5 ओसेम् थेङ्यीमा तङ्ज्यीम् थेत टङ पीन्ब पङ्ज्यी।
ओसेम् यहुदा ङ्हच्छ्यङ् लम्बुमातेङ् पर्मेस्वर्त तेन्बे दीम् रुङ्बलमाकी हाकीम्माज ङ्यीज्यीम् येसुत चुङ्पीन्बरी तम् डीःज्यी।
होत्तज्यीम् यहुदाचे तब पङ्ज्यी। ओसेम् थेचे येसुत य्हक्को म्हीमा अरेबे बेलोरी चुङ्नलपीन्बे मौक च्याब थाल्दीज्यी।
यहुदाचे अज्यबे लक् स्य्हेङ्ज्यीम् यङ्बे टङचे म्रङ् गी ग्लुज्यी। हुजु म्रङ्री थे क्र पीक्चुले तइज्यीम् स्यीज्यी। ओसेम् थेइ फो थीज्यीम् ग्रुङ्माएनो पकचे डोङ्ज्यी।
तर पत्रुसचे पङ्ज्यी, “एइ टङ एतेङ् बक्च्यनो नास् तखइ, तलेपङ्सम् एचे पर्मेस्वर्चे न्हङ्जेत्पे बर्दान्त टङचे ग्लुब खम्ब बी म्हेन्ज्यी।
थेङ्यीमा ज्यबे ग्यम् पीत्ज्यीम् अज्यबे ग्यम्री ब्रब। ओसेम् थेङ्यीमा अज्यबे लक् स्य्हेङ्ज्यीम् टङ छाबरी म्होइबे बओर्की ज बालामकी लीप्चे ब्रबल मुब।
थेङ्यीमा लोभ्चे प्लीङ्बल तज्यीम् र्हङ्चे म्हेन्बे भ्युकी तम् लोप्ज्यीम् एङ्यीमा ग्यम्से फाइद कीन्स्ये मुब। तर पर्मेस्वर्चे थेङ्यीमात दङ्बोनो दोसी ङोन्ज्यीन्बल मुब, ओसेम् थेङ्यीमा नास् तस्येनो मुब।
धीक्कार थेङ्यीमात! थेङ्यीमा कयीनकी ग्यम्री ब्रज्यी। टङइ लागीरी बालाम्चे स्य्हेङ्बे अज्यबे लक्की ग्यम्री ब्रज्यी। ओसेम् थेङ्यीमाचे कोरहचे र्हङ्ले बीरोद् लज्यी, ओसेम् थेङ्यीमा हुजु र्हङ्ले नास् तब।
