लुका 6:20 - पश्‍चिम तामाङ

²⁰ हुजु लीप्‍चे येसुचे थेङ्‌की डबमात स्‍हीजेत्‍ज्‍यीम् चोले सुङ्‌ज्‍यी, “ओ प्रङ्‌न तबलमा, एङ्‌यीमात पर्‌मेस्‍वर्‌चे मोलम् न्‍हङ्‌बल मुब! तलेपङ्‍सम् पर्‌मेस्‍वर्‌की य्‍हुल् एङ्‌यीमाल य्‍हीन्‍ब।

लुका 6:20 ပူးပေါင်းရင်းမြစ်များ

मत्‍ती 11:5

कनमाचे म्रङ्‌ब, खोरमा ब्रब खम्‍ब, पुन् स्‍यप्‍पलमा फेन्‍बल मुब, न्‍हादीङ्‍माचे थ्‍येःब, स्‍यीबलमा सोब, ओसेम् प्रङ्‌नमात ज्‍यबे सम्‍तर् स्‍येत्‍टीब मुब।

मत्‍ती 25:34

हुजुलीप्‍चे ग्‍यल्‍बोचे र्‌हङ्‌की केत्‍पट्‍टीचे मुबलमात पङ्‌स्‍ये मुब, ‘ङइ अप ग्‍यम्‍से मोलम् यङ्‍बलमा खोउ! जम्‍बुलीङ् ठुङब य्‍हङ्‌सेनो एङ्‌यीमाकी लागीरी टोप् लज्‍यीम् थेन्‍बे य्‍हुल्‍री यङ्‌बे हक् कीनो।

मत्‍ती 5:1

येसुचे य्‍हक्‍को म्‍हीमा म्रङ्‍जेत्‍प बीसेम् थेङ् गङ्‍तोर् स्‍येःज्‍यीम् स्‍य्‍हुजेत्‍ज्‍यी। ओसेम् थेङ्‌की डबमाएनो थेङ्‌ज खज्‍यी।

लुका 12:32

“ज्‍यीत बगल्‍की ङइ डबमा, एङ्‌यीमा थलोङो! तलेपङ्‍सम् एङ्‌यीमाइ पर्‌मेस्‍वर् अप एङ्‌यीमात य्‍हुल् न्‍हङ्‍बरी तङ्‍जेत्‍पल मुब।

लुका 13:28

एङ्‌यीमाकी म्‍हेमे अब्रहाम, म्‍हेमे इसहाक, म्‍हेमे याकुबतेङ् जम्‍म अगम्‍बक्‍तमात पर्‌मेस्‍वर्‌की य्‍हुल्‍री म्रङ्‌स्‍ये मुब। तर एङ्‌यीमा चइ् दोरी ख्‍लामम्, एङ्‌यीमा क्राज्‍यीम् स र्‌हब्‍स्‍ये मुब।

लुका 14:15

येसुतेङ् डोन् चबरी टीबलमाचे चु थ्‍येःज्‍यीम् गीःचे थेङ्‌त पङ्‌ज्‍यी, “पर्‌मेस्‍वर्‌की य्‍हुल्‍री डोन् चबलमा मोलम् यङ्‌बलमा य्‍हीन्‍ब।”

लुका 16:25

तर अब्रहामचे थेत पङ्‌ज्‍यी, ‘ङइ ज, व्‍हल् लो स्‍यीम्, एचे जम्‍बुलीङ्‌री मुबे बेलोरी ज्‍यबतेङ् रोङ्‌बे स्‍हेमा यङज्‍यी, लाजरस्‍चेमी अज्‍यबकीनो यङ्‌ज्‍यी। तर देरेम् थे चुरी सुखरी देनले टीटीब मुब। ओसेम् एमी य्‍हक्‍को दुख नाटीब।

लुका 4:18

“प्रभुकी आत्‍मा ङतेङ् मुब, तलेपङ्‍सम् प्रङ्‌नमात ज्‍यबे सम्‍तर् स्‍येत्‍परी पर्‌मेस्‍वर्‌चे ङत दम्‍जेत्‍ज्‍यीम् पीत्‍युजेत्‍पल मुब। बन्‍दीरी मुबे म्‍हीमात पीत्‍परी, मीः अम्रङ्‌बमात म्रङ्‌न लबरी, ल्‍हो-ल्‍हो म्‍ही ग्‍यम्‍चे दुख यङ्‌बलमात पीत्‍परी,

