लुका 3:11 - पश्‍चिम तामाङ

¹¹ युहन्‍नाचे थेमात पङ्‌ज्‍यी, “गोइ्‌ल ङ्‌य्‍ही मुबे म्‍हीचे अरेबे म्‍हीत गीः पीनो। ओसेम् चबे स्‍हे मुबे म्‍हीचे अरेबे म्‍हीत जुज्‍यीम् पीनो।”

लुका 3:11 ပူးပေါင်းရင်းမြစ်များ

मत्‍ती 25:40

ओसेम् ग्‍यल्‍बोचे जोहाप् पीन्‍स्‍ये मुब, ‘ङ एङ्‌यीमात देमेन्‍नो पङ्‍ब, एङ्‍यीमाचे ङइ चु अलेमा न्‍हङ्‌री ज्‍यीद बीम ज्‍यीद अले गीःत तता स्‍य्‍हेङ्‌ज्‍यी, हुजु एङ्‍यीमाचे ङतनो स्‍य्‍हेङ्‌ज्‍यी।’

लुका 11:41

तर तङ्‌लोमाकी न्‍हङ्‌री मुबे स्‍हेमा प्रङ्‌नमात पीनो ओसेम् एङ्‌यीमाइ जम्‍मा स्‍हेमा चोखो तस्‍ये मुब।”

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

लुका 19:8

तर जखायस प्रभुइ ङोन्‍री रप्‍ज्‍यीम् पङ्‌ज्‍यी, “सेन्‍जेतो प्रभु, देरेम् ङतेङ् मुबे सम्‍पत्तीमाकी फक्‍ले प्रङ्‌नमात पीन्‍स्‍ये मुब। ओसेम् ङचे खल्‍त पङ्‌लेनो भ्‍यु पङ्‌ज्‍यीम् तेए कीन्‍बल मुसम् थेत बो ब्‍ली य्‍हक्‍को दोःपीन्‍स्‍ये मुब।”

युहन्‍ना 13:29

यहुदातेङ् टङइ गल्‍द मुबल तज्‍यीम् पर्‌ब म्‍हन्‍दीबरी तोःबे स्‍हेःमा ग्‍लुउ बी येसुचे सुङ्‌बल य्‍हीन्‍स्‍यीन बी थेङ्‍यीमा न्‍हङ्‌री डेत्-डेत्चे म्‍हेन्‍ज्‍यी, ओसेम् डेत्-डेत्‍चेम् प्रङ्‌नमात टङ पीन्‍बरी पीत्‍पल य्‍हीन्‍स्‍यीन बी म्‍हेन्‍ज्‍यी।

प्रेरीत् 10:2

थेतेङ् थेइ दीम्‍की म्‍हेम्‍यमा जम्‍मनो पर्‌मेस्‍वर्‌त तेन्‍बे म्‍ही मुबल। थेचे प्रङ्‌न म्‍हीमात सेम् य्‍हङ्‌सेनो पीन्‍ज्‍यीम् खेम पङ्‍लेएनो पर्‌मेस्‍वर्‌तेङ् प्रार्‌थना स्‍य्‍हेङ्‌ब मुबल।

प्रेरीत् 10:31

‘कर्‌नेलीयस, पर्‌मेस्‍वर्‌चे एइ प्रार्‌थना सेन्‍जेत्‍पल मुब। ओसेम् एचे प्रङ्‌नमात चब थुङ्‍ब पीन्‍बल थेङ्‌चे व्‍हल् लजेत्‍पल मुब।

प्रेरीत् 10:4

कर्‌नेलीयस लोङ्‌ज्‍यी, ओसेम् स्‍वर्‌गदुत्‍त च्‍याज्‍यीम्, “प्रभु सुङो!” बी पङ्‍मम् स्‍वर्‌गदुत्‍चे पङ्‍ज्‍यी, “एचे स्‍य्‍हेङ्‌बे प्रार्‌थनातेङ् एचे प्रङ्‌नमात पीन्‍बे चब थुङ्‍ब पर्‌मेस्‍वर्‌त सेम्‍री ङ्‌यीबे ठा र्‌हङ्‌ब तबल मुब।

