लुका 5:38 - पश्‍चिम तामाङ

³⁸ छार् अङ्‌गुर्‌की नीङ्‍गुमी छार् डीइ गल्‍दरीनो युथेन्‍थोब।

लुका 5:38 ပူးပေါင်းရင်းမြစ်များ

मत्‍ती 9:17

“ओसेम् खल्‍चेएनो बोक्‍ट डीइ गल्‍दरी छार् अङ्‍गुर्‌की नीङ्‍गु अयु, युज्‍यी पङ्‌सम् हुजु गल्‍द थीज्‍यीम् नीङ्‍गु य्‍हर्‌ब। तर छार् नीङ्‍गु छार् डीइ गल्‍दरीनो युब ओसेम् ङ्‌य्‍हीनो न्‍होङ्‍स्‍ये अरे।”

लुका 5:37

“खल्‍चेएनो छार् अङ्‌गुर्‌की नीङ्‍गु बोक्‍ट डीइ गल्‍दरी अयु। युलेएनो छार् अङ्‌गुर्‌की नीङ्‌गुचे डीइ् गल्‍द थीज्‍यीम् नीङ्‍गु य्‍हर्‌ब। ओसेम् डीइ् गल्‍देएनो न्‍होङ्‌ब।

लुका 5:39

य्‍हीन्‍बरीम् खल्‍चेएनो अङ्‌गुर्‌की च्‍यीप्‍पे नीङ्‍गु थुङ्‌ज्‍यीम् अङ्‌गुर्‌की छार् नीङ्‍गु थुङ्‌बे सेम् अथेन्। ‘तलेपङ्‍सम् थेचे पङ्‌ब, अङ्‌गुर्‌की च्‍यीप्‍पे नीङ्‌गुनो रोङ्‌ब।’”

२ कोरीन्‍थी 5:17

होत्‍तज्‍यीम् खल्‍चे पङ्‌लेनो ख्रीस्‍ट्‍त बीस्‍वास् स्‍य्‍हेङ्‌ज्‍यी पङ्‌सम् थे छार् म्‍ही तब। पुरानो जीवन् म्‍हबल मुब, देरेम् छार् जीवन् सुरु तबल मुब।

गलाती 2:4

होलेतलेनो खतनाकी तम् रेःज्‍यी, तलेपङ्‍सम् डेत् डेत् भ्‍युकी बीस्‍वासीमा खुसुक्‍ले वङ्‌ज्‍यीम् ङ्‍य्‍हङ्‍माचे येसु ख्रीस्‍ट्‍री यङ्‍बे स्‍वतन्‍त्रताकी जासुस लज्‍यीम् ङ्‍य्‍हङ्‍मात मोसाचे ब्रीबे नीयम् ङ्‍येन्‍बुङ्‍ज्‍यीम् हुजु नीयम्‍की बाना तपुङ्‍ब म्‍हइज्‍यी।

१ तीमोथी 4:8

ल्‍हीः दुल्‍ज्‍यी पङ्‌सम् चेक् चेक् तम्‍मारीकीनो ज्‍यब तब तर पर्‌मेस्‍वर्‌त म्‍हन्‍दीज्‍यीम् ब्रबरी दुल्‍ज्‍यी पङ्‌सम् य्‍हक्‍को तम्‍मारी ज्‍यब तब। तलेपङ्‍सम् चुचे देरेतेङ् लीक्‍यम्‍की जीवन्‍की लागीरी ज्‍यबे बाचा स्‍य्‍हेङ्‍बल मुब।

प्रकास 21:5

ओसेम् ठीरी स्‍य्‍हुजेत्‍टीबलचे ङत सुङ्‌ज्‍यी, “च्‍यागो! देरेम् ङ जम्‍मनो स्‍हेःमा छार् स्‍य्‍हेङ्‌टीब।” थेङ्‍चे चोलेएनो सुङ्‌ज्‍यी, “चु तम् ब्रीउ, तलेपङ्‍सम् चु तम्‍मा बीस्‍वास् योग्‍यतेङ् देमेन् मुब।”