लुका 5:1 - पश्‍चिम तामाङ

¹ तीरेत् येसु गनेसरेत पङ्‌बे ग्‍येइ यरी र्‌प्‍जेत्‍टीब मुबल। य्‍हक्‍को म्‍हीमा पर्‌मेस्‍वर्‌की फ्रोइ ङ्‌येम्‍बरी र्‌हुप् तज्‍यीम् तोर् इ मोर् इ तटीब मुबल।

लुका 5:1 ပူးပေါင်းရင်းမြစ်များ

मत्‍ती 11:12

बप्‍तीस्‍मा पीन्‍बे युहन्‍नाचे प्रचार स्‍य्‍हेङ्‌बे बेलो य्‍हङ्‌से देरे सम्‍म स्‍वर्‌गइ य्‍हुल् झेन् य्‍हक्‍को तबोर्‌टीबल मुब। ओसेम् बीरोद् स्‍य्‍हेङ्‌बलमाम् हुजुइ बीरुद्‍दरी छेत्‍टीब।

मत्‍ती 14:34

हुजु लीप्‍चे थेङ्‍मा ग्‍येइ क्‍योम्‍सङ् गनेसरेत् पङ्‌बे ग्‍लारी फप्‍जेत्‍ज्‍यी।

मर्‌कुस् 3:9

ओसेम् येसुचे य्‍हक्‍को म्‍हीमाचे र्‌हङ्‍त अप्‍लेखइ बी र्‌हङ्‌की लागीरी डबमात दोङ्‍ग गीः बोउ बी सुङ्‌जेत्‍ज्‍यी।

मर्‌कुस् 4:1

ग्‍येइ यरी य्‍हक्‍को म्‍हीमा र्‌हुब् तबल तज्‍यीम् येसु ग्‍येरी मुबे दोङ्‍ग गीःरी क्रेत्‍जेत्‍ज्‍यीम् स्‍य्‍हुजेत्‍ज्‍यी, ओसेम् देबेएनो म्‍हीमात लोप्‍प तीप्‍जेत्‍ज्‍यी। ओसेम् म्‍हीमाम् ग्‍येइ यरी टीज्‍यी।

मर्‌कुस् 5:24

होत्‍तज्‍यीम् येसु याइरसतेङ् स्‍येज्‍यी। ओसेम् य्‍हक्‍को म्‍हीमा थेङ्‌की लीप्‍चे खबल तज्‍यीम् म्‍हीमा तोर् इ मोर् इ तज्‍यी।

मर्‌कुस् 6:53

समुन्‍द्रइ क्‍योम्‍सङ् दोःब बीसेम् येसुतेङ् थेङ्‌की डबमा गनेसरेत् पङ्‍बे ग्‍लारी दोःज्‍यी, ओसेम् थेङ्‍यीमाचे दोङ्‍ग यरी थेन्‍ज्‍यी।

लुका 12:1

हुजु बेलोरीनो ज्‍याब अखम्‍ब सम्‍मइ य्‍हक्‍को म्‍हीमा र्‌हुब तज्‍यीम् गीःचे गीःत प्‍लेब म्‍हइज्‍यी। येसुचे थेङ्‌की डबमात ङोन्‍ग्‍यम् सुङ्‌ज्‍यी, “फरीसीमाकी कपटी बीचार् ग्‍यम्‍से होसीयार् तोउ। थेङ्‌यीमाकी कपटी बीचार् खमीर् र्‌हङ्‌ब य्‍हीन्‍ब।

लुका 5:2

येसुचे ग्‍येइ यरी दोङ्‌ग ङ्‌य्‍ही म्रङ्‌जेत्‍ज्‍यी। हुजुरी तर्‌ङ सेत्‍पे म्‍हीमा दोङ्‌गसे डोङ्‌ज्‍यीम् तर्‌ङ उप्‍पे ग्‍यङ्‌मा ख्रुटीब मुबल।

लुका 8:22

तीरेत् येसु डबमातेङ् दोङ्‌गरी क्रेत्‍जेत्‍ज्‍यीम् थेङ्‌यीमात सुङ्‌ज्‍यी, “ङ्‌य्‍हङ्‌मा ग्‍येइ क्‍योम्‍सङ् ङ्‍यीइ्।” होत्‍तज्‍यीम् थेङ्‌यीमा ग्‍येइ क्‍योम्‍सङ् ङ्‌यीबरी स्‍येःज्‍यी।

लुका 8:23

थेङ्‌यीमा दोङ्‌गरी स्‍येःटीबे बेलोरी येसु स्‍हीम्‍ज्‍यीम् म्‍हेर्‌जेत्‍ज्‍यी। य्‍हम्‍बगीरीनो ग्‍येरी ङ्‌हच्‍छ्‌यङ् लाबलुङ् खज्‍यी, ओसेम् दोङ्‌ग कीचे प्‍लीङ्‌ब छ्‌येज्‍यीम् थेङ्‌यीमा ङ्‌हच्‍छ्‌यङ् समस्‍यारी पर्‌तीज्‍यी।

लुका 8:33

म्‍हङ्‌मा हुजु म्‍हीइ गोचे डोङ्‌ज्‍यीम् तीलीमा न्‍हङ् वङ्‌ज्‍यी, ओसेम् जम्‍मा तीलीमा गङ्‌चे क्रसु-क्रसु छ्‌योङ्‌ज्‍यीम् ब्राचोचे ग्‍येरी तइज्‍यीम् दीम्‍ज्‍यीम् स्‍यीज्‍यी।

लुका 8:45

येसुचे ङ्‌योत्‍जेत्‍ज्‍यी, “ङत खल्‍चे छुज्‍यी?” जम्‍मचेनो अछु पङ्‌ज्‍यी, ओसेम् पत्रुसचे पङ्‌ज्‍यी, “लोप्‍पोन्, एत य्‍हक्‍को म्‍हीमाचे घेर्‌तीबल तज्‍यीम् तोर् इ मोर् इ तटीब मुब।”

युहन्‍ना 1:40

युहन्‍नाइ तम् थ्‍येःज्‍यीम् येसुइ लीप्‍चे ब्रबे डबमा ङ्‍य्‍ही न्‍हङ्‌री गीम् सीमोन पत्रुसकी अले अन्‍द्रीयास मुबल।

युहन्‍ना 6:1

हुजु लीप्‍चे येसु गालील ग्‍ये तार्‌तीज्‍यीम् क्‍योम्‍सङ् स्‍येःजेत्‍ज्‍यी। (हुजु ग्‍येत तीबेरीयस् ग्‍येएनो पङ्‌ब।)

हीब्रु 13:7

एङ्‌यीमात ङोन्‍ग्‍यम् परमेस्‍वरकी फ्रोइ लोप्‍पे अगुवामात व्‍हल् लउ। थेङ्‌यीमा सोम्‍बो मुबे बेलोरी खतेबे जीवन सोज्‍यी व्‍हल् लउ। एङ्‌यीमाचेएनो थेङ्‍यीमाचे स्‍य्‍हेङ्‍ब र्‌हङ्‌बे वीस्‍वास स्‍य्‍हेङो।