एफीसी 4:28

खल्‍ल पङ्‌लेनो य्‍हो लबे बानी मुसम् देरेम् य्‍हो लब पीत्‍थोब। तर थेचे र्‌हङ्‍चेनो दुख लज्‍यीम् इमान्‍दार्‌ले लक् स्‍य्‍हेङ्‍थोब, ओसेम् थेचे तोःबे म्‍हीमात ता पङ्‌लेनो पीन्‍ब खम्‍थोब।

१ तीमोथी 6:17

चु जम्‍बुलीङ्‌री बरु तबलमात र्‌हङ्‌चे र्‌हङ्‍त ङ्‍हच्‍छ्‍यङ् थम्‍हेनो पङो। न्‍होङ्‍ज्‍यीम् य्‍हर्‌बे सम्‍पतीरी अय्‍हीन् तर ङ्‌य्‍हङ्‌माकी सुखइ लागीरी जम्‍मनो स्‍हेःमा ल्‍हाब सम्‍मनो न्‍हङ्‌बे पर्‌मेस्‍वर्‌री भरोसा थेनो बी पङो।

१ तीमोथी 6:18

ओसेम् थेङ्‍यीमात ज्‍यबे लक्‍मा स्‍य्‍हेङो, ज्‍यबे लक्‍मा य्‍हक्‍को स्‍य्‍हेङ्‌बरी बरु सेम् थोको, तोःबलमात स्‍हेः पीन्‍बे सेम् थोको बी पङो।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

याकुब 1:27

पर्‌मेस्‍वर् अपत सेम्‍री ङ्‌यीबे चोखोतेङ् पबीत्र धर्‌ममी दुख यङ्‍बे र्‌हेम्‍बो स्‍यीबे अमकोलमा ओसेम् दुख यङ्‍बे व्‍हङ्‍स्‍य कोलमात स्‍य्‍हप्‍तो स्‍य्‍हेङ्‌ब ओसेम् जम्‍बुलीङ्‌की अज्‍यबे लक्‍मा ग्‍यम्‍से फे:ज्‍यीम् टीब य्‍हीन्‍ब।

याकुब 2:14

ङइ बीस्‍वासी र्‌होमा, खल्‍चे पङ्‍लेएनो “ङतेङ् बीस्‍वास् मुब” पङ्‍ब, तर बीस्‍वासत लक्‍री अङोन्‍ज्‍यी पङ्‌सम् थेत ता ज्‍यब तब स्‍यीम्? थेइ बीस्‍वास्‍चे थेत थर्‌न लबो स्‍यीम्?

१ युहन्‍ना 3:17

जम्‍बुलीङ्‌री सोबरी तोःबे स्‍हेःमा मुबलचे र्‌हङ्‍की बीस्‍वासी र्‌होमात हुजु स्‍हेः तोबल म्रङ्‍ज्‍यीमएनो सेम् कोङ्‍ज्‍यीम् अपीन्‍ज्‍यी पङ्‌सम् थेमाचे खले पर्‌मेस्‍वर्‌त म्‍होइब?

१ युहन्‍ना 4:20

खल्‍चे पङ्‌लेनो पर्‌मेस्‍वर्‌त म्‍होइब पङ्‍ब, ओसेम् ल्‍हो-ल्‍हो बीस्‍वासी र्‌होमात हेल लब पङ्‌सम् थे भ्‍यु य्‍हीन्‍ब। र्‌हङ्‌चे म्रङ्‌बे ल्‍हो-ल्‍हो बीस्‍वासी र्‌होमात अम्‍होइबलचे अम्रङ्‍बे पर्‌मेस्‍वर्‌त खले म्‍होइब?