लुका 3:23 - पश्‍चिम तामाङ

²³ येसुचे ल्‍हेगोर् ङ्‌य्‍ही स्‍यी डु तीङ् तबे बेलोरी थेङ्‌चे पर्‌मेस्‍वर्‌की लक् तीप्‍प स्‍य्‍हेङ्‌जेत्‍ज्‍यी। म्‍हीमाचे येसुत योसेफकी ज म्‍हेम्‍ब मुबल। योसेफकी अप एली मुबल,

लुका 3:23 ပူးပေါင်းရင်းမြစ်များ

मत्‍ती 1:1

अब्रहामतेङ् दाऊदकी छकोन् येसु ख्रीस्‍ट्‍की म्‍हेमेमाकी मीन्‍मा चुमा य्‍हीन्‍ब-

मत्‍ती 1:16

ओसेम् याकुब योसेफकी अप मुबल, योसेफ मरीयमकी र्‌हेम्‍बो मुबल, चु मरीयम ग्‍यम्सेनो येसु न्‍हज्‍यी, म्‍हीमाचे थेङ्‌त मुक्‍ती न्‍हङ्‌बे ख्रीस्‍ट् पङ्‍ब।

मत्‍ती 1:6

ओसेम् यीसै दाऊद ग्‍यल्‍बोइ अप मुबल। दाऊद सोलोमनकी अप मुबल। सोलोमनकी अम स्‍यीबे उरीयाहकी म्रीङ् मुबल,

मत्‍ती 13:55

थे हुजु स्‍यीङ्‍कर्‌मीकी ज अय्‍हीनो स्‍यीम्? थेइ अमएनो मरीयम् अय्‍हीनो स्‍यीम्? याकुब, योसेफ, सीमोनतेङ् यहुदा थेइ अलेमा अय्‍हीनो स्‍यीम्?

मत्‍ती 4:17

हुजु बेलो य्‍हङ्‍से येसुचे प्रचार् स्‍य्‍हेङ्‌ब तीप्जेत्‍ज्‍यीम् चोले सुङ्‌ज्‍यी, “पस्‍चताप स्‍य्‍हेङो, तलेपङ्‍सम् स्‍वर्‌गइ य्‍हुल् ज्‍यदङ् खबल मुब।”

मर्‌कुस् 6:3

चु म्‍ही मरीयमकी ज सीकर्‌मी अय्‍हीनो स्‍यीम्? ओसेम् थे याकुब, योसेफ, यहुदातेङ् सीमोनकी अज्‍यो अय्‍हीनो स्‍यीम्? थेइ अङमाएनो ङ्‍य्‍हङ्‍मातेङ्‍नो बक्‍च्‍य चुरी अरेउ स्‍यीम्?” चोले म्‍हीमाचे थेङ्‌त बीस्‍वास् अस्‍य्‍हेङ्।

लुका 2:48

येसुत हुजुरी म्रङ्‌मम् थेङ्‌की अपतेङ् अम थोम्‍ज्‍यी। ओसेम् मरीयमचे ङ्‌योत्‍ज्‍यी, “लेन्‍छ्‍य, एचे चु ता स्‍य्‍हेङ्‌बल? च्‍याको, एत अयङ्‌ज्‍यीम् एइ अपतेङ् ङ य्‍हक्‍को लोङ्‌ज्‍यी। ओसेम् छेर्‌ज्‍यीम् म्‍हइटीब मुबल।”

लुका 3:31

एल्‍याकीमकी अप मलेआ, मलेआकी अप मीन्‍ना मुबल, मीन्‍नाकी अप मत्‍ताथा, मत्‍ताथाकी अप नातान, नातानकी अप दाऊद,

लुका 4:22

जम्‍म म्‍हीमाचे येसुत तोप्‍ज्‍यी। येसुचे सुङ्‌बे ज्‍यबे तम् थ्‍येःज्‍यीम् थेङ्‌यीमा जम्‍मनो थोम्‍ज्‍यी। “चु योसेफकी ज अयीनो स्‍यीम्?” बी थेङ्‍यीमाचे पङ्‌ज्‍यी।

युहन्‍ना 1:45

फीलीपचे नथानेलत खतु लबरी ङ्‌यीज्‍यीम् पङ्‍ज्‍यी, “ङ्‌यीमाचे थेङ्‌त दोज्‍यी, थेङ्‌की बारेरी मोसातेङ् अगम्‍बक्‍तमाचे धर्‌म छ्‍येःरी ब्रीबल मुबल, थेङ्‍मी नासरतकी योसेफकी ज येसु य्‍हीन्‍ब।”

युहन्‍ना 6:42

थेङ्‍यीमाचे पङ्‍ज्‍यी, “चु योसेफकी ज येसु अय्‍हीनो स्‍यीम्? थेइ अप अमत ङ्‍य्‍हङ्‍माचे अस्‍येउ स्‍यीम्? चुजे खले, ‘ङ स्‍वर्‌गचे युबल’ बी पङ्‍ब?”

प्रेरीत् 1:1

225 लस्‍सो दाबो थीयोफीलस, येसुचे लक् तीप्जेत्‍प य्‍हङ्‍स्‍ये थेङ्‌चे स्‍य्‍हेङ्‌जेत्‍पलतेङ् लोप्‍जेत्‍पे जम्‍मनो तम्‍माकी बारेरी ङचे ङइ ङोन्‍ग्‍यम्‍की छ्‌येरी ब्रीज्‍यीन्‍बल मुब।