लुका 22:36 - पश्‍चिम तामाङ

³⁶ येसुचे सुङ्‌ज्‍यी, “तर देरेम् टङ मुबलमाचे टङ नाको, झोला मुबलामाचे झोला नाको। ओसेम् एङ्‌यीमा खल्‍तेङ् गोच्‍ज अरेज्‍यी थेचे र्‌हङ्‌की य्‍हुर्‌पे येन् चुङ्‌ज्‍यीम् गोच्‍ज ग्‍लुउ।

लुका 22:36 ပူးပေါင်းရင်းမြစ်များ

मत्‍ती 10:10

ब्रबे बेलोरी झोल, पोयेन्, पनेइ ओसेम् दाबे बेर्‌कएनो थनाको, तलेपङ्‍सम् लक् स्‍य्‍हेङ्‌बलचे तोःबे स्‍हेः यङ्‌नोथोब।

लुका 22:35

ओसेम् येसुचे डबमात, “ङचे एङ्‌यीमात टङ ओसेम् झोलतेङ् पनेइ अबोर्‌नले ङ्‌यीउ पङ्‌बे बेलोरी एङ्‌यीमात तेइ तोज्‍यी?” बी ङ्‌योत्‍जेत्‍ज्‍यी। ओसेम् थेङ्‍यीमाचे, “तेएनो अतो” बी पङ्‌ज्‍यी।

लुका 22:37

तलेपङ्‍सम् ङ एङ्‌यीमात पङ्‌ब, धर्‌मइ छ्‍येःरी ‘थे अपराधीमातेङ् ज्‍याज्‍यी’ बी ब्रीबल ङ ग्‍यम्‍से पुरा तथोब। तलेपङ्‍सम् ङइ बारेरी ब्रीबल देमेन्‍नो पुरा तटीब मुब।”

लुका 22:38

डबमाचे, “प्रभु, स्‍हीगो ङ्‌यीमातेङ् गोच्‍ज ङ्‌य्‍ही मुब” बी पङ्‌ज्‍यी। ओसेम् थेङ्‌चे सुङ्‌ज्‍यी, “होतेचेनो यो:ब।”

युहन्‍ना 15:20

ङचे एङ्‌यीमात, ‘योक्‍पो न्‍याबो बीम ङ्‍हच्‍छ्‍यङ् अत’ बी पङ्‍बे तम् व्‍हल् लउ। म्‍हीमाचे ङत दुख पीन्‍ज्‍यी पङ्‌सम् एङ्‍यीमातएनो पीन्‍स्‍ये मुब। ओसेम् थेङ्‍यीमाचे ङइ तम्‍मा ङ्‍येन्‍ज्‍यी पङ्‌सम् एङ्‌यीमाकी तमएनो ङ्‍येन्‍स्‍ये मुब।

युहन्‍ना 16:33

“एङ्‍यीमाचे ङतेङ् सान्‍ती यङ्‍खइ पङ्‍ज्‍यीम् ङचे एङ्‌यीमात चु तम्‍मा पङ्‍बल य्‍हीन्‍ब। जम्‍बुलीङ्‌री एङ्‌यीमात दुख तस्‍ये मुब, तर आर् लउ, जम्‍बुलीङ्‍त ङचे डाबल मुब।”

१ थेस्‍लोनीकी 3:4

तलेपङ्‌सम् ङ्‌यीमा एङ्‌यीमातेङ् बक्‍च्‍य मुबे बेलोरीनो दुखमा खस्‍ये मुब बी ङ्‌यीमाचे ङोन्‍ग्‍यम्‍नो पङ्‍बल मुबल। देमेन्‍नो ङ्‌यीमाचे पङ्‍ब र्‌हङ् तज्‍यी, ओसेम् हुजु एङ्‌यीमाचेनो स्‍येबल मुब।

१ पत्रुस 4:1

ख्रीस्‍ट्‍चे ल्‍हीरी दुख नाजेत्‍ज्‍यी, होलेनो एङ्‍यीमाचे थेङ्‍चे र्‌हङ्‌ले दुख नाबे सेम् थो:ज्‍यीम् आर् लथोब, तलेपङ्‍सम् ल्‍हीरी दुख नाबलचे पाप स्‍य्‍हेङ्‌ब पीत्‍लाबल तब।