लुका 6:25 - पश्‍चिम तामाङ

²⁵ धीक्‍कार म्रेन्‍बलमा, तलेपङ्‍सम् एङ्‌यीमा ख्रेन्‍स्‍ये मुब! धीक्‍कार ङ्‌येत्‍पलमा, तलेपङ्‍सम् एङ्‍यीमाचे दुख यङ्‌ज्‍यीम् क्राथोस्‍ये मुब!

लुका 6:25 ပူးပေါင်းရင်းမြစ်များ

लुका 12:20

“तर पर्‌मेस्‍वर्‌चे थेत सुङ्‌ज्‍यी, ‘मुर्‌ख म्‍ही, तीङी म्‍हुननो ए स्‍यीस्‍ये मुब। ओसेम् एचे र्‌हुब्‍बे जम्‍म स्‍हेःमा खल्‍चे चल?’”

लुका 13:28

एङ्‌यीमाकी म्‍हेमे अब्रहाम, म्‍हेमे इसहाक, म्‍हेमे याकुबतेङ् जम्‍म अगम्‍बक्‍तमात पर्‌मेस्‍वर्‌की य्‍हुल्‍री म्रङ्‌स्‍ये मुब। तर एङ्‌यीमा चइ् दोरी ख्‍लामम्, एङ्‌यीमा क्राज्‍यीम् स र्‌हब्‍स्‍ये मुब।

लुका 6:24

“तर धीक्‍कार बरुमा, तलेपङ्‍सम् एङ्‍यीमाचे सुखइ जीवन बीतइतीज्‍यीन्‍बल मुब!

लुका 6:26

“धीक्‍कार, म्‍हीमाचे तोप्‍पलमा, तलेपङ्‍सम् चोतेबे तोप्‍पमी एङ्‌यीमाइ म्‍हेमेमाचे भ्‍यु पङ्‌बे अगम्‍बक्‍तमातएनो तोप्‍प मुबल।”

लुका 8:53

येसुइ तम् थ्‍येःज्‍यीम् पतइ् अतीज्‍यीम् थेङ्‌यीमा ङ्‌येत्‍ज्‍यी, तलेपङ्‍सम् थेङ्‍यीमाचे कोल स्‍यीबलनो बी था मुबल।

एफीसी 5:4

नेइबे तम्‍मा, मुर्‌ख तम्‍मा ओसेम् अज्‍यबे ठट्‍ट तम्‍मा पङ्‍ब अत, होतेबे तम्‍मा पङ्‌बरी छन्‍द अख। तर एङ्‍यीमाचे पर्‌मेस्‍वर्‌त व्‍होर्‌छ्‌ये पीन्‍स्‍यीनो टीथोब।

१ थेस्‍लोनीकी 5:3

म्‍हीमाचे, “सान्‍ती मुब ङ्‌य्‍हङ्‌मात तइ दुखएनो अरे” पङ्‍टीबल तस्‍ये मुब, होदे बेलोरीनो अमकोलत कोल न्‍हबे ल्‍हङ्‍दु खब र्‌हङ्‌ले थेङ्‍यीमाइ जोरी दुख खस्‍ये मुब ओसेम् थेङ्‍यीमा खलएनो हुजु ग्‍यम्‍से स्‍योर्‌म्‍यङ्‍स्‍ये अरे।

याकुब 4:9

एङ्‍यीमा दुखी तउ, बीलाप स्‍य्‍हेङो ओसेम् क्राको। एङ्‌यीमाकी ङ्‍येत्‍प क्रापरी दो:खइ ओसेम् एङ्‌यीमाकी तङ्‍ब दुखरी दोखइ।

प्रकास 3:17

एचे पङ्‍ब, ‘ङ बरु मुब, ओसेम् ङतेङ् य्‍हक्‍को धन् सम्‍पत्‍ती मुब, ओसेम् ङत अयोब तएनो अरे।’ तर ए गत्‍ते दुखीतेङ् गत्‍ते दय खबल, प्रङ्‍न, कन, ओसेम् क्‍लीङ्‍दो मुब पङ्‍बे तम् एचे स्‍येःबलनो अरे।