लुका 23:35 - पश्‍चिम तामाङ

³⁵ म्‍हीमा रप्‍ज्‍यीम् च्‍याटीब मुबल। तर यहुदी अगुवामाचे थेङ्‌त ङोःज्‍यीम्, “थेचे ल्‍हो-ल्‍होत थर्‌नलज्‍यी। थे पर्‌मेस्‍वर्‌चे दम्‍जेत्‍पे मुक्‍ती न्‍हङ्‌बे ख्रीस्‍ट् य्‍हीन्‍सम् र्‌हङ्‌चे र्‌हङ्‌त थर्‌न लखइ” बी पङ्‌ज्‍यी।

लुका 23:35 ပူးပေါင်းရင်းမြစ်များ

मत्‍ती 12:18

“च्‍यागो, ङचे दम्‍बे योक्‍पो चुनो य्‍हीन्‍ब, थेत ङ य्‍हक्‍को म्‍होइब, थेतेङ् ङ य्‍हक्‍को तङ्‍बल मुब। ङ ङइ आत्‍मा थेइ जोरी पीत्‍युस्‍ये मुब, ओसेम् थेचेनो जम्‍म जात्‍की म्‍हीमात न्‍यायकी प्रचार स्‍य्‍हेङ्‌स्‍ये मुब।

मत्‍ती 3:17

ओसेम् स्‍वर्‌ग ग्‍यम्‍चे चोतेबे केत् थ्‍येःज्‍यी, “चु ङइ म्‍होइबे ज य्‍हीन्‍ब, ओसेम् ङ थेतेङ् य्‍हक्‍को तङ्‍बल मुब।”

लुका 16:14

येसुचे सुङ्‌बे चु जम्‍मा तम्‍मा थ्‍येःब बीसेम् पतइ अतीज्‍यीम् टङत म्‍होइबे फरीसीमा ङ्‌येत्‍ज्‍यी।

लुका 23:13

हुजु लीप्‍चे पीलातसचे ङ्‍हच्‍छ्‍यङ् लम्‍बुमा ओसेम् अगुवामातेङ् म्‍हीमात र्‌हुप्‍ले ङ्‌होत्‍ज्‍यीम्

लुका 23:39

अज्‍यबे लक् स्‍य्‍हेङ्‌ज्‍यीम् च्‍योलाबल ङ्‌य्‍ही न्‍हङ्‌री गीःचे थेङ्‌त ङोःज्‍यीम्, “ए मुक्‍ती पीन्‍बे ख्रीस्‍ट् अय्‍हीनो स्‍यीम? य्‍हीन्‍ब पङ्‌सम् र्‌हङ्‌चे र्‌हङ्‌त थर्‌नलोउ। ओसेम् ङ्‌यीङ्‌य्‍हीतएनो थर्‌नलोउ!” बी पङ्‌ज्‍यी।

१ पत्रुस 2:4

एङ्‍यीमा प्रभु येसुज खोउ, थेङ् सोम्‍बो युङ्‌ब य्‍हीन्‍ब। म्‍हीमाचे थेङ्‍त लक् अतबल पङ्‍ज्‍यीमा ख्‍लाज्‍यी, तर पर्‌मेस्‍वर्‌चेमी थेङ्‍त दम्‍जेत्‍ज्‍यीम् य्‍हक्‍को सेइकी युङ्‌ब स्‍य्‍हेङ्‍जेत्‍ज्‍यी।