लुका 4:23 - पश्‍चिम तामाङ

²³ येसुचे सुङ्‌ज्‍यी, “देमेन्‍नो एङ्‍यीमाचे ङत चु उखान् पङ्‌स्‍ये मुब, ‘ओ डाक्‍टर! ए र्‌हङ्‌तनो फेन्‍न लउ।’ एङयीमाचे ङत ‘कफर्‌नहुमरी स्‍य्‍हेङ्‌ब र्‌हङ्‌ले र्‌हङ्‌की नम्‍सरीएनो तेङेन्‍की लक् स्‍य्‍हेङो’ पङ्‌स्‍ये मुब।”

लुका 4:23 ပူးပေါင်းရင်းမြစ်များ

मत्‍ती 13:54

थेङ् छर्‌बे नासरतरी स्‍येजेत्‍ज्‍यी। थेङ्‌चे हुजुरी म्‍हीमात यहुदीमा र्‌हुब् तबे दीम्‍री लोप्‍जेत्‍ज्‍यी। थेङ्‌चे लोप्‍जेत्‍पल थ्‍येःज्‍यीम् थेङ्‍यीमा तेङेन् तज्‍यीम् पङ्‍ज्‍यी, “थेचे चोतेबे बुद्‍दीतेङ् तेङेन्‍की लक् स्‍य्‍हेङ्‌बे सक्‍ती खनचे यङ्‌ज्‍यी?

मत्‍ती 4:13

थेङ् नासरत ख्‍लेथेन्‍ज्‍यीम् कफर्‌नहुम् पङ्‌बे ज्‍यीद सहर्‌री स्‍य्‍हुबरी स्‍येजेत्‍ज्‍यी। कफर्‌नहुम सहर गालील ग्‍येइ रेइकी जबुलुनतेङ् नप्‍तालीइ प्रदेस्‍री मुबल।

मत्‍ती 4:23

ओसेम् येसु गालील प्रदेस्‍की जम्‍मा ग्‍लामारी स्‍येजेत्‍ज्‍यी। थेङ्‌चे यहुदीमा र्‌हुब् तबे दीम्‍मारी स्‍येज्‍यीम् म्‍हीमात लोप्‍जेत्‍ज्‍यी। ओसेम् पर्‌मेस्‍वर्‌की य्‍हुल्‍की ज्‍यबे सम्‍तर् स्‍येत्‍जेत्‍ज्‍यी। ओसेम् थेङ्‌चे जम्‍मा थोइ रोग स्‍यप्‍ज्‍यीम् नबे म्‍हीमातेङ् नबलमात फेन्‍न लजेत्‍ज्‍यी।

मर्‌कुस् 6:1

हुजु ग्‍ला पीत्‍थेन्‍ज्‍यीम् येसु र्‌हङकी नम्‍स नासारतरी स्‍येजेत्‍ज्‍यी। ओसेम् थेङ्‌की डबमाएनो थेङ्‍तेङ् ङ्‌यीज्‍यी।

लुका 2:39

परमप्रभुकी नीयम्‍चे पङ्‌ब र्‌हङले स्‍य्‍हेङ्‌थोबे जम्‍मनो लक्‍मा स्‍य्‍हेङब बुच्‍ज्‍यीम् योसेफतेङ् मरीयम कोल येसुत बोर्‌ज्‍यीम् र्‌हङ्‌की सहर् गालीलकी नासरत्‍री दोःय्‍हर्‌ज्‍यी।

लुका 2:51

हुजु लीप्‍चे येसु अप अमतेङ् नासरत्‍री दोःजेत्‍ज्‍यी। ओसेम् थेमाइ अर्‌ती ङ्‌येन्‍ज्‍यीम् स्‍य्‍हुज्‍यी। येसुइ अम मरीयमचे चु जम्‍म तम्‍मा सेम् न्‍हङ्‌नो थेन्‍ज्‍यी।

लुका 4:16

येसु र्‌हङ् छर्‌बे सहर नासरत्‍री दोखजेत्‍ज्‍यी। थेङ्‌की पेठीम् अनुसार दुःब न्‍हबे दीन्‍री यहुदीमा र्‌हुप् तबे दीम्‍री स्‍येज्‍यीम् धर्‌मइ छ्‍येः खेप्‍परी रप्‍जेत्‍ज्‍यी।

लुका 4:31

हुजु लीप्‍चे येसु गालील प्रदेस्‍की कफर्‌नहुम पङ्‌बे सहर्‌री स्‍येजेत्‍ज्‍यी। ओसेम् दुःब न्‍हबे दीन्‍री थेङ्‌चे म्‍हीमात लोप्‍जेत्‍ज्‍यी।

लुका 4:35

चु थ्‍येःज्‍यीम् येसुचे हुजु म्‍हङ्‌त बराज्‍यीम् सुङ्‌जेत्‍ज्‍यी, “कुटी टीउ! ओसेम् चु म्‍ही ग्‍यम्‍से डोङ्‌ज्‍यीम् य्‍हरो!” हुजु म्‍हीत जम्‍मइ ङोन्‍ग्‍यम् म्‍य्‍हाथेन्‍ज्‍यीम् म्‍हङ् डोङ्‌य्‍हर्‌ज्‍यी। होले म्‍य्‍हाथेन्‍लेनो थेत खनएनो म्‍हग अङ्‍य्‍ही।

लुका 6:42

र्‌हङ्‌की गोरी मइ् ब्रब अम्रङ्‌ब्‍लचे खले पङ्‌खम्‍ब ‘अले एइ गोरी मुबे स्‍येत् दुत्‍ज्‍यीम् ख्‍लाके।’ ओ न्‍हङ् अज्‍यबे म्‍हीमा! ङोन्‍ग्‍यम् र्‌हङ्‌की गोरी मुबे मइतगीः लब्‍लाको ओसेम् अलेइ गोरी मुबे स्‍येत् दुत्‍ज्‍यीम् ख्‍लाखम्‍ब।”

युहन्‍ना 4:28

हुजुलीप्‍चे सामरी अमकोलम् यी नाबे तङ्‍लो हुजुरीनो ख्‍लेथेन्‍ज्‍यीम् ज्‍यीद लीङ्‍सरी दोःय्‍हर्‌ज्‍यी, ओसेम् म्‍हीमात पङ्‍ज्‍यी,

२ कोरीन्‍थी 5:16

देरे य्‍हङ्‍से ङ्‌यीमाचे खल्‍तएनो जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् अच्‍या। य्‍हीन्‍बरीम् तीख्‍यप्‍की बेलोरी ङ्‍यीमाचेएनो ख्रीस्‍ट्‍त जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् च्‍याब मुबल, तर देरे य्‍हङ्‍से थेङ्‍त होले म्‍हेन्‍ज्‍यीम् च्‍यास्‍ये अरे।