लुका 3:22 - पश्‍चिम तामाङ

²² ओसेम् स्‍वर्‌गचे पबीत्र आत्‍मा ढुकुरकी ल्‍हीरी येसुतेङ् स्‍य्‍हुबरी न्‍हेयुज्‍यी। ओसेम् स्‍वर्‌गचे पर्‌मेस्‍वर्‌की चोतेबे फ्रोइ युज्‍यी, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‌बल मुब।”

लुका 3:22 ပူးပေါင်းရင်းမြစ်များ

मत्‍ती 12:18

“च्‍यागो, ङचे दम्‍बे योक्‍पो चुनो य्‍हीन्‍ब, थेत ङ य्‍हक्‍को म्‍होइब, थेतेङ् ङ य्‍हक्‍को तङ्‍बल मुब। ङ ङइ आत्‍मा थेइ जोरी पीत्‍युस्‍ये मुब, ओसेम् थेचेनो जम्‍म जात्‍की म्‍हीमात न्‍यायकी प्रचार स्‍य्‍हेङ्‌स्‍ये मुब।

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

मत्‍ती 27:43

चुजे पर्‌मेस्‍वर्‌की भरोसा थेन्‍ब, होत्‍तज्‍यीम् पर्‌मेस्‍वर्‌की थु मुसम् पर्‌मेस्‍वर्‌चेनो थेत थर्‌न लखइ। तलेपङ्‍सम् थेचे, ‘ङ पर्‌मेस्‍वर्‌की ज य्‍हीन्‍ब’ बी पङ्‍ब मुबल।”

मत्‍ती 3:13

हुजु लीप्‍चे येसु युहन्‍ना ग्‍यम्‍चे बप्‍तीस्‍मा कीन्‍बरी गालील प्रदेस्‍चे यर्‌दन ग्‍येन्‍दीरी ब्‍योन्‍खज्‍यी।

मत्‍ती 3:16

ओसेम् बप्‍तीस्‍मा कीन्‍जेत्‍ज्‍यीम् येसु यीन्‍हङ्‍चे डोङ्‍जेत्‍ज्‍यी। हुजु बेलोरीनो स्‍वर्‌ग ठोङ्‌ज्‍यी, ओसेम् थेङ्‌चे पर्‌मेस्‍वर्‌की आत्‍मा ढुकुर र्‌हङ्‌ले र्‌हङ्‌की जोरी ब्‍योन्‍युटीबल म्रङ्‌जेत्‍ज्‍यी,

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

मर्‌कुस् 1:11

ओसेम् स्‍वर्‌ग ग्‍यम्‍से, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‍बल मुब” बी पङ्‌बे फ्रोइ थ्‍येःज्‍यी।

मर्‌कुस् 1:9

युहन्‍नाचे चोले प्रचार स्‍य्‍हेङ्‍टीबे बेलोरी येसु गालील प्रदेस्‍की नासरत पङ्‌बे सहरसे ब्‍योन्‍खज्‍यी। ओसेम् थेङ्‍चेएनो यर्‌दन गेन्‍दीरी युहन्‍ना ग्‍यम्‍से बप्‍तीस्‍मा कीन्‍जेत्‍ज्‍यी।

मर्‌कुस् 9:7

हुजु बेलोरीनो मुक्‍प खज्‍यीम् थेङ्‌यीमात उप्‍ज्‍यी। ओसेम् मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, एङ्‍यीमाचे थेइ तम् ङ्‌येनो।”

लुका 2:14

“गोदोब्‍न्‍हङ्‍की जोरी स्‍वर्‌गरी स्‍य्‍हुबे पर्‌मेस्‍वर्‌त जयजयकार, ओसेम् जम्‍बुलीङ्‌री पर्‌मेस्‍वर्‌चे म्‍होइ्‌बे म्‍हीमात सान्‍ती तरीखइ।”

लुका 4:21

ओसेम् थेङ्‌चे थेङ्‌यीमात सुङ्‌ज्‍यी, “धर्‌मइ छ्‍येःकी चु तम् एङ्‍यीमाचे ङ्‍येन्‍न-ङ्‍येन्‍ननो तीङी पुरा तबल मुब।”

युहन्‍ना 1:32

युहन्‍नाचे चोले पङ्‍ज्‍यीम् गबही पीन्‍ज्‍यी, “ङचे पबीत्र आत्‍मात स्‍वर्‌ग ग्‍यम्‍से ढुकुर र्‌हङ्‌ले ब्‍योन्‍युज्‍यीम् थेङ्‌की जोरी स्‍य्‍हुबल म्रङ्‍ज्‍यी।

युहन्‍ना 12:28

अप, थेङ्‌की छेन्‍की महीमा तनलजेतो।” ओसेम् स्‍वर्‌ग ग्‍यम्‍से चोतेबे केत् थ्‍येःज्‍यी, “ङचे हुजु महीमा कीन्‍बल मुब, ओसेम् देबेएनो कीन्‍स्‍ये मुब।”

युहन्‍ना 5:37

ओसेम् ङत पीत्‍युजेत्‍पे अप थेङ्‌चेनो ङइ बारेरी गवाही न्‍हङ्‌जेत्‍पल मुब। एङ्‍यीमाचे न्‍हा खेमेए थेङ्‌की केत् थ्‍येःबल मुब न्‍हा थेङ्‌की स्‍य्‍हल् म्रङ्‌बल मुब।

प्रेरीत् 10:38

ओसेम् पर्‌मेस्‍वर्‌चे नासरतकी येसुइ जोरी पबीत्र आत्‍मातेङ् सक्‍ती न्‍हङ्‍जेत्‍ज्‍यी। हुजु लीप्‍चे येसु खन बीबीनो स्‍येःज्‍यीम् ज्‍यबे लक्‍मातेङ् म्‍हङ्‍चे ननलबे म्‍हीमात फेन्‍न लजेत्‍ज्‍यी। तलेपङ्‍सम् पर्‌मेस्‍वर् थेङ्‍तेङ् बक्‍च्‍य मुबल।

कलस्‍सी 1:13

तलेपङ्‍सम् थेङ्‌चेनो ङ्‍य्‍हङ्‍मात म्‍हुन्‍दुङ्‍की य्‍हुल् ग्‍यम्‍से फेःपीन्‍जेत्‍ज्‍यी, ओसेम् र्‌हङ्‍की म्‍होइबे ज ख्रीस्‍ट्‍की य्‍हुल्‍री नोम्‍जेत्‍पल मुब।

१ पत्रुस 2:4

एङ्‍यीमा प्रभु येसुज खोउ, थेङ् सोम्‍बो युङ्‌ब य्‍हीन्‍ब। म्‍हीमाचे थेङ्‍त लक् अतबल पङ्‍ज्‍यीमा ख्‍लाज्‍यी, तर पर्‌मेस्‍वर्‌चेमी थेङ्‍त दम्‍जेत्‍ज्‍यीम् य्‍हक्‍को सेइकी युङ्‌ब स्‍य्‍हेङ्‍जेत्‍ज्‍यी।