लुका 5:26 - पश्‍चिम तामाङ

²⁶ ओसेम् जम्‍मनो थोम्‍ज्‍यीम् पर्‌मेस्‍वर्‌त तोप्‍ज्‍यी। ओसेम् लोङ् लोङ्‌ज्‍यीम् चोले पङ्‌ज्‍यी, “तीङी ङ्‌य्‍हङ्‌माचे थोम्‍बे लक् म्रङ्‌ज्‍यी!”

लुका 5:26 ပူးပေါင်းရင်းမြစ်များ

मत्‍ती 12:23

ओसेम् म्‍हीमा जम्‍मनो तेङेन् तज्‍यीम् पङ्‍ज्‍यी, “दाऊदकी ज थेनो य्‍हीन्‍ब खम्‍ब?”

मत्‍ती 28:8

होत्‍तज्‍यीम् हुजु अमकोलमा लोङएनो लोङ्‌ज्‍यी, ओसेम् य्‍हक्‍को तङएनो तङ्‌ज्‍यीम् थेङ्‌की डबमात सम्‍तर् स्‍येत्‍परी छ्‍योङ्‍य्‍हर्‌ज्‍यी।

मत्‍ती 9:8

चु तेङेन्‍की लक् म्रङ्‌ज्‍यीम् य्‍हक्‍को म्‍हीमा लोङ्‌ज्‍यी। ओसेम् म्‍हीमात चोतेबे अधीकार् न्‍हङ्‌बे पर्‌मेस्‍वर्‌त थेङ्‍यीमाचे तोप्‍ज्‍यी।

मर्‌कुस् 2:12

ओसेम् हुजु म्‍ही फोत् रेःज्‍यीम् र्‌हङ्‌की तीत्‍स दुत्‍ज्‍यीम् य्‍हर्‌ज्‍यी। चु म्रङ्‌ज्‍यीम् म्‍हीमा जम्‍मनो तेङेन् तज्‍यीम्, “ङ्‍य्‍हङ्‍माचे चोतेब खेमेएनो म्रङ्‌बल अरेबल” बी पङ्‍ज्‍यीम् पर्‌मेस्‍वर्‌त तोप्‍ज्‍यी।

लुका 1:65

चोतेब तब म्रङ्‌ज्‍यीम् खीम्‍चेमा जम्‍मनो लोङ्‌ज्‍यी। ओसेम् चु सम्‍तर् यहुदीया प्रदेस्‍की गङ्‍क्‍योर्‌की खनबीबीनो नम्‍समारी थ्‍येःज्‍यी।

लुका 5:8

चु म्रङ्‌ज्‍यीम् सीमोन पत्रुसचे येसुइ स्‍य्‍हब्‍री पब्‍लु लज्‍यीम् पङ्‌ज्‍यी, “ओ प्रभु, ङ पापी म्‍ही य्‍हीन्‍ब, होत्‍तज्‍यीम् ङ ग्‍यम्‍से थारीङ् स्‍येःजेतो!”

लुका 7:16

होतेब तब म्रङ्‌ज्‍यीम् जम्‍म म्‍हीमा लोङ्‌ज्‍यी। ओसेम् पर्‌मेस्‍वर्‌त तोप्‍ज्‍यीम् चोले पङ्‌ज्‍यी, “ङ्‌हच्‍छ्‌यङ् अगम्‍बक्‍त गीः ङ्‌य्‍हङ्‌माकी गुङ्‌री म्रङ्‌बल मुब। पर्‌मेस्‍वर् र्‌हङ्‌की म्‍हीमात थर्‌नलबरी ब्‍योन्‍युबल मुब।”

लुका 8:37

हुजु लीप्‍चे गेरासेनस् प्रदेस्‍की जम्‍मा म्‍हीमाचे येसुत चु ग्‍ला ग्‍यम्‍चे थारीङ् स्‍येःजेतो बी फ्‍या स्‍य्‍हु लज्‍यी। तलेपङ्‍सम् थेङ्‌यीमा य्‍हक्‍को लोङ्‌बल मुबल। होत्‍तज्‍यीम् हुजु ग्‍ला पीत्‍थेन्‍बरी येसु दोङ्‌गरी क्रेत्‍जेत्‍ज्‍यी।

प्रेरीत् 4:21

होलेपङ्‍ब बीसेम् सभाकी म्‍हीमाचे पत्रुसतेङ् युहन्‍नात सजाय पीन्‍बरी तइ तम्‍एनो अय्‍हङ्‌ज्‍यीम् लोङ्‍खइ बी तोर् य्‍हम् मोर् य्‍हम् लज्‍यीम् पीत्‍लाज्‍यी। तलेपङ्‍सम् हुजुरी तबे तम् म्रङ्‌ज्‍यीम् म्‍हीमा जम्‍मचेनो पर्‌मेस्‍वर्‌त तोप्‍टीब मुबल।

गलाती 1:24

ओसेम् ङ होले पोबल तज्‍यीम् थेङ्‍यीमाचे पर्‌मेस्‍वर्‌त तोप्‍ज्‍यी।