लुका 23:23 - पश्‍चिम तामाङ

²³ तर म्‍हीमाचे केत् ङ्‌हच्‍छ्‌यङ् तेत्‍ज्‍यीम् क्रीङ्‌ज्‍यीम् पङ्‌ज्‍यी, “येसुत क्रुस्‍री च्‍योनोथोब!” चोलेनो थेङ्‌यीमा क्रीङ्‌ज्‍यीम् डाज्‍यी।

लुका 23:23 ပူးပေါင်းရင်းမြစ်များ

मर्‌कुस् 14:31

तर पत्रुसचे नासेन्‍लेनो, “अय्‍हीन्, ङ थेङ्‍तेङ् बक्‍च्‍य स्‍यीथोलेएनो स्‍यील, ङ थेङ्‌त अस्‍य्‍हे बी खेमेएनो पङ्‌स्‍ये अरे” बी पङ्‍ज्‍यी। ओसेम् ल्‍हो-ल्‍हो डबमाचेएनो होलेनो पङ्‍ज्‍यी।

लुका 23:22

ओसेम् पीलातसचे सोम्ख्‍यप् कुनोएनो थेङ्‌यीमात पङ्‌ज्‍यी, “तले? चुजे ता अतबे लक् स्‍य्‍हेङ्‌ज्‍यी? चु म्‍हीचे स्‍यीथोबे सजाय यङ्‌बे लक् स्‍य्‍हेङ्‌बल ङचे तेएनो अयङ्। होत्‍तज्‍यीम् थेत कोर्‌रचे ग्‍यङ्‌ज्‍यीम् पीत्‍लास्‍ये मुब।”

लुका 23:24

होत्‍तज्‍यीम् पीलातसचे येसुत म्‍हीमाचे पङ्‌ब र्‌हङ्‌लेनो स्‍य्‍हेङ्‌पुङ्‌ज्‍यी।

लुका 23:5

तर थेङ्‍यीमाचे नासेन्‍लेनो पङ्‌ज्‍यी, “चुजे यहुदीय प्रदेस्‍की जम्‍मा ग्‍लाइ म्‍हीमा ओसेम् गालील प्रदेस् य्‍हङ्‌स्‍ये तीप्‍ज्‍यीम् चु ग्‍ला सम्‍मनो लोप्‍ज्‍यीम् फुलीतीटीबल मुब।”