पत्‍ती र्‌हङ्‍तेङ् मुब पङ्‌बे तम् एङ्‌यीमाचे स्‍येःब मुबल।