लुका 23:4 - पश्‍चिम तामाङ

⁴ हुजु लीप्‍चे पीलातसचे ङ्‍हच्‍छ्‍यङ् लम्‍बुमातेङ् य्‍हक्‍को म्‍हीमात पङ्‌ज्‍यी, “चु म्‍हीचे अतबे लक् स्‍य्‍हेङ्‌बल ङचे तएनो अय्‍हङ्।”

लुका 23:4 ပူးပေါင်းရင်းမြစ်များ

मत्‍ती 27:19

पीलातस न्‍यय स्‍य्‍हेङ्‌बे ठीरी टीटीबे बेलोरी थेइ म्रीङ्‍चे थेत चोले पङ्‍ज्‍यीम् सम्‍तर् पीत्‍ज्‍यी, “हुजु तइ दोस्‍एनो अरेबे म्‍हीत तेएनो थलो, तलेपङ्‍सम् थेचे लज्‍यीम् ङचे तील ङ्‍येस्‍ये म्‍हङ्‍री य्‍हक्‍को दुख यङ्‌बल मुब।”

मर्‌कुस् 15:14

पीलातसचे थेङ्‌यीमात पङ्‍ज्‍यी, “तले? चु म्‍हीचे ता अतबे लक् स्‍य्‍हेङ्‌ज्‍यी?” तर थेङ्‍यीमाचे झेन् बङ्‍ले क्रीङ्‌ज्‍यीम्, “थेत क्रुस्‍री च्‍योलागो!” बी पङ्‍ज्‍यी।

लुका 23:22

ओसेम् पीलातसचे सोम्ख्‍यप् कुनोएनो थेङ्‌यीमात पङ्‌ज्‍यी, “तले? चुजे ता अतबे लक् स्‍य्‍हेङ्‌ज्‍यी? चु म्‍हीचे स्‍यीथोबे सजाय यङ्‌बे लक् स्‍य्‍हेङ्‌बल ङचे तेएनो अयङ्। होत्‍तज्‍यीम् थेत कोर्‌रचे ग्‍यङ्‌ज्‍यीम् पीत्‍लास्‍ये मुब।”

युहन्‍ना 18:38

ओसेम् पीलातसचे, “देमेन् पङ्‍बल ता?” बी ङ्‌योत्‍ज्‍यी। चोदे तम् ङ्‍योत्‍ज्‍यीन्‍ब बीसेम् दोरी डोङ्‍ज्‍यीम् पीलातसचे यहुदी अगुवामात पङ्‍ज्‍यी, “थेत सजाय पीन्‍थोबे लक् थेचे तएनो स्‍य्‍हेङ्‌बल ङचे अम्रङ्।

प्रेरीत् 25:25

तर ङचे चु म्‍हीचे स्‍यीथोबे सजाय यङ्‌बे लक् तएनो स्‍य्‍हेङ्‌बल अय्‍हङ्। ओसेम् थेचेएनो रोमी सम्राटत फ्‍या लम्‍यङो पङ्‍बल तज्‍यीम् ङ थेत रोम्‍री पीत्‍परी तयार तज्‍यी।

प्रेरीत् 3:13

होले अय्‍हीन्, ङ्‍य्‍हङ्‍की म्‍हेमे अब्राहाम, इसहाकतेङ् याकुबकी पर्‌मेस्‍वर्‌चेनो थेङ्‌की योक्‍पो येसुत स्‍य्‍हेस न्‍हङ्‍जेत्‍ज्‍यी। एङ्‍यीमाचे थेङ्‌त चुङ्‌ज्‍यीम् सासक्‍माकी यारी सोप्‍तीपीन्‍ज्‍यी। ओसेम् पीलातसचे येसुत पीत्‍लाब म्‍हइमेएनो एङ्‍यीमाचे थपीतो बी पङ्‍ज्‍यी।

हीब्रु 7:26

ङ्‍य्‍हङ्‍मात तोःबे गोदोब्‍न्‍हङ्‍की ङ्‍हच्‍छ्‍यङ् लम्‍बुएनो येसुनो य्‍हीन्‍ब। थेङ् पबीत्र, दोस् अरेबल, सुद्‍द, पापीमा ग्‍यम्‍से फेःबल ओसेम् पर्‌मेस्‍वर्‌चे थेङ्‍त स्‍वर्‌गरी जम्‍मन्‍हङ्‍की ङ्‍हच्‍छ्‍यङ् स्‍य्‍हेसइ ग्‍लारी थेन्‍जेत्‍पल मुब।

१ पत्रुस 1:19

तर सेइ फाज्‍यीम् फाब अखम्‍बे ख्रीस्‍ट्‍की काःचे एङ्‌यीमात फेःपीन्‍जेत्‍पल य्‍हीन्‍ब। थेङ् तइ दोस्‍तेङ् खोट् अरेबे ज्‍यबे ग्‍यु बोक र्‌हङ्‍ब मुबल।

१ पत्रुस 2:22

थेङ्‍चेम् तइ पापएनो स्‍य्‍हेङ्‍अजेत्, ओसेम् थेङ्‌चे तएनो भ्‍यु सुङ् अजेत्।

१ पत्रुस 3:18

तलेपङ्‍सम् खेम पङ्‌लेनो योनले ख्रीस्‍ट् पाप्‍माकी लागीरी तीक्‍ख्‍यप् स्‍यीपीन्‍जेत्‍ज्‍यी। थेङ्‍चे पाप स्‍य्‍हेङ्‌अजेत्‍लेनो एङ्‌यीमात पर्‌मेस्‍वर्‌ज बबरी एङ्‌यी पापीमाकी लागीरी स्‍यीपीन्‍जेत्‍ज्‍यी। थेङ् ल्‍हीरी स्‍यीजेत्‍ज्‍यी, तर आत्‍मारी सोम्‍बो तजेत्‍ज्‍यी।