लुका 6:11 - पश्‍चिम तामाङ

¹¹ चु म्रङ्‌ज्‍यीम् फरीसीमातेङ् धर्‌म-लोप्‍पोन्‍मा बोमोचे न सर्‌ज्‍यीम् येसुत खले ता स्‍य्‍हेङ्‌ब बी गीःचे गीःत पङ्‌ज्‍यी।

लुका 6:11 ပူးပေါင်းရင်းမြစ်များ

मत्‍ती 16:7

ओसेम् डबमा र्‌हङ्‌न्‍हङ्‌री, “ङ्‍य्‍हङ्‍माचे ग्‍येङ् अबबल तज्‍यीम् थेङ्‌चे चोले सुङ्‌बल य्‍हीन्‍थोब” पङ्‍ज्‍यीम् तम् लज्‍यी।

मत्‍ती 21:45

येसुचे सुङ्‍बे चु अर्‌थमा ङ्‍हच्‍छ्‍यङ् लम्‍बुमातेङ् फरीसीमाचे थ्‍येःब बीसेम् थेङ्‌यीमाकी बारेरीनो सुङ्‌बल य्‍हीन्‍ब बी थेङ्‍यीमाचे गोज्‍यी।

लुका 4:28

चु तम् थ्‍येःज्‍यीम् यहुदीमा र्‌हुप् तबे दीम्‍री मुबे म्‍हीमा जम्‍मतनो य्‍हक्‍को बोमो खज्‍यी।

लुका 6:10

ओसेम् येसुचे म्‍हीमा जम्‍मत स्‍हीज्‍यीम् या खर्‌बे म्‍हीत सुङ्‌ज्‍यी, “एइ या स्‍येल् लो।” हुजु म्‍हीचे या स्‍येल् लब बीसेम् थेइ या फेन्‍ज्‍यी।

लुका 6:12

तीरेत् येसु गङ्‌री स्‍येःज्‍यीम् म्‍हुन्‍गीःनो पर्‌मेस्‍वर्‌तेङ् प्रार्‌थना स्‍य्‍हेङ्‌जेत्‍ज्‍यी।

युहन्‍ना 11:47

होत्‍तज्‍यीम् फरीसीमातेङ् ङ्‍हच्‍छ्‍यङ् लम्‍बुमाचे ङ्‍हच्‍छ्‍यङ् सभाकी म्‍हीमात ङ्‌होत्‍ज्‍यी, ओसेम् पङ्‍ज्‍यी, “ङ्‍य्‍हङ्‍माचे देरेम् ता लब? हुजु म्‍हीचेम् अचम्‍मइ लक्‍मा य्‍हक्‍को स्‍य्‍हेङ्‌टीब।

युहन्‍ना 7:1

हुजु लीप्‍चे येसुचे गालील प्रदेस् कोर्‌जेत्‍ज्‍यी। थेङ्‌चे यहुदीया प्रदेस्‍री स्‍येःबे थुः अल, तलेपङ्‍सम् यहुदी अगुवामाचे थेङ्‌त सेत्‍परी म्‍हइटीबल मुबल।

प्रेरीत् 26:11

ङचे य्‍हक्‍को खेप् थेङ्‌यीमात यहुदीमा र्‌हुब् तबे जम्‍मनो दीम्‍मारी बोरज्‍यीम् येसुत बीस्‍वास् अलखइ बी सजाय पीन्‍पुङ्‍ज्‍यी। ङ थेङ्‍यीमातेङ् य्‍हक्‍को बुमो रप्‍पल तज्‍यीम् ल्‍हो-ल्‍हो य्‍हुल्‍की सहर्‌मारीएनो ङ्‌यीज्‍यीम् ङचे थेङ्‌यीमात दुख पीन्‍ज्‍यी।

प्रेरीत् 4:15

होत्‍तज्‍यीम् थेङ्‍यीमाचे पत्रुसतेङ् युहन्‍नात सभा ग्‍यम्‍से डोङ्‍ज्‍यीम् य्‍हरो बी कुल्‍ज्‍यी। ओसेम् थेङ्‍यीमा र्‌हङ्‌न्‍हङ्‌री चोले तम् डीःब तीप्‍ज्‍यी,

प्रेरीत् 4:19

तर पत्रुसतेङ् युहन्‍नाचे थेङ्‌यीमात जोहाप् पीन्‍ज्‍यी, “पर्‌मेस्‍वर्‌की फ्रोइ अङ्‍येन्‍नले एङ्‌यीमाकी तम् ङ्‍येन्‍ब पर्‌मेस्‍वर्‌की ङोन्‍री ठीक् य्‍हीन्‍ब वुइ अय्‍हीन्? एङ्‌यीमाचेनो म्‍हेनो।

प्रेरीत् 5:33

चु तम् थ्‍येःज्‍यीम् हुजु ङ्‍हच्‍छ्‍यङ् सभारी र्‌हुब तबलमात य्‍हक्‍को बोमो खज्‍यीम् प्रेरीतमात सेत्‍पे तम् डीःज्‍यी।

प्रेरीत् 7:54

हुजु सभारी मुबे म्‍हीमाचे स्‍तीफनसकी चु तम् थ्‍येःब बीसेम् य्‍हक्‍को बोमो रप्‍ज्‍यीम् स क्रीतीक्‍ज्‍यी।

२ तीमोथी 3:9

तर थेङ्‍यीमाचे खेम पङ्‌लेनो चोले स्‍य्‍हेङ्‍स्‍यीनो टीस्‍ये अरे, तलेपङ्‍सम् यन्‍नेस्‍तेङ् यम्‍ब्रेस्‍की मुर्‌खत जम्‍मचे स्‍येःब र्‌हङ्‌ले थेङ्‍यीमाकी मुर्‌खत स्‍येःस्‍ये मुब।