लुका 22:42 - पश्‍चिम तामाङ

⁴² येसुचे सुङ्‌ज्‍यी, “अप, थेङ्‌की थुः मुसम् चु दुख ङ ग्‍यम्‍से फेःपीन्‍जेतो। तर ङचे म्‍हेन्‍ब र्‌हङ्‌ब अय्‍हीन्, थेङ्‌चे म्‍हेन्‍ब र्‌हङ्‌ब तखइ।”

लुका 22:42 ပူးပေါင်းရင်းမြစ်များ

मत्‍ती 11:25

हुजु बेलोरी येसुचे चोले प्रार्‌थना स्‍य्‍हेङ्‌ज्‍यी, “अप, स्‍वर्‌गतेङ् जम्‍बुलीङ्‌की प्रभु, ङ थेङ्‌त व्‍होर्‌छ्‌ये पीन्‍ब, तलेपङ्‍सम् बुद्‍दी मुबे म्‍हीमातेङ् स्‍येःब खेःबे म्‍हीमा ग्‍यम्‍से छुम्‍ज्‍यीम् थेन्‍जेत्‍पे तम् ज्‍यीद कोलमा र्‌हङ्‍बे ङ्‌यीमात गोनलजेत्‍ज्‍यी।

मत्‍ती 11:26

अप, थेङ्‌त चोलेनो स्‍य्‍हेङ्‌बे थुः तज्‍यी।

मत्‍ती 20:22

ओसेम् येसुचे थेङ्‌यीमात सुङ्‌ज्‍यी, “एङ्‍यीमाचे ता र्‌हीत्‍टीब बी स्‍येःबल अरे। ङचे थुङ्‌ब म्‍हइटीबे दुखइ खोरे ग्‍यम्‍से एङ्‍यीमाचे थुङ्‌ब खम्‍ब?” ओसेम् थेङ्‍यीमाचे, “ङ्‌यीमाचे खम्‍ब” बी पङ्‌ज्‍यी।

मत्‍ती 26:39

ओसेम् थेङ् चेक्‍प जाकी क्‍योर् स्‍येज्‍यीम् सरी पब्‍लु लजेत्‍ज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “ङइ अप, तसम् चु दुख ङ ग्‍यम्‍से स्‍यलाजेतो। तर ङचे म्‍हेन्‍ब र्‌हङ्‌ब अय्‍हीन्, थेङ्‌चे म्‍हेन्‍ब र्‌हङ्‌ब तखइ।”

मत्‍ती 26:42

येसु देबेएनो चेक्‍प जाकी क्‍योर् स्‍येःज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “ङइ अप, चु दुख ङचे अना गदे अतसम् थेङ्‌चे थुः लजेत्‍प र्‌हङ्‍बनो तखइ।”

मत्‍ती 26:44

होत्‍तज्‍यीम् थेङ्‌यीमात ख्‍लेथेन्‍ज्‍यीम् देबेएनो थेङ्‌चे ङोन्‍ग्‍यम्‍की छीःमानो तेत्‍ज्‍यीम् प्रार्‌थना स्‍य्‍हेङ्‍जेत्‍ज्‍यी।

मत्‍ती 6:10

थेङ्‌की य्‍हुल् खखइ, थेङ्‌की थुः स्‍वर्‌गरी खतेब मुब, होतेब चु जम्‍बुलीङ्‌री टोप् तखइ।

मर्‌कुस् 14:36

थेङ्‌चे चोले प्रार्‌थना स्‍य्‍हेङ्‍जेत्‍ज्‍यी, “अप, थेङ्‌चे स्‍य्‍हेङ्‍अखम्‍बल तेएनो अरे। तसम् चु दुख ङ ग्‍यम्‍से स्‍यापीन्‍जेतो। तर ङचे म्‍हेन्‍ब र्‌हङ्‌ले अय्‍हीन्, थेङ्‌की थुः अनुसार तखइ।”

लुका 23:34

ओसेम् येसुचे सुङ्‌ज्‍यी, “अप! थेङ्‌यीमात क्षमा न्‍हङ्‌जेतो। तलेपङ्‍सम् थेङ्‍यीमाचे ता स्‍य्‍हेङ्‌टीब बी थेङ्‍यीमाचे स्‍येःबल अरे।” ओसेम् सीपाहीमाचे थेङ्‌की न्‍हम्‍ज चीठ्‌ठ युज्‍यीम् जुज्‍यी।

युहन्‍ना 18:11

तर येसुचे पत्रुसत सुङ्‌ज्‍यी, “एइ तरवाल स्‍युप्‍री जङो। अपचे ङइ लागीरी टोप लबे दुखइ खोरे ग्‍यम्‍से ङचे अथुङ्‍स्‍ये स्‍यीम्?”

युहन्‍ना 4:34

ओसेम् येसुचे थेङ्‌यीमात सुङ्‌ज्‍यी, “ङत पीत्‍युजेत्‍पलइ थुः र्‌हङ्‌लेनो ब्रबतेङ् थेङ्‌की लक् टोप् स्‍य्‍हेङ्‌बनो ङइ चब य्‍हीन्‍ब।

युहन्‍ना 5:30

“ङ र्‌हङ्‌चेनोम् तएनो स्‍य्‍हेङ्‌ब अखम्। पर्‌मेस्‍वर्‌चे ङत खले सुङ्‌ज्‍यी होलेनो न्‍याय स्‍य्‍हेङ्‌ब। होत्‍तज्‍यीम् ङचे स्‍य्‍हेङ्‌बे न्‍याय देमेन् तब, तलेपङ्‍सम् ङ र्‌हङ्‌चे म्‍हेन्‍ब र्‌हङ्‌ले अय्‍हीन्, तर ङत पीत्‍युजेत्‍पे अपचे थुः लजेत्‍प र्‌हङ्‌ले स्‍य्‍हेङ्‌ब।

युहन्‍ना 6:38

तलेपङ्‍सम् ङ ङचे म्‍हेन्‍बल टोप् लबरी अय्‍हीन् तर ङत पीत्‍युजेत्‍पलइ थुः टोप् लबरी स्‍वर्‌ग ग्‍यम्‍से युबल य्‍हीन्‍ब।

प्रेरीत् 21:14

पावलचे अङ्‌येन्‍ब बीसेम् ङ्‌यीमाचे “प्रभुइ थुः टोप् तखइ” पङ्‍ज्‍यीम् कुटी टीज्‍यी।