लुका 5:30 - पश्‍चिम तामाङ

³⁰ फरीसीतेङ् थेमाइ धर्‌म लोप्‍पोन्‍माचे गन्‍गन् लज्‍यीम् येसुइ डबमात पङ्‌ज्‍यी, “एङ्‍यीमाचे तीरो दुत्‍पे म्‍हीमा ओसेम् ल्‍हो-ल्‍हो पापीमातेङ् चबथुङ्‌ब तले स्‍य्‍हेङ्‌ब?”

लुका 5:30 ပူးပေါင်းရင်းမြစ်များ

मत्‍ती 5:46

एङ्‌यीमात म्‍होइबलमातकीनो म्‍होइज्‍यी पङ्‌सम् एङ्‍यीमाचे ताकी बक्सीस् यङ्‌ल स्‍यीम्? होतेबमी तीरो दुत्‍पलमाचेएनो स्‍य्‍हेङ्‌ब।

मत्‍ती 9:11

फरीसीमाचे चु म्रङ्‌ब बीसेम् थेङ्‌की डबमात ङ्‌योत्‍ज्‍यी, “एङ्‌यीमाकी लोप्‍पोन्‍चे तले तीरो दुत्‍पे म्‍हीमा, ओसेम् पापीमातेङ् बक्‍च्‍य चब?”

मर्‌कुस् 2:16

ओसेम् डेत्-डेत् फरीसी धर्‌म लोप्‍पोन्‍माचे येसु पापीमातेङ् तीरो दुत्‍पे म्‍हीमातेङ् बक्‍च्‍य सोल्‍टीबल म्रङ्‌ज्‍यी। ओसेम् थेङ्‍यीमाचे थेङ्‌की डबमात, “थेङ्‌चे तले पापीमातेङ् तीरो दुत्‍पे म्‍हीमातेङ् बक्‍च्‍य स्‍य्‍हुज्‍यीम् सोल्‍बल?” बी ङ्‌योत्‍ज्‍यी।

मर्‌कुस् 7:3

फरीसीमातेङ् यहुदीमा जम्‍मचे थेङ्‌यीमाकी म्‍हेमेमा य्‍हङ्‍सेइ पेठीम् अनुसार टोप्‍ले या अख्रुगदे चब अच।

मर्‌कुस् 9:16

येसुचे डबमात, “एङ्‍यीमा थेङ्‍यीमातेङ् तइ तम् ज्‍योप्‍टीबल?” बी ङ्‌योत्‍जेत्‍ज्‍यी।

लुका 18:11

फरीसी रप्‍ज्‍यीम् र्‌हङ्‌चे र्‌हङ्‌की बारेरी चोले प्रार्‌थना स्‍य्‍हेङ्‌ज्‍यी, ‘पर्‌मेस्‍वर् ङ थेङ्‌त ह्‍वोर्‌छ्‌ये पीन्‍ब, ङ ल्‍हो-ल्‍हो म्‍हीमा र्‌हङ्‌बे लोभीतेङ् अर्‌ती अङ्‍येन्‍बे म्‍ही अय्‍हीन्। ङचे ब्‍यभीचारेएनो स्‍य्‍हेङ्‌बल अरे। ओसेम् ङ चुजु तीरो दुत्‍पे म्‍ही र्‌हङ्‌बएनो अय्‍हीन्।

लुका 19:7

चु म्रङ्‌बे जम्‍मा म्‍हीमाचे, “चु म्‍ही पापीकी दीम्‍री डोम्‍बो तज्‍यीम् ङ्‌यीज्‍यी” बी पङ्‌ज्‍यीम् गन्‍गन् लब थाल्‍दीज्‍यी।

लुका 5:17

तीरेत् येसु म्‍हीमात लोप्‍जेत्‍टीब मुबल। हुजुरी धर्‌म-लोप्‍पोन्‍मातेङ् फरीसीमाएनो रेइरी टीटीब मुबल। थेमा गालीलतेङ् यहुदीया प्रदेस्‍की जम्‍म नम्‍सतेङ् यरुसलेम सहरसेएनो खबल मुबल। येसुतेङ् नबलमात फेन्‍न लबे परमप्रभुकी सक्‍ती मुबल।

लुका 5:21

येसुचे सुङ्‌बे चु तम् थ्‍येःज्‍यीम् धर्‌म लोप्‍पोन्‍मातेङ् फरीसीमाचे थेमाकी सेम्‍री चोले म्‍हेन्‍ज्‍यी, “पर्‌मेस्‍वर्‌त खीसइतीबे चु म्‍ही खल य्‍हीन्‍ब? पाप्‍मी पर्‌मेस्‍वर्‌चेकीनो क्षमा स्‍य्‍हेङ्‌जेत्‍प खम्‍ब।”

लुका 7:34

तर चबथुङ्‌ब स्‍य्‍हेङ्‌बे म्‍हीइ ज खज्‍यी। ओसेम् एङ्‍यीमाचे पङ्‌ज्‍यी, च्‍याको, थे य्‍हक्‍को चबथुङ्‌ब स्‍य्‍हेङ्‌बे, ओसेम् तीरो दुत्‍पे म्‍हीमातेङ् पापीमाकी र्‌हो,

लुका 7:39

चु म्रङ्‌ज्‍यीम् येसुत ङ्‌होत्‍पे फरीसीचे सेम् न्‍हङ् चोले म्‍हेन्‍ज्‍यी, “येसु देमेन्‍नो अगम्‍बक्‍त य्‍हीन्‍ज्‍यी पङ्‌सम्, थेङ्‌त छुटीबे अमकोल खतेब बी स्‍येःथोस्‍ये मुबल, तलेपङ्‍सम् चु अमकोल पापी य्‍हीन्‍ब।”

प्रेरीत् 23:9

होत्‍तज्‍यीम् ङ्‍हच्‍छ्‍यङ् सभारी य्‍हक्‍को नर्‌सु तज्‍यी। फरीसीमाकी डेत्-डेत् धर्‌म-लोप्‍पोन्‍माचे रप्‍ज्‍यीम् सदुकीमाकी बीरोद्‍री चोले पङ्‍ज्‍यी, “ङ्‌यीमाचे चु म्‍हील तइ दोस्‍एनो अय्‍हङ्। आत्‍मातेङ् स्‍वर्‌गदुतचे चु म्‍हीतेङ् तम् पङ्‍बल य्‍हीन्‍ब खम्‍ब।”