लुका 3:3 - पश्‍चिम तामाङ

³ युहन्‍नाचे यर्‌दन गेन्‍दी रेइ-रेइकी जम्‍मा ग्‍लामारी कोर्‌ज्‍यीम् म्‍हीमात चोले प्रचार स्‍य्‍हेङ्‌ज्‍यी, “एङ्‍यीमाचे पस्‍चताप स्‍य्‍हेङ्‌ज्‍यीम् बप्‍तीस्‍मा कीनो। ओसेम् पर्‌मेस्‍वर्‌चे एङ्‍यीमाचे स्‍य्‍हेङ्‌बे पाप क्षम न्‍हङ्‌स्‍ये मुब।”

लुका 3:3 ပူးပေါင်းရင်းမြစ်များ

मत्‍ती 3:11

“ङचेम् एङ्‍यीमाचे पस्‍चताप स्‍य्‍हेङ्‌बल ङोन्‍बे लागीरी यीचे बप्‍तीस्‍मा पीन्‍ब। तर ङ बीम ङ्‍हच्‍छ्‍यङ् गीः ब्‍योन्‍खय्‍हम्‍बल मुब, ङम् थेङ्‌की पनेइ नाबरीएनो जेबल अरे। थेङ्‌चे एङ्‌यीमात पबीत्र आत्‍मातेङ् मेग्‍यम्‍से बप्‍तीस्‍मा न्‍हङ्‌स्‍ये मुब।

लुका 1:16

थेचे य्‍हक्‍को इस्राएलीमात दोःज्‍यीम् थेमाकी परमप्रभु पर्‌मेस्‍वर्‌पट्‍टी बस्‍ये मुब।

लुका 1:77

एचे थेङ्‌की म्‍हीमात ‘पापमा क्षमा तज्‍यीम् मुक्‍ती यङ्‌स्‍ये मुब’ बी स्‍येत्‍स्‍ये मुब।

लुका 4:1

येसु पबीत्र आत्‍माचे प्‍लीङ्‌ज्‍यीम् यर्‌दन गेन्‍दीचे दोजेत्ज्‍यी। पबीत्र आत्‍माचे येसुत उजाड-ग्‍लारी नोम्‍जेत्‍ज्‍यी।

युहन्‍ना 1:28

चु तम् यर्‌दन् ग्‍येन्‍दीइ क्‍योम्‍सङ् बेथानीय पङ्‍बे ग्‍लारी तबल मुबल। हुजुरी युहन्‍नाचे बप्‍तीस्‍मा पीन्‍बे लक् स्‍य्‍हेङ्‌ब मुबल।

युहन्‍ना 3:26

होत्‍तज्‍यीम् थेङ्‍यीमा युहन्‍नाइज खज्‍यीम् पङ्‍ज्‍यी, “लोप्‍पोन्, यर्‌दन् ग्‍येन्‍दीइ क्‍योम्‍सङ् मुबे बेलोरी थेङ्‍तेङ् म्‍ही गीः मुबल। हुजु म्‍हीइ बारेरी थेङ्‌चे ङ्‍यीमात स्‍येत्‍जेत्‍पल मुबल। देरेम् हुजु म्‍हीचे बप्‍तीस्‍मा पीन्‍टीबल मुब, ओसेम् जम्‍मनो बप्‍तीस्‍मा कीन्‍बरी हुजुइज ङ्‍यीटीबल मुब।”

प्रेरीत् 13:24

येसुचे लक् चुःब बीम् ङोन्‍ग्‍यम् बप्‍तीस्‍मा पीन्‍बे युहन्‍ना खज्‍यीम् इस्राएलकी जम्‍म म्‍हीमात पाप ग्‍यम्‍से दोःज्‍यीम् बप्‍तीस्‍मा कीनो पङ्‍ज्‍यीम् प्रचार स्‍य्‍हेङ्‌ज्‍यी।

प्रेरीत् 19:4

ओसेम् पावलचे पङ्‍ज्‍यी, “युहन्‍नाचे पीन्‍बे बप्‍तीस्‍मा पाप ग्‍यम्‍से पस्‍चताप स्‍य्‍हेङ्‌बे लागीरी य्‍हीन्‍ब। युहन्‍नाचे, ‘ङ बीम लीक्‍यम् ब्‍योन्‍खस्‍येकी म्‍हीत बीस्‍वास् स्‍य्‍हेङो’ बी म्‍हीमात पङ्‍ज्‍यी। हुजु म्‍ही येसुनो मुबल।”

प्रेरीत् 22:16

होत्‍तज्‍यीम् देरेम् तले ब्रेन्‍ब? रेःज्‍यीम् बप्‍तीस्‍मा कीनो ओसेम् प्रभुइ छेन्‍री र्‌हङ्‌की पापमा ख्रुउ।’