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

२ कोरीन्‍थी 6:10

ङ्‌यीमा य्‍हक्‍को छेर्‌लेनो तङ्‍बल मुब। ङ्‌यीमा प्रङ्‍न मुलेएनो य्‍हक्‍को म्‍हीमात बीस्‍वास्‍री बरु तनलब। ङ्‌यीमातेङ् तएनो अरेबेल र्‌हङ्‍ब म्रङ्‍लेएनो ङ्‌यीमातेङ् जम्‍म स्‍हेःमा मुब।

२ कोरीन्‍थी 8:2

ल्‍हो-ल्‍हो म्‍हीमाचे य्‍हक्‍को दुख पीन्‍लेएनो थेङ्‍यीमा य्‍हक्‍को तङ्‍बल मुब। ओसेम् थेङ्‍यीमा र्‌हङ् य्‍हक्‍को प्रङ्‍न मुलेएनो ल्‍हो-ल्‍होत सेम् य्‍हङ् लज्‍यीम् पीन्‍ब।

२ कोरीन्‍थी 8:9

ङ्‍य्‍हङ्‍की प्रभु येसु ख्रीस्‍ट्‍चे स्‍य्‍हेङ्‍जेत्‍पे अनुग्रह एङ्‍यीमाचे स्‍येःबलनो मुब। थेङ् बरु मुबल, होलेतलेनो एङ्‌यीमाकी लागीरी प्रङ्‍न तजेत्‍ज्‍यी। तलेपङ्‍सम् र्‌हङ् प्रङ्‍न तज्‍यीम् एङ्‍यीमात बरु तनलबरी थेङ्‌चे चोले स्‍य्‍हेङ्‌जेत्‍पल य्‍हीन्‍ब।

१ थेस्‍लोनीकी 1:6

एङ्‌यीमाचेएनो ङ्‌यीमातेङ् प्रभुचे र्‌हङ्‌लेनो म्‍हीमा ग्‍यम्‍से य्‍हक्‍को दुख यङ्‍मेएनो पबीत्र आत्‍माचे न्‍हङ्‌बे सम्‍तर्‌त तङ् तङ्‌ज्‍यीम् ग्रहन् स्‍य्‍हेङ्‌ज्‍यी।

२ थेस्‍लोनीकी 1:5

पर्‌मेस्‍वर्‌चे जम्‍मनो म्‍हीमात ठीक् न्‍याय स्‍य्‍हेङ्‌जेत्‍प बी चु जम्‍मनो तम्‍माचे ङोन्‍ब। एङ्‍यीमाचे चु जम्‍मनो तम्‍मा नाटीबल तज्‍यीम् एङ्‍यीमा पर्‌मेस्‍वर्‌की य्‍हुल्‍री टीबरी जेःब बी थेङ्‌चे सुङ्‍स्‍ये मुब, तलेपङ्‍सम् हुजु य्‍हुल्‍की लागीरी एङ्‍यीमाचे य्‍हक्‍को दुख नाटीब।

याकुब 1:12

ओसेम् दुखमा खबे बेलोरी आर्‌ले नाज्‍यीम् टीबे म्‍हीमा पर्‌मेस्‍वर् ग्‍यम्‍से मोलम् यङ्‍बे म्‍हीमा य्‍हीन्‍ब। ओसेम् चोतेबे जाच्‍री डाबतेङ् पर्‌मेस्‍वर्‌चे थेङ्‍त म्‍होइबलमाकी लागीरी न्‍हङ्‍ब पङ्‍ज्‍यीम् बाचा स्‍य्‍हेङ्‍जेत्‍पे जीवन्‍की क्रेःकी थेङ्‍यीमाचे यङ्‍स्‍ये मुब।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?

प्रकास 2:9

एचे नाबे दुखमा ङचे स्‍येःब, ओसेम् ए प्रङ्‍न मुब पङ्‍बे तम्‍एनो ङचे स्‍येःब, तर एमी पर्‌मेस्‍वर्‌की ङोन्‍री बरु मुब! यहुदी अय्‍हीन्‍लेएनो र्‌हङ् यहुदी य्‍हीन्‍ब पङ्‍बलमाचे एइ बीरुद्‍दरी स्‍य्‍हेङ्‌बे नीन्‍द ङचे स्‍येःब, थेङ्‍यीमामी सैतान्‍की तम् ङ्‌येन्‍बे समुह य्‍हीन्‍ब।