लुका 3:12 - पश्‍चिम तामाङ

¹² ओसेम् तीरो दुत्‍पे म्‍हीमाएनो बप्‍तीस्‍मा कीन्‍बरी खज्‍यीम् युहन्‍नात ङ्‌योत्‍ज्‍यी, “लोप्‍पोन्, ङ्‍यीमाचेम् ता स्‍य्‍हेङ्‌थोब?”

लुका 3:12 ပူးပေါင်းရင်းမြစ်များ

मत्‍ती 5:46

एङ्‌यीमात म्‍होइबलमातकीनो म्‍होइज्‍यी पङ्‌सम् एङ्‍यीमाचे ताकी बक्सीस् यङ्‌ल स्‍यीम्? होतेबमी तीरो दुत्‍पलमाचेएनो स्‍य्‍हेङ्‌ब।

लुका 18:13

“तर तीरो दुत्‍पे म्‍ही थारीङ्‌क्‍योर्‌नो रप्‍ज्‍यीम् स्‍वर्‌गतोर् च्‍याकीएनो अच्‍यानले क्राज्‍यीम् कुत्‍तो र्‌हप्‍ज्‍यीम् चोले प्रार्‌थना स्‍य्‍हेङ्‌ज्‍यी, ‘पर्‌मेस्‍वर्, ङ पापीत दय स्‍य्‍हेङ्‌जेतो।’”

लुका 3:10

हुजु लीप्‍चे म्‍हीमाचे युहन्‍नात ङ्‌योत्‍ज्‍यी, “होलेपङ्‌सम् ङ्‌यीमाचे ता स्‍य्‍हेङ्‌थोब?”

लुका 3:13

थेमात युहन्‍नाचे पङ्‌ज्‍यी, “सरकारचे तोक्‍तीब बीमम् य्‍हक्‍को तीरो थदुदो।”

लुका 7:29

येसुचे लोप्‍जेत्‍पल थ्‍येःज्‍यीम् तीरो दुत्‍पे म्‍हीमातेङ् ल्‍हो-ल्‍हो म्‍हीमाचे “पर्‌मेस्‍वर्‌की ग्‍यम् ठीक् य्‍हीन्‍ब टीम्” पङ्‌ज्‍यी, तलेपङ्‍सम् थेङ्‍यीमाचे युहन्‍नाचे पीन्‍बे बप्‍तीस्‍मा कीन्‍बल मुबल।

प्रेरीत् 2:37

पत्रुसचे पङ्‍बे चु तम् थ्‍येःज्‍यीम् थेङ्‌यीमाकी सेम्‍री य्‍हक्‍को दुख तज्‍यी। ओसेम् थेङ्‍यीमाचे पत्रुसतेङ् ल्‍हो-ल्‍हो प्रेरीतमात, “अज्‍यो-अलेमा, देरेम् ङ्‌यीमाचे तालथोब?” पङ्‍ज्‍यीम् ङ्‌योत्‍ज्‍यी।